2 یوحەننا 1:9 - ئنجیلا پیرۆز

⁹ هەر كەسێ پێنگاڤێن زێدە بهاڤێژیت و د فێركرنا مەسیحی دا بنەج‍‌ھ نەبیت، وی بەهر د خودێ دا نینە. ئەوێ د وێ فێركرنێ دا بنەج‍‌ھ ببیت، وی بەهر یا د بابی دا و د كوڕی ژی دا هەی.

2 یوحەننا 1:9 ပူးပေါင်းရင်းမြစ်များ

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا لوقای 10:22

«هەمی تشت ژ لایێ بابێ من ڤە بۆ من یێن هاتینە دان. كەس نزانیت كوڕ كیە ژبلی بابی، هەروەسا كەس نزانیت باب كیە ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.»

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 15:6

هەر كەسێ د ناڤ من دا بنەج‍‌ھ نەبیت، وەكو چەقی بۆ ژ دەرڤە دهێتە هاڤێتن، ئەڤجا هشك دبیت و كۆم دكەن، پاشی دهاڤێژنە ناڤ ئاگری و دهێتە سۆتن.

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

مزگینیا یوحەننای 8:31

ئینا عیسای گۆتە وان جوهیێن باوەری پێ ئینای: «ئەگەر هەوە خۆ ل سەر پەیڤا من راگرت، هوین ب راستی شاگردێن منن

كارێن هنارتیان 2:42

ئەوان خۆ بۆ گوهداریا فێركرنێن هنارتیان، ژیانا هەڤپشكیێ، كەركرنا نانی و نڤێژان تەرخان دكر.

كۆلۆسی 3:16

بلا پەیڤا مەسیحی ب دەولەمەندیا خۆ د دلێ هەوە دا ئاكنجی ببیت، هوین ژی ب هەمی ئاقلمەندی ئێكودوو فێر بكەن و ئاگەهدار بكەن، زەبووران و سروود و سترانێن روحانی، ب سوپاسداری ژ دلێ خۆ بۆ خودێ بسترن.

تیتۆس 2:10

دەستدرێژیێ نەكەنە سەر مالێ وان، لێ دەستپاكیەكا تەمام بۆ وان دیار بكەن، دا فێركرنا قورتالكەرێ مە خودێ ژ هەمی لایان ڤە بخەملینن.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

عیبرانی 6:1

لەوما، بلا ئەم ژ فێركرنێن دەستپێكی یێن دەربارەی مەسیحی دەرباز ببین و بەرەڤ پێگەهشتنێ پێشڤە بچین، بێی كو جارەكا دی وی بنیاتی دانین یێ پێكهاتی ژ: لخۆزڤڕینێ ژ كریارێن مرۆڤی بەرەڤ مرنێ دبەن و باوەری ئینان ب خودێ

1 یوحەننا 1:3

ئەوا مە دیتی و بهیستی بۆ هەوە رادگەهینین، دا هەوە ژی هەڤپشكی ل گەل مە هەبیت. هەڤپشكیا مە ژی ل گەل بابی و ل گەل كوڕێ وی عیسایێ مەسیحە.

3 یوحەننا 1:9

من تشتەك بۆ جڤاكا باوەرداران نڤیسی، لێ دیۆتریفس، ئەوێ دڤێت د ناڤ وان دا كەسێ ئێكێ بیت، مە قەبیل ناكەت.