2 پەترۆس 1:1 - ئنجیلا پیرۆز

¹ ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 1:1 ပူးပေါင်းရင်းမြစ်များ

مزگینیا مەتتای 10:2

ئەڤەنە ناڤێن هەر دوازدە هنارتیان: ل پێشیێ شەمعون ئەوێ دگۆتنێ پەترۆس و ئەندراوسێ برایێ وی، یەعقوبێ كوڕێ زەبەدی و یوحەننایێ برایێ وی،

مزگینیا مەتتای 4:18

دەمێ عیسا ل بەر كنارێ دەریاكا جەلیل بڕێڤە دچوو، دوو برایێن ئێك دیتن، ئەو ژی شەمعون یێ دگۆتنێ پەترۆس و برایێ وی ئەندراوس بوون، یێ تۆڕێ دهاڤێژنە د دەریاكێ دا، چنكو ئەو ماسیگر بوون.

مزگینیا لوقای 1:47

و گیانێ من ب خودێ، قورتالكەرێ من، گەلەك كەیفخۆش دبیت،

مزگینیا لوقای 11:49

ژ بەر ڤێ چەندێ ژی ئاقلمەندیا خودێ گۆت: ‹ئەز دێ پێغەمبەر و هنارتیان بۆ وان هنێرم، لێ ئەو دێ هندەك ژ وان پێغەمبەر و هنارتیان كوژن و هندەكان تەپەسەر كەن.›

مزگینیا یوحەننای 1:42

ئەو ئینا نك عیسای. عیسای بەرێ خۆ دا شەمعونی و گۆت: «تۆ شەمعونێ كوڕێ یوحەننای، تۆ دێ ب كیفاس هێیە بناڤكرن» كو وەرگێڕانا وێ ‹پەترۆس›ە.

مزگینیا یوحەننای 12:26

هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.

مزگینیا یوحەننای 20:21

دیسان گۆتە وان: «ئاشتی بۆ هەوە بیت! كا چەوا بابی ئەز هنارتم، وەسا ئەز ژی هەوە دهنێرم.»

كارێن هنارتیان 15:14

شەمعونی دیار كر، كا چەوا ژ بۆ جارا ئێكێ، خودێ پویتە ب مللەتێن نەجوهی دا، داكو ژ وان خەلكەكی بۆ ناڤێ خۆ پەیدا بكەت.

رۆما 1:1

ژ من، پاولۆس، بەنیێ مەسیح عیسای، ئەوێ هاتیە گازیكرن دا ببیتە هنارتی و بۆ مزگینیا خودێ هاتیە تەرخانكرن،

رۆما 1:12

ئانكو ئەم پێكڤە ب باوەریا ئێكودوو، یا هەوە و یا من، بهێینە هاندان.

رۆما 1:17

چنكو د مزگینیێ دا راستداریا خودێ ئاشكرا دبیت. ئەڤ راستداریە ژ دەستپێكێ هەتا دویماهیێ ب باوەریێیە، هەروەكو هاتیە نڤیسین: «یێ راستدار دێ ب باوەریێ ژیت.»

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

1 كورنتۆس 15:9

چنكو ئەز كێمترین هنارتیمە، نە هەژیمە وەكو هنارتی بهێمە بناڤكرن، چنكو من جڤاكا گازیكریێن خودێ تەپەسەر كربوو.

1 كورنتۆس 9:1

ما ئەز نە یێ ئازادم؟ ما ئەز نە هنارتیمە؟ ما من خودانێ مە عیسا نەدیتیە؟ ما هوین نە بەرهەمێ وی كارینە یێ ئەز بۆ خودانی دكەم؟

2 كورنتۆس 4:13

هەروەكو هاتیە نڤیسین: «من باوەری هەبوو، لەوما ئەز ئاخفتم،» مە هەمان گیانێ باوەریێ هەیە، ئەڤجا ئەم ژی باوەر دكەین، لەوما ئەم ژی دئاخڤین.

2 كورنتۆس 5:21

ئەوێ كو ئێكجار گونە‍‌ھ نەكری، خودێ ژ پێخەمەت مە ئەو كرە قوربانیێ گونەهێ، دا ئەم ب رێكا ئێكبوونا مە ل گەل وی ل نك خودێ راستدار دەركەڤین.

