2 سالونیكی 1:10 - ئنجیلا پیرۆز

¹⁰ دەمێ ئەو دهێت دا ل وێ رۆژێ د ناڤ پیرۆزكریێن خۆ دا بهێتە مەزنكرن و ببیتە جهێ مەندەهۆشیا هەمی باوەرداران، هوین ژی دێ د ناڤ وان دا بن، چنكو هەوە باوەری ب شاهدەییا مە ئینا.

2 سالونیكی 1:10 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەتتای 16:28

ب راستی دبێژمە هەوە: هندەك ژ ئەوێن ل ڤێرێ راوەستیاین، تاكو هاتنا كوڕێ مرۆڤ د پاشایەتیا وی دا نەبینن، تام ناكەنە مرنێ.»

مزگینیا مەتتای 24:36

لێ سەبارەت وێ رۆژێ و وێ دەمژمێرێ كەس نزانیت، نە فریشتەیێن ئەسمانان و نە ژی كوڕ، لێ ب تنێ باب دزانیت.

مزگینیا مەتتای 25:31

دەمێ كوڕێ مرۆڤ ب مەزناهیا خۆ ڤە دهێت و هەمی فریشتە یێن د گەل دا، دێ ل سەر تەختێ مەزناهیا خۆ روینیت.

مزگینیا مەتتای 7:22

د وێ رۆژێ دا گەلەك دێ بێژنە من: ‹خودان، خودان! ما مە ب ناڤێ تە پەیاما خودێ نە راگەهاند؟ و ب ناڤێ تە مە ئەجنە نە دەرئێخستن؟ و مە گەلەك حنێر ب ناڤێ تە نەكرن؟›

مزگینیا لوقای 10:12

ئەز دبێژمە هەوە: ل وێ رۆژێ دێ رەوشا سەدۆمێ ژ یا وی باژێڕی باشتر بیت.

مزگینیا یوحەننای 11:4

دەمێ عیسای ئەڤ چەندە بهیستی، گۆت: «ئەڤ نەساخیە نە بۆ مرنێیە، لێ بۆ مەزناهیا خودێیە، دا ب رێیا وێ نەساخیێ كوڕێ خودێ بهێتە مەزنكرن.»

مزگینیا یوحەننای 17:10

هەر تشتەكێ من، یێ تەیە و هەر تشتەكێ تە، یێ منە و ئەز ب وان هاتیمە مەزنكرن.

1 كورنتۆس 1:6

شاهدەیی دەربارەی مەسیحی وەسا د ناڤ هەوە دا خۆ ج‍‌ھ بوو،

1 كورنتۆس 3:13

كارێ هەر كەسەكی دێ بەرچاڤ بیت. ئەو رۆژ دێ وی ئاشكرا كەت، چنكو ئەو دێ ل گەل ئاگری دیار بیت، ئاگر ژی دێ كارێ هەر كەسەكی تاقی كەت، كا یێ چەوایە.

گالاتیا 1:24

ئەڤجا ئەوان ژ بەر من پەسنا خودێ دكر.

ئەفەسۆس 1:12

دا ئەم ژ بۆ پەسنكرنا مەزناهیا وی بین، ئەم ئەوێن ل بەراهیێ هیڤیا خۆ ب مەسیحی ڤە گرێ دای.

ئەفەسۆس 1:14

گیانێ پیرۆز دەستبەعێ میراتێ مەیە تا دەمێ خودێ گەلێ خۆ رزگار دكەت، ژ بۆ پەسنكرنا مەزناهیا خۆ.

ئەفەسۆس 1:18

بلا چاڤێن زێهنێ هەوە ڤەكەت، دا بزانن كا ئەو هیڤیا هوین بۆ وێ هاتینە گازیكرن چ تشتە و كا میراتێ وی چەند یێ مەزن و دەولەمەندە بۆ پیرۆزكریان

ئەفەسۆس 1:6

ژ بۆ پەسنكرنا مەزناهیا كەرەما وی، ئەوا ب رێیا خۆشتڤیێ خۆ بۆ مە كریە خەلات.

ئەفەسۆس 2:7

خودێ ئەڤە كر، دا د سەردەمێن بهێن دا، دەولەمەندیا كەرەما خۆ یا بێ سنوور دیار بكەت، ب رێكا وێ قەنجیا وی، د ئێكبوونا مە ل گەل مەسیح عیسای دا، ل گەل مە كری.

ئەفەسۆس 3:10

دا نوكە ئاقلمەندیا خودێ یا هەمەجۆر، ب رێكا جڤاكا باوەرداران، ل نك سەروەر و دەستهەلاتدارێن ل جهێن ئەسمانی بهێتە زانین.

ئەفەسۆس 3:16

ئەز هیڤی ژێ دكەم كو ئەو ل دویڤ دەولەمەندیا مەزناهیا خۆ هێزێ بدەتە هەوە، كو هوین ب گیانێ وی د ناخێ خۆ دا خورت ببن،

1 سالونیكی 1:5

چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.

1 سالونیكی 2:1

هوین ب خۆ دزانن، گەلی خویشك و برایان، كو هاتنا مە بۆ لایێ هەوە یا بێ مفا نەبوو،

1 سالونیكی 2:12

مە هوین هاندان و ل بەر دلێ هەوە دا و ل سەر ژیانا هەوە راوەستیاین، كو ب شێوەیەكی بیت یا هەژی وی خودای بیت، ئەوێ هوین بۆ پاشایەتی و مەزناهیا خۆ گازی كرین.

1 سالونیكی 2:13

هەروەسا ئەم بێی دابڕین سوپاسیا خودێ دكەین، چنكو دەمێ هەوە پەیڤا خودێ ژ مە بهیستی، هەوە قەبیل كر نە هەروەكو ئەو پەیڤا مرۆڤان بیت، لێ هەروەكو ئەو پەیڤا خودێ بیت، ب راستی ژی ئەو پەیڤا خودێیە كو د هەوەیێن باوەردار دا كار دكەت.

2 سالونیكی 1:12

دا ب كەرەما خودایێ مە و خودان عیسایێ مەسیح، ناڤێ خودانێ مە عیسایێ مەسیح ب هەوە بهێتە مەزنكرن و هوین ژی ب وی بهێنە مەزنكرن.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

2 تیمۆتاوس 1:18

(بلا خودان وێ كەرەمێ ل گەل وی بكەت كو ئەو د وێ رۆژێ دا دلۆڤانیێ ژ خودانی ببینیت!) تۆ باش دزانی ئەو خزمەتا وی ل ئەفەسۆسێ كری چەندە.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.