2 پەترۆس 3:7 - ئنجیلا پیرۆز

⁷ لێ ئەرد و ئەسمانێن نوكە هەین، ب هەمان پەیڤێ بۆ ئاگری د هەلگرتینە، تا رۆژا دادكرن و ژناڤبرنا بەدكاران دهێنە هێلان.

2 پەترۆس 3:7 ပူးပေါင်းရင်းမြစ်များ

مزگینیا مەتتای 10:15

راستیە دبێژمە هەوە: دێ رەوشا وەڵاتێ سەدۆم و عەمۆرایێ ل رۆژا دادكرنێ ژ یا وی باژێڕی باشتر بیت.

مزگینیا مەتتای 11:22

لێ دبێژمە هەوە: ل رۆژا دادكرنێ دێ رەوشا سور و سایدایێ ژ یا هەوە باشتر بیت.

مزگینیا مەتتای 11:24

لێ دبێژمە هەوە: ل رۆژا دادكرنێ دێ رەوشا وەڵاتێ سەدۆمێ ژ یا تە باشتر بیت.»

مزگینیا مەتتای 12:36

لێ ئەز دبێژمە هەوە: هەر پەیڤەكا پویچ یا مرۆڤ بێژیت، ل رۆژا دادكرنێ دێ ژێ بەرپرسیار بیت.

مزگینیا مەتتای 24:35

ئەرد و ئەسمان دێ ژ ناڤ چن، لێ پەیڤێن من چ جاران ژ ناڤ ناچن.

مزگینیا مەتتای 25:41

پاشی دێ بێژیتە ئەوێن ل دەستێ چەپێ: ‹ژ من دویر بكەڤن، هەی ئەوێن تۆڕەبوونا بابێ من ل سەر، بەرەڤ ئاگرێ هەروهەر، ئەوێ بۆ ئبلیسی و فریشتەیێن وی هاتیە ئامادەكرن،

مزگینیا مەرقۆسی 6:11

ل هەر جهەكێ خەلكێ وی هەوە قەبیل نەكەن و گوهێ خۆ نەدەنە ئاخفتنێن هەوە، دەمێ وی جهی دهێلن، تۆزا بنێ پێیێن خۆ داقوتن، دا ل سەر وان ببیتە شاهدەیی.»

مزگینیا یوحەننای 12:48

ئەوێ من رەت بكەت و گۆتنێن من قەبیل نەكەت، ئێك یێ هەی وی داد بكەت، ئەو گۆتنا من گۆتی، دێ ل رۆژا دویماهیێ وی داد كەت.

رۆما 2:5

لێ تۆ سەخمەراتی سەرڕەقیا خۆ و دلێ خۆ یێ نەتۆبەدار، بۆ رۆژا تۆڕەییێ و ئاشكرابوونا دادكرنا خودێ یا دادپەروەرانە، تۆڕەییێ بۆ خۆ كۆم دكەی.

1 كورنتۆس 3:13

كارێ هەر كەسەكی دێ بەرچاڤ بیت. ئەو رۆژ دێ وی ئاشكرا كەت، چنكو ئەو دێ ل گەل ئاگری دیار بیت، ئاگر ژی دێ كارێ هەر كەسەكی تاقی كەت، كا یێ چەوایە.

فیلیپی 1:28

و هوین ب چ شێوەی ژ وان یێن بەرهنگاریا هەوە دكەن، ناترسن. ئەڤە بۆ وان بەلگەیێ وێرانبوونا وانە، لێ یێ قورتالبوونا هەوەیە و ئەڤە ژی ژ لایێ خودێ ڤەیە.

2 سالونیكی 2:3

بلا ب چ رێكان كەس هەوە نەخاپینیت، چنكو ئەو رۆژ ناهێت، ئەگەر بەری وێ یاخیبوون چێنەبیت و مرۆڤێ یاسانەنیاس، كو كوڕێ ژناڤچوونێیە، دیار نەبیت.

1 تیمۆتاوس 6:9

لێ ئەوێن دڤێن دەولەمەند ببن، ئەو دكەڤنە تاقیكرنێ و خەفكێ و گەلەك ئارەزوویێن بێئاقلانە و زیانبەخش، یێن مرۆڤی د وێرانكرنێ و ژناڤچوونێ دا نقووم دكەن،

عیبرانی 12:29

چنكو «خودایێ مە ئاگرەكێ خۆرەكە.»

2 پەترۆس 2:9

ئەڤجا خودان دزانیت كا چەوا خودێترسان ژ تاقیكرنێ قورتال بكەت و خرابكاران بگریت و بهێلیتە ل بن دەستێ خۆ تاكو دەمێ سزادانا وان دهێت ل رۆژا دادكرنێ،

2 پەترۆس 3:10

لێ رۆژا خودانی دێ وەكو دزەكی هێت، كو تێدا ئەسمان دێ ب گورمێنەكا مەزن ژ ناڤ چیت و توخم ب سۆتنێ دێ حەلیێن و ئەرد و هەمی كارێن تێدا هاتینە كرن، نامینن.

1 یوحەننا 4:17

ب وێ چەندێ حەزژێكرن د ناڤ مە دا دهێتە كاملكرن، دا د رۆژا دادكرنێ دا دپشتڕاست بین، چنكو مەسیح یێ چەوایە، ئەم ژی ل ڤێ جیهانێ د وەساینە.

یەهودا 1:7

ب هەمان شێوەی سەدۆم و عەمۆرا و باژێڕێن ل دەوروبەرێن وان ژی وەكو وان دەهمەنپیسی كر و ب دویڤ گوهنێلیا نە سرۆشتی كەفتن. ئەو ب كێشانا سزایێ ئاگرینی یێ هەروهەر بوونە نموونە.

ئاشكراكرن 17:11

ئەو دڕندەیێ هەبوو لێ نوكە نینە، یێ هەشتێیە، لێ ئەو ژ حەفتانە و یێ دچیتە وێرانبوونێ.

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 20:11

پشتی هنگی من تەختەكێ مەزن یێ سپی دیت و ئەوێ ل سەر روینشتی ژی، یێ كو ئەرد و ئەسمان ژ بەر رویێ وی رەڤین و جهەك بۆ وان نەبوو.

ئاشكراكرن 21:1

پشتی هنگی من ئەردەكێ نوی و ئەسمانەكێ نوی دیتن، چنكو ئەسمانێ ئێكێ و ئەردێ ئێكێ دەرباز بوون و ئێدی دەریا ژی نەما.