2 پەترۆس 1:4 - ئنجیلا پیرۆز

⁴ وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.

2 پەترۆس 1:4 ပူးပေါင်းရင်းမြစ်များ

رۆما 9:4

كو ئەو ژی ئیسرائیلینە. مافێن كوڕێن خودێ، مەزناهی، هەمی پەیمان، وەرگرتنا دەستووری، پەرستن و هەمی سۆز یێن وانن.

2 كورنتۆس 1:20

چنكو ب وی هەمی سۆزێن خودێ «بەلێ»نە، لەوما ئەم ب رێكا وی دبێژین «ئامین» بۆ مەزناهیا خودێ.

2 كورنتۆس 3:18

ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

2 كورنتۆس 6:17

لەوما «خودان دبێژیت: ژ ناڤ وان دەركەڤن و خۆ ڤەدەر كەن، دەست نەكەنە تشتەكێ هەڕمی، ئەڤجا ئەز دێ هەوە قەبیل كەم.

گالاتیا 3:16

ئەڤجا سۆز بۆ ئیبراهیمی و دویندەها وی هاتنە دان. نابێژیت: «و بۆ دویندەهێن تە» هەروەكو بۆ گەلەكان بیت، لێ بۆ ئێكی: «و بۆ دویندەها تە»، كو ئەو ژی مەسیحە.

گالاتیا 6:8

ئەوێ بۆ لەشێ خۆ بچینیت، دێ ژ لەشی رزیبوونێ هەلینیت، لێ ئەوێ بۆ گیانی بچینیت، دێ ژ گیانی ژیانا هەروهەر هەلینیت.

ئەفەسۆس 4:13

تاكو ئەم هەمی بگەهینە ئێكەتیا باوەریێ و نیاسینا كوڕێ خودێ، هەروەسا ئەم ببینە مرۆڤەكێ پێگەهشتی، بگەهینە ئاستێ تەمامێ بەژنا مەسیحی.

كۆلۆسی 3:10

و مرۆڤێ نوی كریە بەر خۆ، ئەوێ دهێتە نویكرن ل گۆر وێنەیێ ئافرێندەرێ خۆ، دا ب دروستی ئافرێندەری بنیاسیت.

عیبرانی 12:10

ئەوان بۆ دەمەكێ كورت، ل دویڤ یا وان دیتی كو باشە، ئەم تەمبی كرین، لێ خودێ بۆ مفایێ مە ب تەمبیكرنا مە رادبیت، دا ئەم پیرۆز ببین، هەروەكو ئەو یێ پیرۆزە.

عیبرانی 9:15

ژ بەر ڤێ چەندێ ئەو ناڤبەینكارێ پەیمانەكا نویە، داكو یێن گازیكری میراتێ هەتا هەتایی یێ سۆز پێ هاتیە دان وەرگرن، چنكو مرنەكێ روی دا، ئەو ژ گونەهێن د پەیمانا پێشین دا هاتینە كرن رزگار كرن.

یەعقوب 1:27

ئایینداریا پاقژ و بژوین ل نك خودایێ باب ئەوە كو مرۆڤ چاڤێ خۆ بدەتە ئێتیم و بیژنان د تەنگاڤیێن وان دا و خۆ ژ هەڕماتیا جیهانێ بپارێزیت.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 3:13

لێ ئەم ل گۆر سۆزا وی، چاڤەڕێی ئەسمانێن نوی و ئەردەكێ نوی دكەین، كو راستداری تێدا یا خۆجهە.

2 پەترۆس 3:9

خودان بجهئینانا سۆزا خۆ گیرۆ ناكەت، هەروەكو هندەك كەس ب گیرۆبوون دزانن، لێ ئەو بێهنا خۆ ل هەوە فرە‍‌ھ دكەت، چنكو وی نەڤێت كەس ژ ناڤ بچیت، لێ بەرێ هەمیان بكەڤیتە لخۆزڤڕینێ.

1 یوحەننا 2:25

ئەڤەیە ئەو سۆزا وی ب خۆ دایە مە، ئەو ژی ژیانا هەتا هەتاییە.

1 یوحەننا 3:2

گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.