2 پەترۆس 3:16 - ئنجیلا پیرۆز

¹⁶ هەروەكو د هەمی نامەیێن خۆ دا، بەحسێ ڤان تشتان دكەت. د وان دا هندەك تشتێن ب زەحمەت بۆ تێگەهشتنێ یێن هەین كو مرۆڤێن نەزان و لقلقۆك شاش شڕۆڤە دكەن، هەروەكو نڤیسارێن پیرۆز یێن دی شاش شڕۆڤە دكەن، ب ڤێ چەندێ ژی ئەو ژناڤچوونێ ب سەرێ خۆ دا دئینن.

2 پەترۆس 3:16 ပူးပေါင်းရင်းမြစ်များ

مزگینیا مەتتای 15:3

عیسای بەرسڤ دا و گۆتە وان: «ئەرێ بۆچی هوین ژ بەر تیتالێن خۆ سەرپێچیا فەرمانا خودێ دكەن؟

مزگینیا مەتتای 15:6

ئێدی ل سەر وی نەما ئەو رێزێ ل دایك و بابێن خۆ بگریت. هوین هۆسا پەیڤا خودێ بۆ پاراستنا تیتالێن خۆ ژ كار دئێخن.

مزگینیا مەتتای 22:29

عیسای بەرسڤا وان دا و گۆت: «هوین د شاشن، چنكو هوین نە د نڤیسارێن پیرۆز و نە د هێزا خودێ دگەهن.

فیلیپی 3:19

دویماهیا ڤان كەسان وێرانبوونە، خودایێ وان زكێ وانە و شانازیێ ب تشتێن جهێ شەرمێ دبەن، هزرا وان ل سەر تشتێن ڤێ جیهانێیە.

عیبرانی 5:11

ل دۆر ڤێ چەندێ، گەلەك ئاخفتن یا هەی مە دڤێت بێژین، لێ شڕۆڤەكرنا وێ یا گرانە، چنكو گوهێن هەوە یێن گران بووین.

یەعقوب 1:8

ئەو مرۆڤەكێ دوودلە و د هەمی كارێن خۆ دا یێ لقلقۆكە.

1 پەترۆس 1:1

ژ من، پەترۆس، هنارتیێ عیسایێ مەسیح، بۆ كۆچبەرێن بەڵاڤبووی ل هەرێمێن پۆنتۆس، گالاتیا، كەپەدۆكیا، ئاسیا و بیتینیایێ،

1 پەترۆس 2:8

و «بەرێ هەلنگفتنێ و كەڤرێ ئەگەرێ كەفتنا وان.» ئەو دهەلنگڤن، چنكو گوهداریا پەیڤێ ناكەن، بۆ ڤێ چەندێ ژی ئەو یێن هاتینە دەستنیشانكرن.

2 پەترۆس 2:1

لێ كا چەوا پێغەمبەرێن درەوین د ناڤ گەلی دا پەیدا بوون، هەروەسا د ناڤ هەوە ژی دا دێ مامۆستایێن درەوین پەیدا بن. ئەو دێ ب نهێنی فێركرنێن وێرانكەر ئیننە د ناڤ هەوە دا، خۆ ئەو دێ وی خودانی ماندەل كەن یێ ئەو كڕین، هۆسا ئەو دێ ژناڤچوونەكا ب لەز ئیننە سەرێ خۆ.

2 پەترۆس 2:14

چاڤێن وان د تژی دەهمەنپیسینە، ژ گونەهكرنێ تێر نابن، دەروونێن لاواز دخاپینن. دلێ وان ل سەر چاڤبرساتیێ یێ مەشقدایە. نفرین ل سەر وانە!

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

2 پەترۆس 3:2

دا بیرا هەوە بهێتە پەیڤێن پێغەمبەرێن پیرۆز و فەرمانێن خودان و قورتالكەری یێن هنارتیێن هەوە هوین پێ ئاگەهدار كرین.

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.