2 پەترۆس 1:3 - ئنجیلا پیرۆز

³ هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 1:3 ပူးပေါင်းရင်းမြစ်များ

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

رۆما 8:32

ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟

رۆما 9:24

خۆ ئەم ژی ئەوین، یێن وی گازی كرین، نە ب تنێ ژ ناڤ جوهیان، لێ ژ ناڤ مللەتێن دی ژی.

1 كورنتۆس 1:9

دلسۆزە ئەو خودایێ هوین گازی كرینە پشكداربوونێ ل گەل كوڕێ وی، خودانێ مە عیسایێ مەسیح.

2 كورنتۆس 12:9

لێ وی گۆتە من: «كەرەما من تێرا تە هەیە. چنكو هێزا من د لاوازیا مرۆڤی دا ب كاملی كار دكەت.» ئەڤجا ب هەمی دلخۆشی ئەز دێ شانازیێ ب لاوازیێن خۆ بەم، دا هێزا مەسیحی د من دا ئاكنجی ببیت.

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 4:4

ئێكە لەش و ئێكە گیان، هەروەكو خودێ بۆ ئێك هیڤی هوین گازی كرین.

فیلیپی 3:8

هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

فیلیپی 4:8

ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ بیت، هزرێ تێدا بكەن.

كۆلۆسی 1:16

چنكو ب وی هەمی تشت هاتنە ئافراندن: یێن ل ئەردی و یێن ل ئەسمانان، یێن دهێنە دیتن و یێن ناهێنە دیتن، چ تەخت بن یان خودانەتی، چ سەروەر بن یان دەستهەلاتدار، هەمی ب وی و بۆ وی هاتنە ئافراندن.

1 سالونیكی 2:12

مە هوین هاندان و ل بەر دلێ هەوە دا و ل سەر ژیانا هەوە راوەستیاین، كو ب شێوەیەكی بیت یا هەژی وی خودای بیت، ئەوێ هوین بۆ پاشایەتی و مەزناهیا خۆ گازی كرین.

1 سالونیكی 4:7

چنكو خودێ ئەم بۆ پویچاتیێ گازی نەكرینە، لێ بۆ پیرۆزیێ.

2 سالونیكی 2:14

وی بۆ وێ مەبەستێ هوین ب رێكا مزگینیا مە گازی كرن، دا هوین مەزناهیا خودانێ مە عیسایێ مەسیح ب دەست خۆ ڤە بینن.

1 تیمۆتاوس 4:8

چنكو وەرزشا لەشی مفایێ هەی بۆ هندەك تشتان، لێ ژ خودێترسیێ مفایێ هەی بۆ هەمی تشتان، ژ بەر كو خودێترسیێ سۆز بۆ ژیانا ڤێ جیهانێ و جیهانا دی هەیە.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

1 پەترۆس 1:15

لێ كا چەوا خودێ، ئەوێ گازی هەوە كری، یێ پیرۆزە، هوین ژی د هەمی رەفتارێن خۆ دا د پیرۆز بن.

1 پەترۆس 1:5

هوین ئەون یێن ب رێكا باوەریێ ژ لایێ هێزا خودێ ڤە دهێنە پاراستن، بۆ وێ قورتالبوونێ كو یا ئامادەیە د دەمێ دویماهیێ دا بهێتە ئاشكراكرن.

1 پەترۆس 2:21

بۆ وی تشتی هوین یێن هاتینە گازیكرن، چنكو مەسیحی ژی ژ پێخەمەت هەوە ئازار كێشان و هۆسا نموونەیەك بۆ هەوە ب ج‍‌ھ هێلا، دا ل دویڤ شووپا وی بچن،

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

1 پەترۆس 3:9

خرابیێ ب خرابیێ و ئاخفتنێن كرێت ب ئاخفتنێن كرێت ڤەنەگێڕن، لێ بەروڤاژی هندێ بەرەكەتێ بۆ وان بخوازن، ژ بەر كو هوین بۆ وێ چەندێ یێن هاتینە گازیكرن، كو ببنە میراتگرێن بەرەكەتێ.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

2 پەترۆس 1:10

ژ بەر ڤێ چەندێ گەلی خویشك و برایان، زێدەتر بزاڤێ بكەن دا دووپات بكەن كو خودێ هوین یێن گازی كرین و هەلبژارتین، چنكو ئەگەر هوین ڤان تشتان بكەن، هوین چ جاران ناهەلنگڤن.

2 پەترۆس 1:2

ب نیاسینا خودێ و عیسایێ خودانێ مە، كەرەم و ئاشتی ب زێدەیی ل سەر هەوە بن.

2 پەترۆس 1:5

ئها ژ بەر ڤێ چەندێ، هەمی رەنجێ بكێشن دا هوین ل سەر باوەریا خۆ، چاكیێ زێدە بكەن و ل سەر چاكیێ زانینێ

2 پەترۆس 1:6

و ل سەر زانینێ لخۆزاڵبوونێ و ل سەر لخۆزاڵبوونێ خۆڕاگرتنێ و ل سەر خۆڕاگرتنێ خودێترسیێ

2 پەترۆس 1:8

چنكو ئەگەر ئەڤ تشتە ل نك هەوە هەبن و زێدە ببن، دێ هەوە كەتە مرۆڤێن بكێرهاتی و بەرهەمدار د نیاسینا خودانێ مە عیسایێ مەسیح دا.

2 پەترۆس 2:20

ئەگەر ئەو ب نیاسینا خودان و قورتالكەرێ مە عیسایێ مەسیح ژ هەڕماتیێن جیهانێ رزگار ببن و پشتی هنگی كەفتبنە د تەڤنێ وان دا و بندەست ببنەڤە، ئەڤە دویماهیا وان ژ دەستپێكا وان كمباخترە.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.