2 كورنتۆس 8:9 - ئنجیلا پیرۆز

⁹ چنكو هوین كەرەما خودانێ مە عیسایێ مەسیح دزانن: كو هەر چەندە ئەو یێ دەولەمەند بوو، لێ ئەو ژ پێخەمەت هەوە بوو هەژار، دا هوین ب هەژاریا وی دەولەمەند ببن.

2 كورنتۆس 8:9 ပူးပေါင်းရင်းမြစ်များ

مزگینیا مەتتای 17:27

لێ داكو ئەم بۆ وان نەبینە ئاستەنگ، هەڕە دەریاكێ و شوكێ بهاڤێژە و ئێكەمین ماسیا دەردكەڤیت بگرە و دەڤێ وێ ڤەكە، دێ ستاتیرەكی بینی. ببە و باجێ ژ پێش من و خۆ ڤە بدە.»

مزگینیا مەتتای 20:28

هەروەسا كوڕێ مرۆڤ ژی نەهاتیە داكو خزمەتا وی بهێتە كرن، لێ دا ئەو خزمەتێ بكەت و خۆ ژ پێش گەلەكان ڤە بكەتە گۆری.»

مزگینیا مەتتای 8:20

ئینا عیسای گۆتێ: «رویڤیان كون رویڤیێن هەین و باڵندەیێن ئەسمانی هێلینێن هەین، لێ كوڕێ مرۆڤ چ ج‍‌ھ نینن سەرێ خۆ دانیتێ.»

مزگینیا مەرقۆسی 6:3

ئەرێ ئەڤە نە ئەو دارتاشێ كوڕێ مەریەمێیە، برایێ یەعقوب و یوسی و یەهودا و شەمعونیە؟ ئەرێ ما خویشكێن وی نە ل ڤێرێنە د ناڤ مە دانە؟» هۆسا ئەو ژ وی دلگران بوون.

مزگینیا لوقای 16:11

ئەڤجا ئەگەر هوین ل سەر مالێ دونیایێ د دەستپاك نەبن، ئەو كیە دێ هەوە ل سەر دەولەمەندیا راستەقینە دانیت؟

مزگینیا لوقای 2:7

وێ كوڕێ خۆ یێ نەخری بوو و د پێچكەكێ پێچا و د هافڕی دا رازاند، چنكو د خانی ڤە جهێ وان نەبوو.

مزگینیا لوقای 8:3

یووەننا هەڤژینا حوزایێ بریكارێ هێرودێسی، سۆسن و گەلەكێن دی یێن ب مالێ خۆ هاریكاریا وی دكرن.

مزگینیا لوقای 9:58

ئینا عیسای گۆتێ: «رویڤیان كون رویڤیێن هەین و باڵندەیێن ئەسمانی هێلینێن هەین، لێ كوڕێ مرۆڤ چ ج‍‌ھ نینن سەرێ خۆ دانیتێ.»

مزگینیا یوحەننای 1:10

ئەو ل جیهانێ بوو و جیهان ب وی چێبوو، لێ جیهانێ ئەو نەنیاسی.

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 1:17

دەستوور ب رێكا مووسای هاتبوو دان، كەرەم و راستی ب رێكا عیسایێ مەسیح هاتن.

مزگینیا یوحەننای 12:30

عیسای بەرسڤ دا و گۆت: «ئەڤ دەنگە نە ژ بەر من چێبوو، لێ ژ بەر هەوە.

مزگینیا یوحەننای 16:15

هەمیێن كو بابی هەین، یێن منن، لەو من گۆتە هەوە: ئەو دێ ژ من وەرگریت و بۆ هەوە راگەهینیت.

مزگینیا یوحەننای 17:19

ژ پێخەمەت وان ئەز خۆ پیرۆز دكەم، دا ئەو ژی ب راستیێ بهێنە پیرۆز كرن.

رۆما 11:12

ئەگەر هەلنگفتنا وان بۆ جیهانێ دەولەمەندی بیت و شكەستنا وان بۆ مللەتێن نەجوهی دەولەمەندی بیت، ئەڤجا ب قورتالبوونا وان دێ دەولەمەندی چەند پتر بیت!

