2 كورنتۆس 9:2 - ئنجیلا پیرۆز

² چنكو ئەز حەزا دلێ هەوە بۆ هاریكاریكرنێ دزانم، ل نك مەقدۆنیان ئەز شانازیێ پێ دبەم و دبێژمە وان كو هەرێما ئەخایایێ ژ پار وەرە یا ئامادەیە. دلگەرمیا هەوە گەلەك ژ وان بۆ هاریكاریكرنێ هاندان.

2 كورنتۆس 9:2 ပူးပေါင်းရင်းမြစ်များ

كارێن هنارتیان 18:12

دەمێ گالیونی حوكمڕانی ل سەر هەرێما ئەخایا دكر، جوهی ب ئێك دەست دژی پاولۆسی رابوون و ئەو برە دادگەهێ.

كارێن هنارتیان 24:17

پشتی چەندین ساڵان، ئەز یێ ڤەگەڕیایم، دا هندەك هاریكاریێ بۆ هەژارێن مللەتێ خۆ بینم و قوربانان پێشكێش بكەم.

رۆما 15:26

چنكو باوەردارێن مەقدۆنیا و ئەخایایێ پێخۆش بوو، كو هاریكاریەكێ بدەنە پیرۆزكریێن هەژار، ئەوێن ل ئورشەلیمێ.

1 كورنتۆس 16:15

هوین دزانن كو مالا ستیفاناسی خێڤەیێ هەرێما ئەخایایێیە، ئەوان خۆ بۆ خزمەتكرنا پیرۆزكریان تەرخان كریە، ئەڤجا ئەز داخوازێ ژ هەوە دكەم، گەلی خویشك و برایان،

2 كورنتۆس 1:1

ژ من، پاولۆس، هنارتیێ مەسیح عیسای ب حەزا خودێ، ژ برایێ مە تیمۆتاوسی ژی، بۆ جڤاكا گازیكریێن خودێ ل كورنتۆسێ و بۆ هەمی پیرۆزكریێن ل سەرانسەری ئەخایایێ:

2 كورنتۆس 7:14

من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

2 كورنتۆس 7:4

ئەز گەلەك ژ هەوە یێ پشتڕاستم و گەلەك شانازیێ ب هەوە دبەم. سەرەڕای هەمی تەنگاڤیێن مە، ئەز ژ هاندانێ یێ پڕ بوویم و ژ دلخۆشیێ د سەر دا دچم.

2 كورنتۆس 8:10

ئەز ل دۆر ڤێ چەندێ ئامۆژگاریەكێ ل هەوە دكەم: بۆ هەوە مفایە، هوین یێن هەر ژ ساڵا پار ل بەراهیێ دەست پێ كری، نە ب تنێ ب كرنێ، لێ ب حەزكرنێ ژی.

2 كورنتۆس 8:11

نوكە ڤی كاری تەمام بكەن، داكو ل دویڤ شیانا هەوە، تەمامكرنا وی كاری یا هند بیت، هندی هەوە ژ دل حەز دكر وی كاری بكەن.

2 كورنتۆس 8:19

نە ب تنێ ئەڤ چەندە، لێ ئەو ژ لایێ جڤاكێن باوەرداران ڤە هاتیە هەلبژارتن ژی، دا هەڤالێ مە یێ رێڤنگیێ بیت، ل دەمێ ئەم ڤێ كەرەمێ هەلدگرین و دابەش دكەین ژ بۆ مەزناهیا خودانی و دا دیار ببیت كو نیازا مە هاریكاریە.

2 كورنتۆس 8:24

ئەڤجا ل پێش چاڤێن جڤاكێن باوەرداران بەلگەیێ حەزژێكرنا خۆ و هۆكارێ شانازیا مە ب هەوە نیشا وان بدەن.

2 كورنتۆس 8:8

ئەز ڤێ چەندێ وەكو فەرمان نابێژم، لێ ئەز راستیا حەزژێكرنا هەوە ب هەڤبەركرنێ ل گەل دلگەرمیا كەسێن دی تاقی دكەم.

1 سالونیكی 1:7

تاكو هوین بۆ هەمی باوەردارێن ل مەقدۆنیایێ و ئەخایایێ بووینە نموونە.

عیبرانی 10:24

هەروەسا بلا هزرا خۆ د هندێ دا بكەین كا چەوا ئێكودوو هانبدەین بۆ حەزژێكرنێ و كارێن چاك.