2 پەترۆس 2:2 - ئنجیلا پیرۆز

² دێ گەلەك مرۆڤ ب دویڤ بێنامویسیا وان كەڤن و ژ بەر وان دێ ب خرابی بەحسێ رێبازا راستیێ هێتە كرن.

2 پەترۆس 2:2 ပူးပေါင်းရင်းမြစ်များ

مزگینیا مەتتای 22:16

ئینا هندەك شاگردێن خۆ ل گەل لایەنگرێن هێرودێسی هنارتنە نك وی و گۆتنێ: «مامۆستا، ئەم دزانین تۆ یێ راستگۆی و رێكا خودێ راست نیشا خەلكی ددەی، تۆ هەمیان وەكو ئێك دبینی و تۆ بەرێ خۆ نادەیە ئاستێن مرۆڤان.

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 7:14

لێ دەرگەهێ دچیتە ژیانێ گەلەك یێ تەنگە و رێكا وێ ژی گەلەك یا ب زەحمەتە و كێمن ئەوێن بسەرهەلدبن.

مزگینیا مەرقۆسی 12:14

ئینا هاتن و گۆتنێ: «مامۆستا، ئەم دزانین تۆ یێ راستگۆی. تۆ هەمیان وەكو ئێك دبینی و تۆ بەرێ خۆ نادەیە ئاستێن مرۆڤان، لێ تۆ رێكا خودێ راست نیشا خەلكی ددەی. ئەرێ رەوایە باج بۆ قەیسەری بهێتە دان یان نە؟ ئەم بدەین یان نەدەین؟»

مزگینیا مەرقۆسی 13:22

چنكو دێ مەسیحێن درەوین و پێغەمبەرێن درەوین دیار بن و دێ نیشانان دیار كەن و مەندەهۆشیان كەن، داكو، ئەگەر د شیان دا با، هەلبژارتیێن خودێ ژی د سەر دا ببەن.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

كارێن هنارتیان 13:10

«هەی ئەوێ تژی ژ هەمی سەختەیێ و هەمی فێلبازیێ، هەی كوڕێ ئبلیسی، هەی دوژمنێ هەمی باشیێ! ما تۆ دەست ژ خواركرنا رێكێن خودانی یێن راست بەرنادەی؟

كارێن هنارتیان 14:2

لێ ئەو جوهیێن باوەری نەئینای، مێشكێ نەجوهیان د سەردا بر و دژی برایان ئاراندن،

كارێن هنارتیان 16:17

ئەو ب دویڤ پاولۆسی و مە كەفت و گازی دكر: «ئەڤ مرۆڤە بەنیێن خودایێ هەری بلندن، بۆ هەوە رێكا قورتالبوونێ ددەنە نیاسین.»

كارێن هنارتیان 18:26

ئەوی دەست ب ئاخفتنا وێرەكانە كر د كنیشتەیێ ڤە. دەمێ پریسكیلایێ و ئەكیلای گو‍‌ھ لێ بووی، ئەو برە نك خۆ و رێیا خودێ بۆ وی دروستتر شڕۆڤەكر.

كارێن هنارتیان 19:9

دەمێ هندەكان ركمانێ كری و نەڤیای باوەریێ بینن و ل بەرامبەر ئامادەبوویان جڤین داینە رێبازێ، پاولۆسی ئەو هێلان و شاگرد ل گەل خۆ برن و هەر رۆژ ل فێرگەها تیرانۆسی دانوستاندن دكر.

كارێن هنارتیان 22:4

من ئەڤ رێبازە تا مرنێ تەپەسەر دكر و ژنك و زەڵام دگرتن و دهاڤێتنە د زیندانێ دا،

كارێن هنارتیان 24:14

لێ ئەز بەرامبەری تە دانپێدانێ ب هندێ دكەم، كو ل دویڤ وێ رێبازا ئەو دبێژنێ رێبازا خڕیای، ئەز خودایێ باب و باپیرێن خۆ دپەرێسم و باوەریێ ب وان هەمی تشتان دئینم یێن د دەستووری و نڤیسارێن پێغەمبەران دا هاتین.

