2 پەترۆس 1:11 - ئنجیلا پیرۆز

¹¹ ب ڤی شێوەی دەرگە‍‌ھ دێ ب فرەهی ل بەر هەوە ڤەبیت دا هوین ژۆر بكەڤنە پاشایەتیا هەروهەر یا خودان و قورتالكەرێ مە عیسایێ مەسیح.

2 پەترۆس 1:11 ပူးပေါင်းရင်းမြစ်များ

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا یوحەننای 10:10

دز ناهێت ئەگەر بۆ دزینێ و كوشتنێ و ژناڤبرنێ نەبیت، لێ ئەز یێ هاتیم دا وان ژیان هەبیت، ژیانەكا پڕ هەبیت.

رۆما 2:4

یان تۆ سڤكاتیێ ب دەولەمەندیا قەنجی و بێهنفرەهی و هەداریا وی دكەی؟ ما تۆ نزانی كو قەنجیا خودێ تە بەرەڤ لخۆزڤڕینێ دبەت؟

1 كورنتۆس 15:24

پشتی هنگی دویماهی دێ هێت، دەمێ مەسیح پاشایەتیێ ددەتە دەستێ خودایێ باب، پشتی كو هەمی سەروەری و دەستهەلات و هێزان ژ ناڤ دبەت.

2 كورنتۆس 5:1

چنكو ئەم دزانین ئەگەر خیڤەتا مە هەڕفت، كو جهێ ئاكنجیبوونا مە یا سەر ئەردیە، مە ئاڤاهیەك ژ نك خودێ هەیە، مالەكا ب دەستان نەهاتیە چێكرن، هەتا هەتایێ یا ل ئەسمانان.

ئەفەسۆس 3:20

مەزناهی بۆ وی بیت، یێ ب هێزا خۆ یا د مە دا كار دكەت، دشێت گەلەك پتر ژ وێ هەمیێ بكەت یا ئەم دخوازین یان هزر دكەین.

1 تیمۆتاوس 6:17

دەولەمەندێن ڤێ جیهانێ راسپێرە، كو د دفنبلند نەبن و هیڤیا خۆ ب دەولەمەندیا نە مسۆگەر ڤە گرێ نەدەن، لێ هیڤیا خۆ ب خودێ ڤە گرێ بدەن، یێ هەمی تشتان ب زێدەیی ددەتە مە، دا خۆشیێ ژێ وەرگرین.

2 تیمۆتاوس 4:18

خودان دێ من ژ هەمی كریارێن خراب رزگار كەت و ب سلامەتی گەهینیتە پاشایەتیا خۆ یا ئەسمانی. هەتا هەتایێ مەزناهی بۆ وی بیت. ئامین.

2 تیمۆتاوس 4:8

ژ نوكە و پێڤە تانجا راستداریێ ب ژڤانێ منە، ئەوا دێ خودان، دادوەرێ دادپەروەر، د وێ رۆژێ دا دەتە من، نە ب تنێ من، لێ وان هەمیان ژی یێن حەز ژ دیاربوونا وی كری.

عیبرانی 6:17

هەروەسا، دەمێ خودێ ڤیای نەگوهۆڕیا حەزا خۆ بۆ میراتگرێن سۆزێ زێدەتر دیار بكەت، وی سۆزا خۆ ب سویندێ مسۆگەر كر.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 1:5

ئها ژ بەر ڤێ چەندێ، هەمی رەنجێ بكێشن دا هوین ل سەر باوەریا خۆ، چاكیێ زێدە بكەن و ل سەر چاكیێ زانینێ

2 پەترۆس 2:20

ئەگەر ئەو ب نیاسینا خودان و قورتالكەرێ مە عیسایێ مەسیح ژ هەڕماتیێن جیهانێ رزگار ببن و پشتی هنگی كەفتبنە د تەڤنێ وان دا و بندەست ببنەڤە، ئەڤە دویماهیا وان ژ دەستپێكا وان كمباخترە.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.

ئاشكراكرن 5:10

تە ئەو بۆ خودایێ مە كرنە پاشایەتی و كاهن، ئەو دێ پاشایەتیێ ل سەر ئەردی كەن.»