2 كورنتۆس 9:8 - ئنجیلا پیرۆز

⁸ خودێ دشێت هەر كەرەمەكێ ب سەر هەوە دا بڕێژیت، دا هەوە د هەمی تشتان دا و ل هەمی دەمان ب تەمامی تێرا خۆ هەبیت و وەسا هوین ب هەمی كارێن باش د سەر دا بڕژن.

2 كورنتۆس 9:8 ပူးပေါင်းရင်းမြစ်များ

كارێن هنارتیان 9:36

ل باژێڕێ یافا شاگردەك هەبوو ناڤێ وێ تابیتا بوو و ب یونانی دگۆتنێ دۆركاس، هەردەم چاكی دكرن و هاریكاریا هەژاران دكر.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

2 كورنتۆس 13:3

مادەم هوین داخوازا بەلگەیان دكەن كو مەسیح ب دەڤێ من دئاخڤیت. ئەو د سەرەدەریێ دا ل گەل هەوە نە یێ لاوازە، لێ د ناڤ هەوە دا یێ بهێزە.

2 كورنتۆس 8:19

نە ب تنێ ئەڤ چەندە، لێ ئەو ژ لایێ جڤاكێن باوەرداران ڤە هاتیە هەلبژارتن ژی، دا هەڤالێ مە یێ رێڤنگیێ بیت، ل دەمێ ئەم ڤێ كەرەمێ هەلدگرین و دابەش دكەین ژ بۆ مەزناهیا خودانی و دا دیار ببیت كو نیازا مە هاریكاریە.

2 كورنتۆس 8:2

سەرەڕای تاقیكرنەكا دژوار ب رێكا تەنگاڤیان، شادیا وان یا زێدە و هەژاریا وان یا دژوار ب دەولەمەندیا مەردینیێ د سەر دا چوو.

2 كورنتۆس 8:7

كا چەوا هوین د هەر تشتەكی دا د پێشكەفتینە: د باوەریێ دا، د ئاخفتنێ دا، د زانینێ دا، د هەمی دلگەرمیێ دا و د حەزژێكرنا هەوە دا بۆ مە، وەسا د ڤێ كەرەما بەخشینێ ژی دا پێش بكەڤن.

2 كورنتۆس 9:11

هوین دێ د هەر تشتی دا هێنە دەولەمەندكرن، دا هوین هەردەم د مەرد بن و ب رێكا مە مەردینیا هەوە سوپاسیكرنێ بۆ خودێ بەرهەم بینیت،

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 3:20

مەزناهی بۆ وی بیت، یێ ب هێزا خۆ یا د مە دا كار دكەت، دشێت گەلەك پتر ژ وێ هەمیێ بكەت یا ئەم دخوازین یان هزر دكەین.

فیلیپی 4:11

ئەز ڤێ گۆتنێ نابێژم كو ئەز یێ پێدڤی بووم، چنكو ئەز یێ فێر بوویم د هەر رەوشەكا ئەز تێدا بم، یێ رازی بم.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

2 سالونیكی 2:17

دلێن هەوە هان بدەت و د هەمی ئاخفتن و كارێن باش دا موكم بكەت.

2 تیمۆتاوس 2:21

ئەڤجا ئەگەر ئێك خۆ ژ ڤان تشتان پاقژ بكەت، دێ بیتە ئامانەكێ بڕێز، یێ پیرۆزكری، یێ بكێرهاتی بۆ خودانێ خۆ و یێ ئامادە بۆ هەمی كارێن باش.

2 تیمۆتاوس 3:17

دا مرۆڤێ خودێ یێ بێكێماسی بیت و بۆ هەر كارەكێ باش یێ ئامادە بیت.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

تیتۆس 3:14

پێدڤیە خەلكێ مە یێ باوەردار ژی فێر ببن كو پویتەی ب كریارێن باش بدەن، داكو پێدڤیێن فەر بۆ كەسێن دی دابین بكەن، هۆسا ئەو د بێبەرهەم نابن.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

1 پەترۆس 4:10

هەر ئێك ژ هەوە، ل دویڤ وێ بەهرەیا روحانی یا وی وەرگرتی، خزمەتا ئێكودوو پێ بكەن، وەكو بریكارێن چاك ل سەر كەرەمێن خودێ یێن جۆراوجۆر.