2 پەترۆس 1:17 - ئنجیلا پیرۆز

¹⁷ وی ژ خودایێ باب رێز و مەزناهی وەرگرت، دەمێ دەنگەك ژ مەزناهیا سەنگین بۆ هاتی و گۆتی: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی.»

2 پەترۆس 1:17 ပူးပေါင်းရင်းမြစ်များ

مزگینیا مەتتای 12:18

«ئەڤەیە خزمەتكارێ من، یێ من هەلبژارتی، خۆشتڤیێ من، یێ دلێ من پێ خۆش بووی. ئەز دێ گیانێ خۆ دانمە سەر و ئەو دێ دادوەریێ ل سەر مللەتان بەڵاڤ كەت.

مزگینیا مەتتای 17:3

ژ نشكەكێ ڤە مووسا و ئلیاس بۆ وان دیار بوون، كو یێ ل گەل عیسای دئاخڤن.

مزگینیا مەتتای 17:5

هێشتا ئەو دئاخفت، وەسا چێبوو عەورەكێ رۆناهیدار سیبەر ل وان كر و دەنگەك ژ عەوری هات و گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی، گوهێ خۆ بدەنێ!»

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا مەتتای 3:17

و دەنگەكی ژ ئەسمانان گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی!»

مزگینیا مەرقۆسی 1:11

و دەنگەك ژ ئەسمانان هات و گۆت: «تۆ كوڕێ منی یێ خۆشتڤی، دلێ من ب تە یێ خۆش بووی.»

مزگینیا مەرقۆسی 9:7

پاشی عەورەك هات و سیبەر ل وان كر، دەنگەك ژ عەوری هات: «ئەڤەیە كوڕێ من یێ خۆشتڤی، گوهێ خۆ بدەنێ!»

مزگینیا لوقای 10:22

«هەمی تشت ژ لایێ بابێ من ڤە بۆ من یێن هاتینە دان. كەس نزانیت كوڕ كیە ژبلی بابی، هەروەسا كەس نزانیت باب كیە ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.»

مزگینیا لوقای 3:22

و گیانێ پیرۆز ب شێوەیێ لەشەكێ وەكو كووترەكێ هاتە خوار و ل سەر وی دادا و دەنگەك ژ ئەسمانی هات و گۆت: «تۆ كوڕێ منی یێ خۆشتڤی، دلێ من ب تە یێ خۆش بووی.»

مزگینیا یوحەننای 10:15

هەروەكو باب من دنیاسیت و ئەز وی دنیاسم. ئەز ژیانا خۆ گۆری پەزێ خۆ دكەم.

مزگینیا یوحەننای 10:36

ئەڤجا ئەوێ بابی پیرۆز كری و بۆ جیهانێ هنارتی، هوین چەوا دبێژنە وی: ‹تۆ كوفریان دكەی،› چنكو من گۆت: ‹ئەز كوڕێ خودێمە›؟

مزگینیا یوحەننای 14:11

باوەر ژ من بكەن كو ئەز یێ د ناڤ بابی دا و باب یێ د ناڤ من دا. ئەگەر نە، ژ بەر وان كاران ب خۆ باوەر بكەن.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 17:21

داكو هەمی ببنە ئێك. باب، هەروەكو تۆ د ناڤ من دا و ئەز د ناڤ تە دا، بلا ئەو ژی د ناڤ مە دا بن، دا جیهان باوەریێ بینیت كو تە ئەز یێ هنارتیم.

مزگینیا یوحەننای 20:17

عیسای گۆتێ: «من نەگرە، چنكو هێشتا ئەز بلند نەبوویمە نك بابی. لێ هەڕە نك برایێن من و بێژە وان كو ئەز دێ بلند بمە نك بابێ خۆ و بابێ هەوە، نك خودایێ خۆ و خودایێ هەوە.»

مزگینیا یوحەننای 3:35

باب حەز ژ كوڕی دكەت و هەمی تشت یێن كرینە د دەستێ وی دا.

مزگینیا یوحەننای 5:20

چنكو باب حەز ژ كوڕی دكەت و هەمی كارێن خۆ نیشا وی ددەت و دێ كارێن ژ ڤێ مەزنتر ژی نیشا وی دەت، دا هوین مەندەهۆش بن.

مزگینیا یوحەننای 5:26

چنكو هەروەكو بابی ژیان د خۆ دا هەی، وی دایە كوڕی ژی كو ژیان د خۆ دا هەبیت.

مزگینیا یوحەننای 6:27

ژ بۆ وێ خوارنا درزیت كار نەكەن، لێ ژ بۆ وێ خوارنێ كار بكەن، ئەوا بۆ ژیانا هەروهەر دمینیت، ئەو خوارنا كوڕێ مرۆڤ دێ دەتە هەوە، چنكو خودایێ باب ئەو یێ موهر كری.»

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

مزگینیا یوحەننای 6:39

حەزا وی یێ ئەز هنارتیم ئەوە، كو هەمی كەسێن وی داینە من، ئەز كەسێ ژێ ژ دەست نەدەم، لێ ل رۆژا دویماهیێ وان ژ مرنێ راكەم.

رۆما 15:6

دا هوین ب ئێك دل و ئێك دەنگ پەسنا خودێ، بابێ خودانێ مە عیسایێ مەسیح، بكەن.

2 كورنتۆس 1:3

مەزناهی بۆ خودێ، بابێ خودانێ مە عیسایێ مەسیح، بابێ دلۆڤانیێ و خودایێ هەمی هاندانێ،

2 كورنتۆس 11:31

خودێ، بابێ خودان عیسای، ئەوێ هەروهەر هەژی پەسنكرنێ، دزانیت كو ئەز درەوان ناكەم.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

2 یوحەننا 1:3

كەرەم و دلۆڤانی و ئاشتی، ژ خودایێ باب و ژ عیسایێ مەسیح، كوڕێ بابی، ب رێكا راستیێ و حەزژێكرنێ دێ ل گەل مە بن.

یەهودا 1:1

ژ من، یەهودا، بەنیێ عیسایێ مەسیح و برایێ یەعقوبی، بۆ گازیكریێن خۆشتڤی ژ لایێ خودایێ باب ڤە و پاراستی ژ لایێ عیسایێ مەسیح ڤە: