2 پەترۆس 2:19 - ئنجیلا پیرۆز

¹⁹ سۆزا ئازادیێ ددەنە وان، هەر چەندە ئەو ب خۆ بەنیێن پویچاتیێنە، چنكو ئەو تشتێ ل سەر مرۆڤی زاڵ دبیت، مرۆڤ دبیتە بەنیێ وی.

2 پەترۆس 2:19 ပူးပေါင်းရင်းမြစ်များ

مزگینیا یوحەننای 8:34

عیسای بەرسڤا وان دا: «ب راستی ب راستی دبێژمە هەوە: هەر كەسێ گونەهێ دكەت، ئەو بەنیێ گونەهێیە.

كارێن هنارتیان 19:16

ئینا ئەو زەڵامێ گیانێ پیس تێدا، هێرش كرە وان و ل سەر هەمیان زاڵ بوو و شیا وان، تاكو ب رویسی و برینداری ژ وێ مالێ رەڤین.

گالاتیا 5:1

مەسیحی ئەم یێن ئازاد كرین، دا د ئازاد بین. ئەڤجا خۆ تێدا راگرن و جارەكا دی نەكەڤنە بن نیركێ بەنیاتیێ.

گالاتیا 5:13

هوین گەلی خویشك و برایان، ژ بۆ ئازادیێ یێن هاتینە گازی كرن، لێ وێ ئازادیێ نەكەنە بەهانە بۆ حەزێن لەشی، بەلكو ب حەزژێكرنێ خزمەتا ئێكودوو بكەن.

2 تیمۆتاوس 2:26

و ڤەگەڕنە سەر هشێن خۆ و ژ خەفكا ئبلیسی، ئەوێ ب سەر وان دا گرتی كو ب حەزا وی بكەن، قورتال ببن.

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

1 پەترۆس 2:16

وەكو مرۆڤێن ئازاد بژین، لێ ئازادیێ نەكەنە پەردەیا ڤەشارتنا خرابكاریێ، بەلكو وەكو بەنیێن خودێ بژین.

2 پەترۆس 1:4

وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.

2 پەترۆس 2:20

ئەگەر ئەو ب نیاسینا خودان و قورتالكەرێ مە عیسایێ مەسیح ژ هەڕماتیێن جیهانێ رزگار ببن و پشتی هنگی كەفتبنە د تەڤنێ وان دا و بندەست ببنەڤە، ئەڤە دویماهیا وان ژ دەستپێكا وان كمباخترە.