2 كورنتۆس 8:7 - ئنجیلا پیرۆز

⁷ كا چەوا هوین د هەر تشتەكی دا د پێشكەفتینە: د باوەریێ دا، د ئاخفتنێ دا، د زانینێ دا، د هەمی دلگەرمیێ دا و د حەزژێكرنا هەوە دا بۆ مە، وەسا د ڤێ كەرەما بەخشینێ ژی دا پێش بكەڤن.

2 كورنتۆس 8:7 ပူးပေါင်းရင်းမြစ်များ

مزگینیا مەتتای 25:22

پاشی یێ دوو تالانت وەرگرتین هات و گۆت: ‹ئەزبەنی، تە دوو تالانت دابوونە من، ئەڤە ژبلی وان، من دوو تالانتێن دی قازانج كرن!›

رۆما 15:14

ئەز ب خۆ ژ هەوە یێ پشتڕاستم خویشك و برایێن من، كو هوین ب خۆ ژ باشیێ دپڕن، ژ هەمی زانینێ د پڕكرینە و دشێن شیرەتان ل ئێكودوو بكەن.

1 كورنتۆس 1:5

چنكو ب وی هوین د هەر تشتەكی دا، د هەر جۆرەكێ ئاخفتن و زانینێ دا، دەولەمەند بوون،

1 كورنتۆس 12:13

چنكو ئەم هەمی ب گیانەكی هاتینە تافیركرن، دا ببینە لەشەك، چ جوهی بین یان یونانی، بەنی بین یان ئازاد، خودێ ئەم هەمی ژ هەمان گیان داینە ڤەخوارنێ.

1 كورنتۆس 12:8

ئەڤجا بۆ ئێكی ب رێكا گیانی پەیاما ئاقلمەندیێ دهێتە دان و بۆ ئێكێ دی ب رێكا هەمان گیانی پەیاما زانینێ،

1 كورنتۆس 13:2

ئەگەر من بەهرەیا راگەهاندنا پەیاما خودێ هەبیت و هەمی نهێنیان و هەمی زانینێ بزانم و ئەگەر من باوەریەكا تەمام هەبیت، كو چیایان پێ ڤەگوهێزم، لێ من حەزژێكرن نەبیت، ئەو ئەز چ نینم.

1 كورنتۆس 13:8

حەزژێكرن چ جاران ب دویماهی ناهێت. لێ بەهرەیا پەیام راگەهاندنێ دێ ژ كار كەڤیت، بەهرەیا ئاخفتنێ ب زمانێن دی دێ ب دویماهی هێت و بەهرەیا زانینێ دێ ژ كار كەڤیت،

1 كورنتۆس 14:12

هەروەسا هوین ژی، مادەم هەوە مەرەقا بەهرەیێن روحانی هەیە، بزاڤێ بكەن دا د ناڤ وان بەهرەیان دا بۆ ئاڤاكرنا جڤاكا باوەرداران هێشتا پتر پێشبكەڤن.

1 كورنتۆس 4:7

كی تە ژ ئێكێ دی جودا دكەت؟ ما تە چ هەیە كو تە ژ خودێ وەرنەگرتی؟ مادەم تە وەرگرتیە، پا بۆچی شانازیێ دبەی هەروەكو تە وەرنەگرتبیت؟

2 كورنتۆس 7:7

نە ب تنێ ب هاتنا وی، لێ ب وێ هاندانێ ژی یا وی ژ هەوە وەرگرتی. وی گۆتە مە كا چەوا هوین بیریا من دكەن و چەند كۆڤاندارن و بۆ من چەند دلگەرمن، ئەڤجا ئەز زێدەتر دلخۆش بووم.

2 كورنتۆس 8:6

ئەڤجا مە هیڤی ژ تیتۆسی كرن، كا چەوا وی دەست ب ڤێ كەرەمێ كریە، ئەو د ناڤ هەوە دا تەمام ژی بكەت.

2 كورنتۆس 9:14

و دێ نڤێژان بۆ هەوە كەن و بیریا هەوە كەن، ژ بەر وێ كەرەما خودێ یا زێدە مەزن، ئەوا بۆ هەوە هاتیە دان.

2 كورنتۆس 9:8

خودێ دشێت هەر كەرەمەكێ ب سەر هەوە دا بڕێژیت، دا هەوە د هەمی تشتان دا و ل هەمی دەمان ب تەمامی تێرا خۆ هەبیت و وەسا هوین ب هەمی كارێن باش د سەر دا بڕژن.

ئەفەسۆس 4:29

بلا گۆتنەكا خراب ژ دەڤێ هەوە دەرنەكەڤیت، لێ ب تنێ ئەوێ بێژن یا كو ل دویڤ رەوشێ بكێر ئاڤاكرنێ دهێت، دا مفایەكی بگەهینیتە گوهداران.

فیلیپی 1:11

و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

فیلیپی 1:9

داخوازا من ژی ژ خودێ ئەوە كو حەزژێكرنا هەوە پتر و هێشتا پتر ل گەل زانین و هەمی تێگەهشتنێ زێدە ببیت،

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

2 تیمۆتاوس 2:1

ئەڤجا كوڕێ من، ب وێ كەرەما د مەسیح عیسای دا، یێ بهێز بە

عیبرانی 12:28

لەوما، ژ بەر كو ئەم پاشایەتیەكا ناهێتە هەژاندن وەردگرین، بلا ئەم سوپاسیا خودێ بكەین و وەسا وی بپەرێسین، ب شێوازەكی كو جهێ رەزامەندیا وی بیت، ئەو شێواز یێ ب خودێترسی و سەهمگرتن بیت.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.

ئاشكراكرن 3:17

تۆ دبێژی: ‹ئەز یێ دەولەمەندم، ئەز گەلەك یێ دەولەمەند بوویم و من پێدڤی ب چ نینە،› لێ تۆ نزانی كو تۆ یێ پەریشانی و رەبەنی و بەلەنگازی و كۆرەیی و رویسی.