2 پەترۆس 2:3 - ئنجیلا پیرۆز

³ ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

2 پەترۆس 2:3 ပူးပေါင်းရင်းမြစ်များ

مزگینیا مەتتای 23:14

نەخوزیكێن هەوە گەلی مامۆستایێن دەستووری و فەریسیان، هەی دووڕوینۆ! چنكو هوین مالێ بیژنان دخۆن و بۆ رویمەتی نڤێژان درێژ دكەن. ژ بەر هندێ هوین دێ سزادانەكا گرانتر وەرگرن.

مزگینیا لوقای 18:8

ئەز دبێژمە هەوە: ئەو دێ زوی مافێ وان بۆ وەرگریت. لێ دەمێ كوڕێ مرۆڤ دهێت، ما دێ باوەریێ ل سەر رویێ ئەردی بینیت؟»

مزگینیا لوقای 20:20

ئینا دویڤچوونا وی كر و هندەك سیخوڕ هنارتنە دۆرێن وی و خۆ ب هندێ دئینا دەر كو ئەو مرۆڤێن راستدارن، داكو عیسای ل سەر ئاخفتنەكا وی بگرن و رادەستی دادگە‍‌ھ و دەستهەلاتا والی بكەن.

مزگینیا لوقای 22:47

دەمێ عیسا دئاخفت، وەسا چێبوو كۆمەكا مرۆڤان ب سەر وان دا گرت و ئەوێ دبێژنێ یەهودا، كو ئێك ژ هەر دوازدان بوو، ل پێشیا وان بوو. ب پێش عیسای ڤە هات دا ماچی بكەت.

مزگینیا یوحەننای 2:16

گۆتە كووترفرۆشان: «ئەڤان ژ ڤێرێ راكەن، مالا بابێ من نەكەنە جهێ بازرگانیێ!»

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

1 سالونیكی 2:5

خودێ شاهدە كو مە چ جاران د گۆتنێن خۆ دا سالویسی نەكریە، هەروەكو هوین دزانن، نە ژی ب دویڤ چاڤبرساتیەكا نخافتی كەفتینە،

1 سالونیكی 5:3

دەمێ خەلك دبێژن: «ئاشتی و تەناهیە»، هنگی وێران دێ ژ نشكەكێ ڤە ب سەر وان دا هێت، هەروەكو ژان دهێنە دووگیانەكێ، ئەڤجا ئەو نەشێن ژێ بڕەڤن.

1 تیمۆتاوس 3:3

مەی ڤەخۆر نەبیت و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.

1 تیمۆتاوس 3:8

هەروەسا پێدڤیە خزمەتكار ژی رێزدار بن، خودان ئێك ئاخفتن بن، گەلەك مەیێ ڤەنەخۆن، چاڤێ وان ل مفایێ حەرام نەبیت،

1 تیمۆتاوس 6:5

و گەنگەشەیێن بێ دویماهی، ئەڤ هەمی تشتە ژ مرۆڤێن زێهنێ وان پویچ بووی و راستی ل نك نەمای پەیدا دبن. ئەو هزر دكەن خودێترسی رێكە بۆ قازانجكرنێ.

تیتۆس 1:11

یێن كو دڤێت دەڤێ وان بهێتە گرتن، چنكو ئەو ژ پێخەمەت چاڤبرساتیا قازانجی، فێركرنێن وەسا ددەن یێن كو نابیت بهێنە دان، هۆسا خێزانان هەمیان د سەر دا دبەن.

تیتۆس 1:7

چنكو دڤێت چاڤدێر: جهێ گازندەیێ نەبیت، وەكو بریكارێ خودێ. خۆسەپاندن ل نك نەبیت، زوی تۆڕە نەبیت، مەی ڤەخۆر نەبیت، توند نەبیت، چاڤبرسیێ قازانجی نەبیت،

1 پەترۆس 2:8

و «بەرێ هەلنگفتنێ و كەڤرێ ئەگەرێ كەفتنا وان.» ئەو دهەلنگڤن، چنكو گوهداریا پەیڤێ ناكەن، بۆ ڤێ چەندێ ژی ئەو یێن هاتینە دەستنیشانكرن.

1 پەترۆس 5:2

شڤانیا پەزێ خودێ یێ د ناڤ هەوە دا بكەن، نە ژ نەچاری، لێ ژ دل، وەسا چاڤدێریێ بكەن، هەروەكو خودێ دڤێت، نە ژ بەر دەستكەفتەكێ حەرام، لێ ب دلگەرمی.

2 پەترۆس 1:16

چنكو دەمێ مە هاتنا ب هێز یا خودانێ مە عیسایێ مەسیح ب هەوە دایە زانین، ئەم نەكەفتینە دویڤ ئەفسانەیێن ب ژیری هاتینە چێكرن، لێ مە ب چاڤێن خۆ مەزناهیا وی دیت.

2 پەترۆس 2:1

لێ كا چەوا پێغەمبەرێن درەوین د ناڤ گەلی دا پەیدا بوون، هەروەسا د ناڤ هەوە ژی دا دێ مامۆستایێن درەوین پەیدا بن. ئەو دێ ب نهێنی فێركرنێن وێرانكەر ئیننە د ناڤ هەوە دا، خۆ ئەو دێ وی خودانی ماندەل كەن یێ ئەو كڕین، هۆسا ئەو دێ ژناڤچوونەكا ب لەز ئیننە سەرێ خۆ.

2 پەترۆس 2:9

ئەڤجا خودان دزانیت كا چەوا خودێترسان ژ تاقیكرنێ قورتال بكەت و خرابكاران بگریت و بهێلیتە ل بن دەستێ خۆ تاكو دەمێ سزادانا وان دهێت ل رۆژا دادكرنێ،

یەهودا 1:11

نەخوزیكێن وان! چنكو ئەوان رێكا قایینی گرتیە و وەكو بەلعامی ژ پێخەمەت قازانجی د سەر دا چوون و یاخیبوونا وان وەكو یاخیبوونا قۆرەحیە و ئەو دێ وەكو وی ژ ناڤ چن.

یەهودا 1:15

دا حوكمی ل سەر هەمیان بدەت و هەمی بەدكاران ل سەر هەمی كریارێن بەدكاریێ یێن وان كرین و ل سەر هەمی پەیڤێن دژوار یێن گونەهكارێن بەدكار د دەرهەقا وی دا گۆتین، گونەهبار بكەت.»

یەهودا 1:16

ئەو كەس د پتپتی و دەڤ ب گازندەنە، ل گۆر ئارەزوویێن خۆ دژین و مەزن دئاخڤن، ژ پێخەمەت بەرژەوەندیێن خۆ سالویسیێ بۆ كەسان دكەن.

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.

یەهودا 1:7

ب هەمان شێوەی سەدۆم و عەمۆرا و باژێڕێن ل دەوروبەرێن وان ژی وەكو وان دەهمەنپیسی كر و ب دویڤ گوهنێلیا نە سرۆشتی كەفتن. ئەو ب كێشانا سزایێ ئاگرینی یێ هەروهەر بوونە نموونە.