2 پەترۆس 1:6 - ئنجیلا پیرۆز

⁶ و ل سەر زانینێ لخۆزاڵبوونێ و ل سەر لخۆزاڵبوونێ خۆڕاگرتنێ و ل سەر خۆڕاگرتنێ خودێترسیێ

2 پەترۆس 1:6 ပူးပေါင်းရင်းမြစ်များ

مزگینیا لوقای 21:19

ب خۆڕاگرتنا خۆ هوین دێ ژیانا خۆ ب دەست ڤە ئینن.

مزگینیا لوقای 8:15

لێ ئەو تۆڤێ كەفتیە سەر ئەردێ باش، ئەو كەسن یێن پەیڤێ دبهیسن و د دلەكێ باش و راست دا ڤەدشێرن و ب خۆڕاگریێ بەرهەمی ددەن.

كارێن هنارتیان 24:25

دەمێ پاولۆس ل سەر راستداری و لخۆزاڵبوونێ و رۆژا دادكرنا كو دێ هێت دئاخفت، فیلیكس ترسیا و گۆت: «نوكە تۆ هەڕە و دەمێ من دەلیڤە هەبوو، دێ گازی تە كەمەڤە.»

رۆما 15:4

چنكو هەمی تشتێن ژ كەڤن دا هاتینە نڤیسین، ئەو بۆ فێركرنا مە هاتبوونە نڤیسین، دا مە ب رێكا هەدار و هاندانا ژ نڤیسارێن پیرۆز دهێت هیڤی هەبیت.

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

رۆما 8:25

لێ ئەگەر مە هیڤیا تشتەكی هەبیت كو ئەم نابینین، ئەم ب هەدارێ ل چاڤەڕێ دمینین.

1 كورنتۆس 9:25

هەر وەرزشڤانەك، د هەمی بیاڤان دا خۆ دئێخیتە بن راهێنانەكا دژوار. ئەو ڤێ چەندێ دكەن داكو تانجەكا ژ ناڤ دچیت ب دەست ڤە بینن، لێ ئەم وێ چەندێ دكەین داكو تانجەكا ژ ناڤ نەچیت ب دەست ڤە بینین.

2 كورنتۆس 6:4

لێ د هەمی تشتان دا، ئەم خۆ وەكو خزمەتكارێن خودێ پەسەند دكەین: د گەلەك خۆڕاگرتنێ دا، د تەنگاڤیان دا، د بن فشاران ڤە، د دژواریان دا،

گالاتیا 5:23

دلنەرمی و لخۆزاڵبوون. چ دەستوور نینن دژی ڤان تشتان بن.

كۆلۆسی 1:11

ب هەمی هێزا د شیانا مەزناهیا وی دا هەی، بهێز بكەڤن، دا هوین د هەمی تشتان دا د بێهنفرە‍‌ھ و خۆڕاگر بن و ب دلخۆشی سوپاسیا بابی بكەن، ئەوێ هوین هەژی كرین كو هەوە پشك هەبیت د وی میراتی دا یێ كەسێن پیرۆزكری د پاشایەتیا رۆناهیێ دا هەی.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

2 سالونیكی 1:4

لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.

2 سالونیكی 3:5

ئەڤجا بلا خودان بەرێ دلێ هەوە بدەتە حەزژێكرنا خودێ و خۆڕاگریا مەسیحی.

1 تیمۆتاوس 2:10

لێ ب كریارێن باش، كو بكێر وان ژنكان بهێن یێن ب ئاشكرایی دبێژن ئەم خودێترسین.

1 تیمۆتاوس 2:2

بۆ پاشایان و هەمی دەستهەلاتداران ژی، دا ئەم ژیانەكا تەنا و ئارام، ب هەمی خودێترسی و رێز، بڕێڤە ببەین.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

1 تیمۆتاوس 6:11

لێ تۆ، هەی مرۆڤێ خودێ، ژ ڤان تشتان بڕەڤە و بكەڤە دویڤ راستداریێ، خودێترسیێ، دلسۆزیێ، حەزژێكرنێ، خۆڕاگریێ و دلنەرمیێ.

