2 كورنتۆس 8:8 - ئنجیلا پیرۆز

⁸ ئەز ڤێ چەندێ وەكو فەرمان نابێژم، لێ ئەز راستیا حەزژێكرنا هەوە ب هەڤبەركرنێ ل گەل دلگەرمیا كەسێن دی تاقی دكەم.

2 كورنتۆس 8:8 ပူးပေါင်းရင်းမြစ်များ

رۆما 12:9

بلا حەزژێكرن یا بێ دووڕویاتی بیت، كەربێ ژ خرابیێ راكەن، خۆ ب باشیێڤە بگرن.

1 كورنتۆس 7:12

لێ بۆ یێن دی ئەز دبێژم، نەكو خودان دبێژیت: ئەگەر برایەكی ژنەكا نەباوەردار هەبیت و ژن یا رازی بیت ل گەل وی بژیت، بلا وێ بەرنەدەت.

1 كورنتۆس 7:25

نوكە دەربارەی كوڕ و كچان، من چ فەرمان ژ نك خودانی نینن، لێ ئەز، وەكو ئێكێ خودانی دلۆڤانی پێ بری، داكو جهێ باوەریێ بیت، دێ بۆچوونەكێ بێژم.

1 كورنتۆس 7:6

ئەز ڤێ چەندێ وەكو دەستویری، نە وەكو فەرمان، دبێژم.

2 كورنتۆس 6:6

د دلپاكیێ دا، د زانینێ دا، د بێهنفرەهیێ دا، د قەنجیێ دا، د گیانێ پیرۆز دا، د حەزژێكرنا بێ دووڕویاتی دا،

2 كورنتۆس 8:10

ئەز ل دۆر ڤێ چەندێ ئامۆژگاریەكێ ل هەوە دكەم: بۆ هەوە مفایە، هوین یێن هەر ژ ساڵا پار ل بەراهیێ دەست پێ كری، نە ب تنێ ب كرنێ، لێ ب حەزكرنێ ژی.

2 كورنتۆس 8:24

ئەڤجا ل پێش چاڤێن جڤاكێن باوەرداران بەلگەیێ حەزژێكرنا خۆ و هۆكارێ شانازیا مە ب هەوە نیشا وان بدەن.

2 كورنتۆس 9:2

چنكو ئەز حەزا دلێ هەوە بۆ هاریكاریكرنێ دزانم، ل نك مەقدۆنیان ئەز شانازیێ پێ دبەم و دبێژمە وان كو هەرێما ئەخایایێ ژ پار وەرە یا ئامادەیە. دلگەرمیا هەوە گەلەك ژ وان بۆ هاریكاریكرنێ هاندان.

2 كورنتۆس 9:7

بلا هەر ئێك ل دویڤ بڕیارا دلێ خۆ بدەت، نە ژ بێدلی یان ژ نەچاری. چنكو خودێ حەز ژ وی دكەت، یێ ب دلخۆشی بدەت.

ئەفەسۆس 4:15

لێ ئەم راستیێ ب حەزژێكرن ببێژین، دا د هەر تشتەكی دا وەرارێ بكەین بەرەڤ وی ڤە یێ كو سەرە، ئەو ژی مەسیحە.

ئەفەسۆس 6:24

كەرەم بۆ وان هەمیان بیت، ئەوێن ب حەزژێكرنەكا نەمر حەز ژ خودانێ مە عیسایێ مەسیح دكەن.

عیبرانی 10:24

هەروەسا بلا هزرا خۆ د هندێ دا بكەین كا چەوا ئێكودوو هانبدەین بۆ حەزژێكرنێ و كارێن چاك.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.