2 پەترۆس 1:12 - ئنجیلا پیرۆز

¹² ژ بەر ڤێ چەندێ ئەز دێ هەردەم بیرا هەوە ل ڤان تشتان ئینم، هەر چەندە هوین ڤان تشتان دزانن و د ڤێ راستیا ل نك هەوە دا د خۆجهن.

2 پەترۆس 1:12 ပူးပေါင်းရင်းမြစ်များ

كارێن هنارتیان 16:5

ب ڤی ئاوایی جڤاكێن باوەرداران د باوەریێ دا موكمتر لێ دهاتن و رۆژ بۆ رۆژێ ژمارەیا باوەرداران پتر لێ دهات.

فیلیپی 3:1

ل دویماهیێ گەلی خویشك و برایان، ب خودانی دلخۆش ببن. بۆ من بارگرانی نینە ئەز دووبارە ئەڤان تشتان بۆ هەوە بنڤیسم و بۆ هەوە ئێمناهیە.

كۆلۆسی 1:5

ئەڤ باوەری و حەزژێكرنە ژ وێ هیڤیێ دزێت، یا بۆ هەوە د ئەسمانان دا هاتیە هەلگرتن، ئەو هیڤیا هەوە دەربارەی وێ د راگەهاندنا پەیڤا راستیێ دا بهیستی، ئانكو ئەو مزگینیا گەهشتیە هەوە. كا چەوا ئەو مزگینی د هەمی جیهانێ دا بەرهەمی ددەت و وەرارێ دكەت، وەسا د ناڤ هەوە ژی دا بەرهەمی ددەت و وەرارێ دكەت، هەر ژ وێ رۆژێ یا هەوە كەرەما خودێ بهیستی و ب دروستی نیاسی.

كۆلۆسی 2:7

ب وی ڤە رە‍‌ھ داهێلای و د ئاڤاكری بن و د باوەریێ دا د موكم بن هەروەكو هوین هاتینە فێركرن و بلا هوین ژ سوپاسیكرنێ د سەر دا بڕژن.

1 تیمۆتاوس 4:6

ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.

2 تیمۆتاوس 1:6

ژ بەر ڤێ چەندێ ئەز بیرا تە دئینم كو تۆ دیاریا خودێ بشارینی، ئەوا وی دایە تە ب رێكا دەستدانانا من ل سەر تە.

عیبرانی 10:32

رۆژێن بەرێ بیننە بیرا خۆ، پشتی هوین هاتینە رۆناهیكرن، دەمێ هەوە خۆ ل بەر هەڤڕكیەكا دژوار یا پڕی ئازار گرتی.

عیبرانی 13:9

بلا فێركرنێن جۆرا و جۆر و بیانی هەوە ڤاڕێ نەكەن. باشە دل ب كەرەمێ بهێتە قاییم كرن، نە ب خوارنێن تایبەت، یێن كو مفای ناگەهیننە وان یێن ل سەر دچن.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

1 پەترۆس 5:12

من ب دەستێ سیلاسی ئەڤ نامەیا كورت بۆ هەوە نڤیسی، كو ئەز وی ب برایەكێ دلسۆز دهژمێرم، دا هەوە هان بدەم و شاهدەییێ بدەم، كو كەرەما خودێ یا راستەقینە ئەڤەیە. تێدا موكم بمینن.

2 پەترۆس 1:13

هندی ئەز د ڤێ خیڤەتێ دا بم، ئەز ڤێ چەندێ راست دبینم كو ئەز هەوە ب ڤێ بیرئینانێ بشارینم.

2 پەترۆس 1:15

ئەڤجا ئەز دێ بزاڤێ كەم دا پشتی باركرنا من هوین هەردەم ڤان تشتان بیننە بیرا خۆ.

2 پەترۆس 3:1

گەلی خۆشتڤیان، ئەڤە دووەمین نامەیە ئەز بۆ هەوە دنڤیسم، د وان دا ئەز ب رێكا بیرئینانێ، هزرێن هەوە یێن پاقژ هشیار دكەم،

2 پەترۆس 3:17

لەوما گەلی خۆشتڤیان، مادەم هوین پێشوەخت هاتینە ئاگەهداركرن، د هشیار بن نەكو ب شاشیا بەدكاران بهێنە خڕاندن و خۆڕاگریا خۆ ژ دەست بدەن.

1 یوحەننا 2:21

من بۆ هەوە نڤیسی، نە چنكو هوین راستیێ نزانن، لێ چنكو هوین راستیێ دزانن و دزانن كو چ درەو ژ راستیێ نینن.

2 یوحەننا 1:2

ژ بەر وێ راستیا د ناڤ مە دا بنەج‍‌ھ و دێ هەتا هەتایێ ل گەل مە بیت:

یەهودا 1:17

لێ هوین، گەلی خۆشتڤیان، بیرا خۆ بیننە وان ئاخفتنان یێن پێشوەخت هنارتیێن خودانێ مە عیسایێ مەسیح گۆتین.

یەهودا 1:3

گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان.

یەهودا 1:5

ئەڤجا من دڤێت بیرا هەوە بینم، هەر چەندە هوین ڤان هەمی تشتان دزانن، كو پشتی خودانی گەلێ خۆ ژ ئەردێ مسرێ رزگار كری، ئەوێن باوەری نەئینای ژ ناڤ برن.