رۆما 2:24

هەروەكو هاتیە نڤیسین: «ناڤێ خودێ ژ بەر هەوە د ناڤ مللەتان دا دهێتە كرێت كرن.»

1 تیمۆتاوس 5:14

لەوما من دڤێت بیژنێن گەنج شوی بكەن، زاڕۆك ببن و د مالدار بن، دەرفەتێ نەدەنە نەیاری كو بوهتانان ب دویڤ مە ڤەنیت.

تیتۆس 2:5

خودان رەفتارەكا ئاقلانە بن، د دەهمەنپاك بن، د مالدار بن، د باش بن، د ملكەچی مێرێن خۆ بن، دا ب خرابی بەحسێ پەیڤا خودێ نەهێتە كرن.

تیتۆس 2:8

ئاخفتنێن ساخلەم و گازندە ل سەر نەبن ب كار بینە، دا هەر ئێكێ بەرهنگاریێ بكەت شەرمزار ببیت، چنكو ئەوی تشتەكێ خراب نینە ل دژی مە بێژیت.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

2 پەترۆس 2:12

لێ ئەو كەس وەكو گیانەوەرێن بێ مەژینە، یێن ب خۆرسكێ دهێنە بڕێڤەبرن، ژ بۆ نێچیركرنێ و كوشتنێ چێبووینە، دەربارەی تشتێن وان پێزانین ل سەر نەی كوفریان دكەن، ئەڤجا ئەو دێ وەكو وان گیانەوەران ژ ناڤ چن

2 پەترۆس 2:15

وان ژ رێكا راست لادا، ئەڤجا ئەو د سەر دا چوون و رێكا بەلعامێ كوڕێ بەعۆری گرت، ئەوێ حەز ژ كرێیا خرابیێ كری.

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

2 پەترۆس 2:21

بۆ وان باشتر بوو كو رێكا راستداریێ نەنیاسیبا، نەكو ئەوان نیاسیبا و پشتی هنگی ژ فەرمانا پیرۆز یا بۆ وان هاتیە دان، پاشگەز ببان.

2 پەترۆس 2:7

و ڵۆتێ راستدار قورتال كربیت، ئەوێ ژ ژیانا بێنامویسیێ یا بەدكاران دلتەنگ بووی،

یەهودا 1:10

لێ ئەڤ كەسە، دەربارەی تشتێن ئەو تێنەگەهن كوفریان دكەن، ئەو تشتێن ئەو تێدگەهن ژی وان ژ ناڤ دبەن، چنكو ئەو وەكو گیانەوەرێن بێئاقل ب تنێ ل دویڤ سرۆشتێ خۆ دچن.

یەهودا 1:15

دا حوكمی ل سەر هەمیان بدەت و هەمی بەدكاران ل سەر هەمی كریارێن بەدكاریێ یێن وان كرین و ل سەر هەمی پەیڤێن دژوار یێن گونەهكارێن بەدكار د دەرهەقا وی دا گۆتین، گونەهبار بكەت.»

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.

یەهودا 1:7

ب هەمان شێوەی سەدۆم و عەمۆرا و باژێڕێن ل دەوروبەرێن وان ژی وەكو وان دەهمەنپیسی كر و ب دویڤ گوهنێلیا نە سرۆشتی كەفتن. ئەو ب كێشانا سزایێ ئاگرینی یێ هەروهەر بوونە نموونە.

ئاشكراكرن 12:9

ئەژدەهایێ مەزن، ئەو مارێ كەڤنە یێ كو دبێژنێ ئبلیس و ساتان، ئەوێ هەمی جیهانێ دخاپینیت، ئەو بۆ ئەردی هاتە هاڤێتن و فریشتەیێن وی ژی ل گەل وی هاتنە هاڤێتن.

ئاشكراكرن 13:14

و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.