2 پەترۆس 2:1 - ئنجیلا پیرۆز

¹ لێ كا چەوا پێغەمبەرێن درەوین د ناڤ گەلی دا پەیدا بوون، هەروەسا د ناڤ هەوە ژی دا دێ مامۆستایێن درەوین پەیدا بن. ئەو دێ ب نهێنی فێركرنێن وێرانكەر ئیننە د ناڤ هەوە دا، خۆ ئەو دێ وی خودانی ماندەل كەن یێ ئەو كڕین، هۆسا ئەو دێ ژناڤچوونەكا ب لەز ئیننە سەرێ خۆ.

2 پەترۆس 2:1 ပူးပေါင်းရင်းမြစ်များ

مزگینیا مەتتای 10:33

و هەر كەسێ ل بەرامبەری مرۆڤان من ماندەل بكەت، ئەز ژی دێ ل بەرامبەری بابێ خۆ یێ ل ئەسمانان وی ماندەل كەم.

مزگینیا مەتتای 24:11

دێ گەلەك پێغەمبەرێن درەوین پەیدا بن و دێ گەلەكان د سەردا بەن.

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 24:5

چنكو گەلەك دێ ب ناڤێ من هێن و دێ بێژن: ‹ئەزم مەسیح!› و دێ گەلەكان د سەردا بەن.

مزگینیا مەتتای 7:15

هشیاری پێغەمبەرێن درەوین بن، ئەوێن د كەڤلێن میهان دا دهێنە نك هەوە، لێ ئەو ژ ناڤ دا گورگێن هارن!

مزگینیا مەرقۆسی 13:22

چنكو دێ مەسیحێن درەوین و پێغەمبەرێن درەوین دیار بن و دێ نیشانان دیار كەن و مەندەهۆشیان كەن، داكو، ئەگەر د شیان دا با، هەلبژارتیێن خودێ ژی د سەر دا ببەن.

مزگینیا لوقای 12:9

لێ ئەو كەسێ ل بەرامبەری مرۆڤان من ماندەل بكەت، دێ ل بەرامبەری فریشتەیێن خودێ هێتە ماندەلكرن.

مزگینیا لوقای 21:8

عیسای گۆت: «هشیار بن نەهێنە دسەردابرن، چنكو گەلەك دێ ب ناڤێ من هێن و دێ بێژن ‹ئەز ئەوم!› و ‹ئەو دەم نێزیك بوو.› ل دویڤ وان نەچن.

مزگینیا لوقای 6:26

نەخوزیكێن هەوە دەمێ هەمی مرۆڤ بەحسێ هەوە ب باشی دكەن، چنكو بابكالێن وان ژی هۆسا رەفتار ل گەل پێغەمبەرێن درەوین دكر.

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

1 كورنتۆس 11:19

بێگۆمان دڤێت د ناڤ هەوە دا دووبەرەكی هەبن، دا دیار ببیت كا د ناڤ هەوە دا كینە ژ لایێ خودێ ڤە د پەسەندن.

1 كورنتۆس 6:20

چنكو هوین ب بهایەكێ گران یێن هاتینە كڕین. ژ بەر ڤێ چەندێ وە بكەن كو ب لەشێ هەوە مەزناهیا خودێ دیار ببیت.

1 كورنتۆس 7:23

هوین ب بهایەكێ گران هاتنە كڕین، ئەڤجا نەبنە بەنیێن مرۆڤان.

گالاتیا 2:4

ئەڤ چەندا بوری ژ بەر هندەك برایێن درەوین چێبوو، یێن ب دزی ڤە ئیناینە د ناڤ مە دا، ئەو ب نهێنی هاتبوون، دا سیخوڕیێ ل سەر ئازادیا مە بكەن، ئەوا مە ب رێكا مەسیح عیسای وەرگرتی و هۆسا مە بكەنە بەنی،

گالاتیا 3:13

مەسیح پێخەمەت مە كەفتە بن نفرینێ و هۆسا ئەم ژ نفرینا دەستووری رزگار كرین، چنكو یا هاتیە نڤیسین: «نفرین لێ كریە، هەر كەسێ ل سەر دارەكی بهێتە هەلاویستن.»

گالاتیا 4:17

ئەو كەس گەلەك گرنگیێ ب هەوە ددەن، لێ نە بۆ مەبەستەكا باش، وان دڤێت هەوە ژ من ڤەدەر بكەن، دا هوین گرنگیێ ب وان بدەن.

گالاتیا 5:20

پووتپەرێسی، جادووگەری، دوژمناتی، هەڤڕكی، چاڤپێنەڕابوون، كینداری، خۆپەرێسی، دووبەرەكی، جوداخوازی،

ئەفەسۆس 1:7

ژ دەولەتسەرێ وی، مە ب خوینا وی رزگاری وەرگرت، ئانكو مە لێبورینا گونەهان هەیە. ئەڤ چەندە ل دویڤ كەرەما خودێ یا دەولەمەندە ،

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

فیلیپی 3:19

دویماهیا ڤان كەسان وێرانبوونە، خودایێ وان زكێ وانە و شانازیێ ب تشتێن جهێ شەرمێ دبەن، هزرا وان ل سەر تشتێن ڤێ جیهانێیە.

