2 پەترۆس 3:14 - ئنجیلا پیرۆز

¹⁴ لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

2 پەترۆس 3:14 ပူးပေါင်းရင်းမြစ်များ

مزگینیا مەتتای 24:26

ئەڤجا ئەگەر وان گۆتە هەوە: ‹وێهە مەسیح یێ ل چۆلی› هوین دەرنەكەڤن. یان ژی ئەگەر گۆتن: ‹یێ د ژۆرڤە› هوین باوەر نەكەن.

مزگینیا مەتتای 25:7

ئینا هەمی كچك ژ خەو رابوون و چرایێن خۆ ئامادە كرن.

مزگینیا لوقای 12:43

خوزیكێن وی بەنی یێ كو دەمێ خودانێ وی دهێت، وی ببینیت ئەو یێ وە دكەت.

مزگینیا لوقای 2:29

«ئەڤجا خودانێ من یێ باڵادەست، نوكە تۆ ل دویڤ گۆتنا خۆ بەنیێ خۆ ب ئاشتیانە بەرددەی،

1 كورنتۆس 1:8

ئەو ژی دێ هەوە هەتا دویماهیێ موكم كەت، دا د رۆژا خودانێ مە عیسایێ مەسیح دا چ گازندە ل سەر هەوە نەبن.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

فیلیپی 1:10

داكو هوین یا باشترین بهەلبژێرن، ئەڤجا د رۆژا مەسیحی دا د دلپاك و بێكێماسی بن

فیلیپی 2:15

دا گازندە ل سەر هەوە نەبن و هوین د بێگونە‍‌ھ بن، د ناڤ ڤی نفشێ خوار و خڕیای دا زاڕۆكێن خودێ یێن بێكێماسی بن، د ناڤ وان دا وەكو ستێران د جیهانێ دا ببرسقن.

فیلیپی 3:20

لێ ئەم هەڤوەڵاتیێن ئەسماناینە، كو ئەم د چاڤەڕێینە قورتالكەرەك ژ وێرێ بهێت، ئەو ژی خودان عیسایێ مەسیحە.

1 سالونیكی 3:13

دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

1 تیمۆتاوس 6:14

كو تۆ ڤێ فەرمانێ بێكێماسی و بێگازندە ب ج‍‌ھ بینی، تا دیاربوونا خودانێ مە عیسایێ مەسیح.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

یەعقوب 1:27

ئایینداریا پاقژ و بژوین ل نك خودایێ باب ئەوە كو مرۆڤ چاڤێ خۆ بدەتە ئێتیم و بیژنان د تەنگاڤیێن وان دا و خۆ ژ هەڕماتیا جیهانێ بپارێزیت.

1 پەترۆس 1:7

دا بەلگەیێ باوەریا هەوە، ئەوێ ب بهاتر ژ زێڕێ ژ ناڤ دچیت، یێ كو ب ئاگری دهێتە تاقیكرن، ببیتە جهێ پەسن و مەزناهی و سەربلندیێ ل دەمێ دیاربوونا عیسایێ مەسیح.

2 پەترۆس 3:1

گەلی خۆشتڤیان، ئەڤە دووەمین نامەیە ئەز بۆ هەوە دنڤیسم، د وان دا ئەز ب رێكا بیرئینانێ، هزرێن هەوە یێن پاقژ هشیار دكەم،

2 پەترۆس 3:16

هەروەكو د هەمی نامەیێن خۆ دا، بەحسێ ڤان تشتان دكەت. د وان دا هندەك تشتێن ب زەحمەت بۆ تێگەهشتنێ یێن هەین كو مرۆڤێن نەزان و لقلقۆك شاش شڕۆڤە دكەن، هەروەكو نڤیسارێن پیرۆز یێن دی شاش شڕۆڤە دكەن، ب ڤێ چەندێ ژی ئەو ژناڤچوونێ ب سەرێ خۆ دا دئینن.

1 یوحەننا 3:3

هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.