1 تیمۆتاوس 6:3

ئەگەر ئێك فێركرنەكا دی فێری خەلكی دكەت و ل گەل پەیڤێن ساخلەم یێن خودانێ مە عیسایێ مەسیح و فێركرنا ل دویڤ خودێترسیێ رێك ناكەڤیت،

1 تیمۆتاوس 6:6

راستە، خودێترسی قازانجەكێ مەزنە، ئەگەر مرۆڤ ل سەر تشتێ وی هەی یێ رازی بیت،

2 تیمۆتاوس 3:5

وان دیمەنێ سەرڤە یێ خودێترسیێ یێ هەی، لێ ئەو هێزا وێ رەت دكەن. ئەڤجا خۆ ژ یێن وەسا دویر بئێخە.

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

تیتۆس 1:8

لێ دڤێت یێ مێڤاندار بیت، حەز ژ باشیێ بكەت، خودان رەفتارەكا ئاقلانە بیت، یێ راست و دروست بیت، یێ پیرۆز و ل سەر خۆ یێ زاڵ بیت.

تیتۆس 2:2

بلا پیرەمێر ل سەر خۆ د زاڵ بن، خودان رێز بن، خودان رەفتارەكا ئاقلانە بن، د باوەریێ و حەزژێكرنێ و خۆڕاگریێ دا د ساخلەم بن.

عیبرانی 10:36

هوین د پێدڤی خۆڕاگریێنە، داكو پشتی هوین حەزا خودێ ب ج‍‌ھ دئینن، ئەوا سۆز پێ هاتیە دان وەرگرن.

عیبرانی 12:1

لەوما، مادەم ئەم ب جەماوەرەكێ هۆسا مەزن یێ شاهدان د دەور داینە، دا هەر بارەكی و گونەهێن ب ساناهی د مە دئالیێن، بهاڤێژین و د وێ غاردانێ دا یا ل بەر مە هاتیە دانان، ب خۆڕاگری بكەینە غار.

عیبرانی 6:12

دا هوین تەمبەل نەبن، لێ چاڤ ل وان بكەن یێن ب باوەری و بێهنفرەهیێ بووینە میراتگرێن سۆزێن خودێ.

عیبرانی 6:15

ب ڤی ئاوایی، پشتی ئیبراهیمی بێهنا خۆ فرە‍‌ھ كری، سۆز ب دەست ڤە ئینا.

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 3:11

ئەڤجا، مادەم ئەڤ تشتە هەمی دێ ب ڤی شێوەی حەلیێن، ئێدی پێدڤیە هوین چ جۆرە مرۆڤ بن؟ ل ڤی دەمێ كو هوین ل چاڤەڕێیا رۆژا خودێنە و لەزێ ل هاتنا وێ دكەن، پێدڤیە هوین ب پیرۆزی و خودێترسی بژین. د وێ رۆژێ دا ئەسمان دێ ب ئاگری ژ ناڤ چن و توخم دێ ب سۆتنێ حەلیێن.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 13:10

ئەگەر بۆ ئێكی هاتیە نڤیسین ببیتە دیل، دێ بەرەڤ دیلاتیێ ڤە چیت. ئەگەر بۆ ئێكی هاتیە نڤیسین ب شیری بهێتە كوشتن، دێ ب شیری هێتە كوشتن. ل ڤێرێ خۆڕاگرتن و دلسۆزیا پیرۆزكریان یا فەرە.

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.

ئاشكراكرن 2:2

من های ژ كریار و رەنج و خۆڕاگرتنا تە هەیە و دزانم تۆ نەشێی بێهنا خۆ ل سەر كەسێن خراب فرە‍‌ھ كەی. تە ئەو تاقی كرن یێن دبێژن ئەم هنارتینە، لێ ئەو نە هنارتینە، تە دیت ئەو درەوین دەركەفتن.