كۆلۆسی 2:18

بلا كەس هەوە ژ خەلاتێ هەوە بێبەهر نەكەت، كەسەكێ وەسا كو حەز ژ خۆنزمكرنێ و پەرستنا فریشتەیان دكەت و بەردەوام بەحسێ بینینێن خۆ دكەت كو بێ بنیات یێ پفدایە ژ لایێ زێهنێ خۆ یێ لەشكانی ڤە

كۆلۆسی 2:8

هشیار بن، دا كەس ب فەلسەفەیەكا خاپینۆك و درەو، ل دویڤ تیتالێن مرۆڤان، ل دویڤ هێزێن سرۆشتی یێن ڤێ جیهانێ، نە ل دویڤ مەسیحی، هەوە دیل نەكەت.

1 تیمۆتاوس 5:8

لێ ئەگەر ئێك چاڤێ خۆ نادەتە مرۆڤێن خۆ، ب تایبەتی خەلكێ مالا خۆ، ئەڤە وی باوەری ماندەل كریە و ئەو ژ بێباوەران خرابترە.

2 تیمۆتاوس 4:3

چنكو دەمەك دێ هێت، خۆ ل بەر فێركرنا ساخلەم ناگرن، لێ ل دویڤ ئارەزوویێن خۆ دێ مامۆستایان ل دۆرێن خۆ كۆم كەن كو تشتێ خۆش بۆ گوهێ وان بێژن

تیتۆس 1:11

یێن كو دڤێت دەڤێ وان بهێتە گرتن، چنكو ئەو ژ پێخەمەت چاڤبرساتیا قازانجی، فێركرنێن وەسا ددەن یێن كو نابیت بهێنە دان، هۆسا خێزانان هەمیان د سەر دا دبەن.

تیتۆس 3:10

ئەوێ دووبەرەكیێ دكەت، جارەكێ و دوو جاران ئاگەهدار بكە، پشتی هنگی خۆ ژێ دویر بئێخە.

عیبرانی 10:29

ئەڤجا ب دیتنا هەوە، ئەوێ كوڕێ خودێ بێڕێز كری و خوینا پەیمانێ یا ئەو پێ هاتیە پیرۆزكرن وەكو تشتەكێ هەڕمی دیتی و سڤكاتی ب گیانێ كەرەمێ كری، هەژی سزایەكێ چەند دژوارترە؟

1 پەترۆس 1:8

سەرەڕای كو هەوە ئەو نەدیتیە، لێ هوین حەز ژ وی دكەن و سەرەڕای كو نوكە هوین وی نابینن، لێ هوین باوەریێ پێ دئینن، ب دلخۆشیەكا پڕی مەزناهی و ناهێتە سالۆخدان دلخۆش دبن.

2 پەترۆس 2:3

ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

1 یوحەننا 2:26

من ئەڤ تشتە بۆ هەوە نڤیسین، دەربارەی وان كەسان یێن بزاڤێ دكەن هەوە د سەر دا ببەن.

1 یوحەننا 4:1

گەلی خۆشتڤیان، باوەر ژ هەر گیانەكی نەكەن، لێ گیانان تاقی بكەن، كا ئەو ژ خودێنە یان نە، چنكو گەلەك پێغەمبەرێن درەوین یێن دەركەفتینە جیهانێ.

یەهودا 1:18

ئەوان دگۆتە هەوە: «د دەمێ دویماهیێ دا، دێ هندەك تڕانەكەر پەیدا بن، ل دویڤ ئارەزوویێن خۆ یێن بەدكاریێ بڕێڤە دچن.»

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.

ئاشكراكرن 13:14

و ب وان نیشانێن بۆ وی هاتینە دان كو ژ پێش دڕندەیێ ئێكێ ڤە بكەت، ئەو خەلكی دخاپینیت و دبێژیتە ئاكنجیێن ل سەر ئەردی وێنەیەكی بۆ وی دڕندەی چێكەن یێ ب شیری هاتیە برینداركرن و ژیای.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 2:9

من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا ئبلیسینە.

ئاشكراكرن 3:8

من های ژ كریارێن تە هەیە. ئەڤە من دەرگەهەكێ ڤەكری دانا بەر تە، كو كەس نەشێت بگریت. ئەز دزانم تە هێزەكا كێم هەیە، لێ سەرەڕای هندێ تە پەیڤا من ب ج‍‌ھ ئینا و ناڤێ من ماندەل نەكر.

ئاشكراكرن 5:9

ئەوان سروودەكا نوی دستراند و دگۆت: «تۆ یێ هەژی كو پەرتووكێ وەرگری و موهرێن وێ ڤەكەی، چنكو تۆ هاتیە ڤەكوشتن و تە ب خوینا خۆ مرۆڤ بۆ خودێ كڕین، ژ هەمی هۆز و زمان و گەل و مللەتان.

ئاشكراكرن 6:10

ئەوان ب دەنگەكێ بلند گازی كر و گۆت: «هەی خودانێ باڵادەست یێ پیرۆز و راست! تا كەنگی تۆ ئاكنجیێن جیهانێ داد ناكەی و تۆلا خوینا مە ژ وان ڤەناكەی؟»