2 پەترۆس 2:9 - ئنجیلا پیرۆز

⁹ ئەڤجا خودان دزانیت كا چەوا خودێترسان ژ تاقیكرنێ قورتال بكەت و خرابكاران بگریت و بهێلیتە ل بن دەستێ خۆ تاكو دەمێ سزادانا وان دهێت ل رۆژا دادكرنێ،

2 پەترۆس 2:9 ပူးပေါင်းရင်းမြစ်များ

مزگینیا مەتتای 10:15

راستیە دبێژمە هەوە: دێ رەوشا وەڵاتێ سەدۆم و عەمۆرایێ ل رۆژا دادكرنێ ژ یا وی باژێڕی باشتر بیت.

مزگینیا مەتتای 6:13

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

رۆما 2:5

لێ تۆ سەخمەراتی سەرڕەقیا خۆ و دلێ خۆ یێ نەتۆبەدار، بۆ رۆژا تۆڕەییێ و ئاشكرابوونا دادكرنا خودێ یا دادپەروەرانە، تۆڕەییێ بۆ خۆ كۆم دكەی.

1 كورنتۆس 10:13

چ تاقیكرن ب سەرێ هەوە نەهاتینە، ژبلی یێن ب سەرێ هەمی مرۆڤان دهێن. خودێ یێ دلسۆزە: ئەو ناهێلیت هوین زێدەتر ژ شیانا هەوە بهێنە تاقیكرن، ئەو دێ ل گەل تاقیكرنێ دەرگەهەكێ خۆ رزگاركرنێ ژی ڤەكەت، دا هوین بشێن خۆ ل بەر بگرن.

2 تیمۆتاوس 3:12

بەلێ، هەمی ئەوێن دڤێن د ئێكبوونا ل گەل مەسیح عیسای دا ب خودێترسی بژین، دێ هێنە تەپەسەركرن.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

2 پەترۆس 2:4

چنكو ئەگەر خودێ دلۆڤانی ب وان فریشتەیان نەبربیت یێن گونە‍‌ھ كرین، لێ هاڤێتبنە د دۆزەخێ دا، كو ئەو د كویراتیا تاریاتیێ دا بۆ رۆژا دادكرنێ د زنجیركری بن

2 پەترۆس 3:7

لێ ئەرد و ئەسمانێن نوكە هەین، ب هەمان پەیڤێ بۆ ئاگری د هەلگرتینە، تا رۆژا دادكرن و ژناڤبرنا بەدكاران دهێنە هێلان.

یەهودا 1:6

هەروەسا وی، ئەو فریشتەیێن پێگەهێ خۆ نەپاراستی و جهێ خۆ هێلای، ل بن تاریاتیێ ب قەیدێن هەروهەری بۆ دادكرنا رۆژا مەزن هێلان.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.