2 پەترۆس 1:8 - ئنجیلا پیرۆز

⁸ چنكو ئەگەر ئەڤ تشتە ل نك هەوە هەبن و زێدە ببن، دێ هەوە كەتە مرۆڤێن بكێرهاتی و بەرهەمدار د نیاسینا خودانێ مە عیسایێ مەسیح دا.

2 پەترۆس 1:8 ပူးပေါင်းရင်းမြစ်များ

مزگینیا مەتتای 13:22

ئەو تۆڤێ ل ناڤ ستریان هاتیە چاندن، ئەو كەسن یێن پەیڤێ دبهیسن، لێ خەمێن ڤێ جیهانێ و خاپاندنا دەولەمەندیێ پەیڤێ دفەتسینن و پەیڤ بێ بەرهەم دبیت.

مزگینیا مەتتای 20:3

ل دۆرێن دەمژمێر نە‍‌ھ، دەركەفت و هندەكێن دی یێن بێكار ل بازاڕی دیتن.

مزگینیا مەتتای 20:6

ل دۆرێن دەمژمێر پێنجێ ئێڤاری، جارەكا دی دەركەفت، هندەك پالەیێن دی دیتن و گۆتە وان: ‹بۆچی هوین ب درێژاهیا رۆژێ بێكار ل ڤێرێ د راوەستیاینە؟›

مزگینیا مەتتای 25:26

ئینا خودانێ وی بەرسڤ دا: ‹هەی بەنیێ خراب و تەمبەل! تە دزانی ئەز ژ ئەردێ من نەچاندی ددوریم و ژ ئەردێ من تۆڤ نەهاڤێتیێ كۆم دكەم.

مزگینیا یوحەننای 15:2

هەر چەقەكێ من یێ بەرهەمی نەدەت، رادكەت. لێ هەر چەقەكێ بەرهەمی بدەت، دكەزێخیت و پاقژ دكەت، دا پتر بەرهەمی بدەت.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 5:42

لێ من هوین نیاسین، كو حەزژێكرنا خودێ د دلێ هەوە دا نینە.

رۆما 12:11

د دلگەرمیێ دا سست نەبن، ب گیانەكێ ئاگرینی خزمەتا خودانی بكەن.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

2 كورنتۆس 13:5

نە من، لێ خۆ بپشكنن، دا بزانن كا هوین د باوەریێ دانە یان نە. نە من، لێ خۆ تاقی بكەن. یان هوین تێناگەهن كو عیسایێ مەسیح د ناخێ هەوە دایە؟ ژبلی ئەگەر هوین د پشكنینێ دا سەرنەكەڤن.

2 كورنتۆس 8:2

سەرەڕای تاقیكرنەكا دژوار ب رێكا تەنگاڤیان، شادیا وان یا زێدە و هەژاریا وان یا دژوار ب دەولەمەندیا مەردینیێ د سەر دا چوو.

2 كورنتۆس 8:7

كا چەوا هوین د هەر تشتەكی دا د پێشكەفتینە: د باوەریێ دا، د ئاخفتنێ دا، د زانینێ دا، د هەمی دلگەرمیێ دا و د حەزژێكرنا هەوە دا بۆ مە، وەسا د ڤێ كەرەما بەخشینێ ژی دا پێش بكەڤن.

2 كورنتۆس 9:14

و دێ نڤێژان بۆ هەوە كەن و بیریا هەوە كەن، ژ بەر وێ كەرەما خودێ یا زێدە مەزن، ئەوا بۆ هەوە هاتیە دان.

فیلیپی 1:9

داخوازا من ژی ژ خودێ ئەوە كو حەزژێكرنا هەوە پتر و هێشتا پتر ل گەل زانین و هەمی تێگەهشتنێ زێدە ببیت،

فیلیپی 2:5

بلا هزركرنا هەوە وەكو هزركرنا عیسایێ مەسیح بیت:

فیلیپی 3:8

هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

كۆلۆسی 2:7

ب وی ڤە رە‍‌ھ داهێلای و د ئاڤاكری بن و د باوەریێ دا د موكم بن هەروەكو هوین هاتینە فێركرن و بلا هوین ژ سوپاسیكرنێ د سەر دا بڕژن.

كۆلۆسی 3:16

بلا پەیڤا مەسیحی ب دەولەمەندیا خۆ د دلێ هەوە دا ئاكنجی ببیت، هوین ژی ب هەمی ئاقلمەندی ئێكودوو فێر بكەن و ئاگەهدار بكەن، زەبووران و سروود و سترانێن روحانی، ب سوپاسداری ژ دلێ خۆ بۆ خودێ بسترن.

1 سالونیكی 3:12

بلا خودان وە بكەت كو حەزژێكرنا هەوە بۆ ئێكودوو و بۆ هەمیان وەرارێ بكەت و زێدە ببیت، هەروەكو حەزژێكرنا مە بۆ هەوە زێدە دبیت،

1 سالونیكی 4:1

ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

1 تیمۆتاوس 5:13

ل گەل هندێ، ئەو فێری تەمبەلیێ دبن و ژ ڤێ مالێ دچنە ڤێ مالێ. نە ب تنێ تەمبەلیێ، لێ نەكامیێ و مایتێكرنێ دكەن و تشتێن نەژێهاتی ژی دبێژن.

تیتۆس 3:14

پێدڤیە خەلكێ مە یێ باوەردار ژی فێر ببن كو پویتەی ب كریارێن باش بدەن، داكو پێدڤیێن فەر بۆ كەسێن دی دابین بكەن، هۆسا ئەو د بێبەرهەم نابن.

فلیمون 1:6

ئەز د نڤێژان دا داخواز دكەم كو پشكداریا تە د باوەریێ دا یا كاریگەر بیت، دا تۆ كویرتر د هەمی تشتێن باش بگەهی، یێن مە ژ پێخەمەت مەسیحی هەین.

عیبرانی 6:12

دا هوین تەمبەل نەبن، لێ چاڤ ل وان بكەن یێن ب باوەری و بێهنفرەهیێ بووینە میراتگرێن سۆزێن خودێ.

2 پەترۆس 1:2

ب نیاسینا خودێ و عیسایێ خودانێ مە، كەرەم و ئاشتی ب زێدەیی ل سەر هەوە بن.

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 2:20

ئەگەر ئەو ب نیاسینا خودان و قورتالكەرێ مە عیسایێ مەسیح ژ هەڕماتیێن جیهانێ رزگار ببن و پشتی هنگی كەفتبنە د تەڤنێ وان دا و بندەست ببنەڤە، ئەڤە دویماهیا وان ژ دەستپێكا وان كمباخترە.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.