رۆما 15:3

چنكو مەسیح ژی ل رازیكرنا خۆ نەگەڕیا، لێ هەروەكو هاتیە نڤیسین: «ئاخفتنێن كرێت ژ لایێ وان ڤە یێن تە كرێت دكەن، كەفتینە سەر من.»

رۆما 5:8

لێ خودێ حەزژێكرنا خۆ بۆ مە هۆسا دیار كر: هێشتا ئەم د گونەهكار بووین، مەسیح ژ بۆ مە مر.

رۆما 8:32

ئەوێ دەستێ خۆ ژ كوڕێ خۆ ڤەنەگرتی، لێ ژ پێخەمەتی مە هەمیان ئەو رادەستی مرنێ كر، ئێدی چەوا ئەو هەمی تشتی ل گەل وی بێ بەرامبەر نادەتە مە؟

1 كورنتۆس 1:4

ئەز دەربارەی هەوە هەردەم سوپاسیا خودایێ خۆ دكەم، ژ بەر كەرەما خودێ یا ب مەسیح عیسای بۆ هەوە هاتیە دان،

1 كورنتۆس 15:47

مرۆڤێ ئێكێ ژ ئەردی بوو، ژ ئاخێ هاتبوو چێكرن. مرۆڤێ دوویێ ژ ئەسمانی.

2 كورنتۆس 13:14

كەرەما خودان عیسایێ مەسیح و حەزژێكرنا خودێ و هەڤپشكیا گیانێ پیرۆز ل گەل هەوە هەمیان بن.

2 كورنتۆس 6:10

وەك كۆڤاندار، لێ هەردەم د دلخۆشین. وەك هەژار، لێ گەلەكان دەولەمەند دكەین. وەك مە چ نەبیت، لێ ئەم خودانێن هەمی تشتاینە.

ئەفەسۆس 2:7

خودێ ئەڤە كر، دا د سەردەمێن بهێن دا، دەولەمەندیا كەرەما خۆ یا بێ سنوور دیار بكەت، ب رێكا وێ قەنجیا وی، د ئێكبوونا مە ل گەل مەسیح عیسای دا، ل گەل مە كری.

ئەفەسۆس 3:19

و هوین حەزژێكرنا وی یا بلندتر ژ ئاستێ زانینا مرۆڤی بزانن، هۆسا هوین ب هەمی تژیاتیا خودێ تژی ببن.

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

1 تیمۆتاوس 6:18

وان راسپێرە كو باشیێ بكەن، ب كریارێن باش د دەولەمەند بن، د مەرد بن و بۆ پشكداریێ ژ مالێ خۆ ل گەل كەسێن دی د ئامادە بن.

عیبرانی 1:2

لێ د ڤان رۆژێن دویماهیێ دا، ب رێكا كوڕێ خۆ ل گەل مە ئاخفت، ئەوێ وی كریە میراتگرێ هەمی تشتان و ئەوێ ب وی گەردوون ئافراندی.

یەعقوب 2:5

خویشك و برایێن من یێن خۆشتڤی، گوهێ خۆ بدەنێ: ما خودێ هەژارێن ڤێ جیهانێ هەلنەبژارتینە كو ب باوەریێ د دەولەمەند بن و میراتگرێن وێ پاشایەتیێ بن، ئەوا وی سۆزا وێ دایە وان یێن حەز ژ وی دكەن؟

ئاشكراكرن 2:9

من های ژ تەنگاڤی و هەژاریا تە هەیە، لێ تۆ یێ دەولەمەندی. هەروەسا من های ژ بوهتانێن وان كەسان هەیە یێن دبێژن ئەم جوهینە. ئەو نە جوهینە، لێ ئەو كنیشتەیا ئبلیسینە.

ئاشكراكرن 21:7

هەر ئێكێ سەركەفتنێ بینیت، دێ بیتە میراتگرێ ڤان تشتان و ئەز دێ بمە خودایێ وی و ئەو دێ بیتە كوڕێ من.

ئاشكراكرن 3:18

ئەز شیرەتێ ل تە دكەم كو تۆ زێڕێ ب ئاگری هاتیە پارزناندن ژ من بكڕی، دا دەولەمەند ببی، جلكێن سپی ژی، دا بكەیە بەر خۆ و شەرما رویسبوونا تە دیار نەبیت، هەروەسا ملحەمەكا چاڤان بۆ چاڤێن خۆ، دا بیناهیێ بكەی.