2 پەترۆس 1:9 - ئنجیلا پیرۆز

⁹ لێ یێ ئەڤ تشتە ل نك نەبن، یێ كورتبین و كۆرەیە، وی یا ژ بیر كری كو ئەو یێ پاقژ بووی ژ گونەهێن خۆ یێن بەرێ.

2 پەترۆس 1:9 ပူးပေါင်းရင်းမြစ်များ

مزگینیا مەرقۆسی 10:21

عیسای سەحكرێ و حەز ژێ كر و گۆتێ: «تشتەك ب تنێ یێ ژ تە كێمە: هەڕە هەمی تشتێ تە هەی بفرۆشە و بدە هەژاران، دێ تە گەنجینەیەك ل ئەسمانی هەبیت. پاشی وەرە ب دویڤ من بكەڤە.»

مزگینیا لوقای 18:22

دەمێ عیسای ئەڤ چەندە بهیستی، گۆتە وی: «هێشتا تشتەكێ ژ تە كێمە: هەمی تشتێ تە هەی بفرۆشە و ل سەر هەژاران بەڵاڤ بكە، دێ تە گەنجینەیەك ل ئەسمانان هەبیت، پاشی وەرە ب دویڤ من بكەڤە.»

رۆما 6:11

هۆسا هوین ژی دەربارەی گونەهێ، خۆ ب مری بهژمێرن، لێ ب مەسیح عیسای ژ بۆ خودێ، ب زیندی بهژمێرن.

گالاتیا 5:13

هوین گەلی خویشك و برایان، ژ بۆ ئازادیێ یێن هاتینە گازی كرن، لێ وێ ئازادیێ نەكەنە بەهانە بۆ حەزێن لەشی، بەلكو ب حەزژێكرنێ خزمەتا ئێكودوو بكەن.

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

ئەفەسۆس 5:26

دا وێ ب شویشتنێ ب ئاڤێ ئانكو ب پەیڤێ پاقژ بكەت و هۆسا وێ پیرۆز بكەت،

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

1 پەترۆس 3:21

ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

ئاشكراكرن 3:17

تۆ دبێژی: ‹ئەز یێ دەولەمەندم، ئەز گەلەك یێ دەولەمەند بوویم و من پێدڤی ب چ نینە،› لێ تۆ نزانی كو تۆ یێ پەریشانی و رەبەنی و بەلەنگازی و كۆرەیی و رویسی.