2 پەترۆس 1:16 - ئنجیلا پیرۆز

¹⁶ چنكو دەمێ مە هاتنا ب هێز یا خودانێ مە عیسایێ مەسیح ب هەوە دایە زانین، ئەم نەكەفتینە دویڤ ئەفسانەیێن ب ژیری هاتینە چێكرن، لێ مە ب چاڤێن خۆ مەزناهیا وی دیت.

2 پەترۆس 1:16 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەتتای 16:28

ب راستی دبێژمە هەوە: هندەك ژ ئەوێن ل ڤێرێ راوەستیاین، تاكو هاتنا كوڕێ مرۆڤ د پاشایەتیا وی دا نەبینن، تام ناكەنە مرنێ.»

مزگینیا مەتتای 17:1

پشتی شەش رۆژان، عیسای پەترۆس، یەعقوب و برایێ وی یوحەننا ل گەل خۆ برن و سەرئێخستنە چیایەكێ بلند، ل وێرێ ئەو ب تنێ بوون.

مزگینیا مەتتای 24:27

چنكو كا چەوا برویسی ل رۆژهەلاتێ ڤەددەت و ل رۆژئاڤایێ دیار دبیت، هاتنا كوڕێ مرۆڤ ژی دێ یا وەسا بیت.

مزگینیا مەتتای 24:3

دەمێ ئەو ل سەر چیایێ زەیتوونان یێ روینشتی، شاگردێن وی ب تنێ هاتنە نك و گۆتێ: «بێژە مە، ئەڤ چەندە دێ كەنگی چێبن؟ و نیشانا هاتنا تە و دویماهیا سەردەمی چیە؟»

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا مەرقۆسی 13:26

هنگی دێ بینن كوڕێ مرۆڤ ب هێزەكا زۆر و مەزناهی د ناڤ عەوران دا یێ دهێت.

مزگینیا مەرقۆسی 14:62

عیسای گۆت: «ئەز ئەوم و هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل گەل عەورێن ئەسمانی یێ دهێت.»

مزگینیا لوقای 1:2

هەروەكو ژ لایێ ئەوێن ل دەستپێكێ ب چاڤێن خۆ دیتی و بووینە خزمەتكارێن پەیڤێ، بۆ مە هاتیە راگەهاندن،

مزگینیا لوقای 9:43

ئینا هەمی ژ مەزناهیا خودێ بەهتین. هێشتا هەمی د گوهشینا كریارێن عیسای دا مابوون، عیسای گۆتە شاگردێن خۆ:

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 17:2

چنكو تە دەستهەلات ل سەر هەمی مرۆڤان یا دایێ، دا ژیانا هەروهەر بدەتە هەمی ئەو كەسێن تە داینە وی.

رۆما 1:4

و ل گۆر گیانێ پیرۆزیێ، ب رابوونا وی ژ ناڤ مریان، ب هێزێ وەكو كوڕێ خودێ هاتیە دیاركرن. ئەو خودانێ مە عیسایێ مەسیحە.

1 كورنتۆس 1:17

چنكو مەسیحی بۆ تافیركرنێ ئەز نەهنارتم، لێ بۆ مزگینیدانێ، نە ب شارەزاییا ئاخفتنێ، دا خاچا مەسیحی ژ هێزا خۆ نەهێتە ڤاڵاكرن.

1 كورنتۆس 1:23

لێ ئەم مەسیحێ هاتیە خاچكرن ددەینە نیاسین، ئەڤە ژی بۆ جوهیان ئەگەرێ هەلنگفتنێیە و بۆ مللەتێن نەجوهی بێئاقلیە،

1 كورنتۆس 1:7

كو هەوە كێماسی د چ بەهرەیێن روحانی دا نینە، ل ڤی دەمی یێ هوین د چاڤەڕێیا دیاربوونا خودانێ مە عیسایێ مەسیح دا.

1 كورنتۆس 2:1

ئەز ژی، گەلی خویشك و برایان، دەمێ هاتیمە نك هەوە و نهێنیا خودێ بۆ هەوە رادگەهاند، من ب رەهوانیا ئاخفتنێ یان ئاقلمەندیێ نەدكر.

1 كورنتۆس 2:4

ئاخفتن و مزگینیدانا من نە ب ئاخفتنێن ئاقلمەندیا مرۆڤكانی یێن قاییلكەر بوو، لێ ب نیشانێن هێزا گیانێ پیرۆز بوو،

1 كورنتۆس 5:4

ب ناڤێ خودانێ مە عیسای، دەمێ هوین د كۆمبوونێ دا بن، گیانێ من ژی ل گەل هەوە یێ ئامادە بیت، ل گەل هێزا خودانێ مە عیسای،

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

فیلیپی 3:21

ب هێزا خۆ یا دشێت هەر تشتەكی بندەستی خۆ بكەت، ئەو دێ لەشێ مە یێ لاواز و مربار گوهۆڕیت و وەكو لەشێ خۆ یێ ب روومەت لێ كەت.

1 سالونیكی 2:19

چنكو ما هیڤی، یان دلخۆشی، یان تانجا مە یا شانازیێ ل پێشیا خودانێ مە عیسای د رۆژا هاتنا وی دا چیە؟ ما نە هوینن؟

2 سالونیكی 2:9

هاتنا یێ یاسانەنیاس دێ ل دویڤ چالاكیا ئبلیسی، ل گەل هەمی حنێر، نیشان و مەندەهۆشیێن درەوین بیت،

1 تیمۆتاوس 1:4

هەروەسا ئەو خۆ ب چیڤانۆك و نەژادنامەیێن بێ دویماهی ڤە مژویل نەكەن، ئەڤ چەندە دبنە ئەگەرێ بگروڤەكێشێ ل شوینا بجهئینانا نەخشەیێ خودێ یێ كو ب رێكا باوەریێیە.

1 تیمۆتاوس 4:7

خۆ ژ چیڤانۆكێن نەپیرۆز و چیڕۆكێن پیرەژنان بدە پاش، لێ راهێنانێ ل سەر خودێترسیێ بكە.

تیتۆس 1:14

و گو‍‌ھ نەدەنە ئەفسانەیێن جوهیان و فەرمانێن وان مرۆڤان یێن راستیێ رەت دكەن.

2 پەترۆس 2:3

ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

1 یوحەننا 4:14

مە دیتیە و ئەم شاهدەییێ ددەین كو بابی كوڕێ خۆ هنارت دا ببیتە قورتالكەرێ جیهانێ.

یەهودا 1:14

حەنۆخی ژی، كو پشتی ئادەمی بابكێ حەفتێ بوو، پەیاما خودێ دەربارەی ڤان كەسان راگەهاندیە و گۆتیە: «ئەڤە خودان د ناڤ هزارەهان پیرۆزكریێن خۆ دا یێ دهێت،

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.