گالاتیا 2:8

چنكو خودێ ئەوێ كو پەترۆس وەك هنارتی بۆ خەلكێ سونەتكری ب كار ئینای، ئەز ژی بۆ مللەتێن نەجوهی ب كار ئینام.

ئەفەسۆس 3:5

ئەو نهێنی د دەمێ بەرەبابێن دی دا بۆ مرۆڤان ئاشكرا نەكربوو، لێ نوكە ب گیانێ پیرۆز بۆ هنارتی و پێغەمبەرێن وی یێن پیرۆز هاتە ئاشكرا كرن.

ئەفەسۆس 4:11

هەر ئەوە یێ دیاری دای كو هندەك ببنە هنارتی، هندەك ببنە پێغەمبەر، هندەك ببنە مزگینیدەر، هندەك ژی ببنە شڤان و مامۆستا،

ئەفەسۆس 4:5

ئێكە خودان، ئێكە باوەری، ئێكە تافیركرن،

فیلیپی 1:1

ژ مە، پاولۆس و تیمۆتاوسی، بەنیێن مەسیح عیسای، بۆ وان هەمیێن ل فیلیپی، ئەوێن ب رێیا مەسیح عیسای هاتینە پیرۆزكرن، ل گەل چاڤدێر و خزمەتكاران:

فیلیپی 1:29

چنكو وی كەرەم ل گەل هەوە كریە كو هوین نە ب تنێ باوەریێ ب مەسیحی بینن، لێ دا ئازارێ ژی ژ پێخەمەت وی بكێشن.

فیلیپی 3:9

و ل گەل وی ببمە ئێك و راستدار بهێمە دیتن، نە ب رێكا دەستووری، لێ ب رێكا باوەریێ ب مەسیحی، ل دویڤ وێ راستداریا خودێ ب رێكا باوەریێ ددەت.

2 تیمۆتاوس 1:5

باوەریا تە یا بێ دووڕویاتی دئینمە بیرا خۆ، ئەوا ل بەراهیێ د دلێ داپیرا تە لۆئیسێ دا و د دلێ دایكا تە ئەونیكێ دا ئاكنجی و ئەز یێ پشتڕاستم كو ئەو د دلێ تە ژی دا یا ئاكنجیە.

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

تیتۆس 1:4

بۆ تیتۆسی، كوڕێ من یێ راستەقینە د باوەریا مە یا هەڤپشك دا: كەرەم و ئاشتی ژ خودایێ باب و ژ قورتالكەرێ مە مەسیح عیسای ل سەر تە بن.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

یەعقوب 1:1

ژ من، یەعقوب، بەنیێ خودێ و خودان عیسایێ مەسیح، بۆ هەر دوازدە هۆزێن دەربەدەر، سڵاڤ.

1 پەترۆس 1:1

ژ من، پەترۆس، هنارتیێ عیسایێ مەسیح، بۆ كۆچبەرێن بەڵاڤبووی ل هەرێمێن پۆنتۆس، گالاتیا، كەپەدۆكیا، ئاسیا و بیتینیایێ،

1 پەترۆس 1:7

دا بەلگەیێ باوەریا هەوە، ئەوێ ب بهاتر ژ زێڕێ ژ ناڤ دچیت، یێ كو ب ئاگری دهێتە تاقیكرن، ببیتە جهێ پەسن و مەزناهی و سەربلندیێ ل دەمێ دیاربوونا عیسایێ مەسیح.

1 پەترۆس 2:7

ئەڤجا ژ بۆ هەوە باوەرداران، ئەو یێ بهاگرانە، لێ ژ بۆ یێن نەباوەردار، «ئەو بەرێ هۆستایان رەتكری، یێ بوویە بەرێ بنیاتی،»

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

2 پەترۆس 1:4

وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.

یەهودا 1:1

ژ من، یەهودا، بەنیێ عیسایێ مەسیح و برایێ یەعقوبی، بۆ گازیكریێن خۆشتڤی ژ لایێ خودایێ باب ڤە و پاراستی ژ لایێ عیسایێ مەسیح ڤە: