2 كورنتۆس 8:6 - ئنجیلا پیرۆز

⁶ ئەڤجا مە هیڤی ژ تیتۆسی كرن، كا چەوا وی دەست ب ڤێ كەرەمێ كریە، ئەو د ناڤ هەوە دا تەمام ژی بكەت.

2 كورنتۆس 8:6 ပူးပေါင်းရင်းမြစ်များ

كارێن هنارتیان 24:17

پشتی چەندین ساڵان، ئەز یێ ڤەگەڕیایم، دا هندەك هاریكاریێ بۆ هەژارێن مللەتێ خۆ بینم و قوربانان پێشكێش بكەم.

رۆما 15:25

لێ نوكە ئەز یێ دچمە ئورشەلیمێ، دا خزمەتا پیرۆزكریێن وێرێ بكەم.

2 كورنتۆس 12:18

من هیڤی ژ تیتۆسی كر و ئەو برا ل گەل هنارت. ما تیتۆسی مالێ هەوە خوار؟ ما مە ب هەمان گیانی كار نەكر؟ ما ل سەر هەمان رێكێ نەچووین؟

2 كورنتۆس 2:13

لێ ژ بەر كو من برایێ خۆ تیتۆس نەدیت، دلێ من تەنا نەبوو. لەوما من خاترخواستن ژ وان كر و ئەز چوومە مەقدۆنیایێ.

2 كورنتۆس 8:10

ئەز ل دۆر ڤێ چەندێ ئامۆژگاریەكێ ل هەوە دكەم: بۆ هەوە مفایە، هوین یێن هەر ژ ساڵا پار ل بەراهیێ دەست پێ كری، نە ب تنێ ب كرنێ، لێ ب حەزكرنێ ژی.

2 كورنتۆس 8:19

نە ب تنێ ئەڤ چەندە، لێ ئەو ژ لایێ جڤاكێن باوەرداران ڤە هاتیە هەلبژارتن ژی، دا هەڤالێ مە یێ رێڤنگیێ بیت، ل دەمێ ئەم ڤێ كەرەمێ هەلدگرین و دابەش دكەین ژ بۆ مەزناهیا خودانی و دا دیار ببیت كو نیازا مە هاریكاریە.

2 كورنتۆس 8:23

دەربارەی تیتۆسی، ئەو هەڤپشكێ منە و بۆ هەوە هەڤكارێ منە. دەربارەی هەردوو برایێن مە یێن دی ژی، ئەو هنارتیێن جڤاكێن باوەردارانە و ژ بەر وان مەسیح دهێتە مەزنكرن.

2 كورنتۆس 8:4

گەلەك هیڤی ژ مە كرن كو ئەم شەرەفمەندیا پشكداریێ د هاریكاریكرنا پیرۆزكریان دا بدەینە وان.

2 كورنتۆس 9:5

لەوما من ب فەر دیت كو ئەز هیڤیێ ژ برایان بكەم، دا ئەو بەری من بهێنە نك هەوە و وێ بەخشینێ پێشوەخت ئامادە بكەن یا هەوە بەری نوكە سۆز پێ دای، داكو ئەو وەسا یا ئامادە بیت، هەروەكو ئەو بەخشینەكا مەردانە بیت، نە ژ نەچاری بیت.

فیلیپی 4:18

ئێدی من تێرا هەمی پێدڤیێن خۆ یێ هەی و زێدەتر ژی. ئەز كەفتمە د بەرفرەهیێ دا، پشتی من ئەو تشت وەرگرتین، یێن ئێپافرۆدیتۆسی بۆ من ژ نك هەوە ئیناین، كو پێشكێشیەكێ بێهنخۆش و قوربانەكێ قەبیلكری و جهێ رازیبوونا خودێیە.

1 پەترۆس 4:10

هەر ئێك ژ هەوە، ل دویڤ وێ بەهرەیا روحانی یا وی وەرگرتی، خزمەتا ئێكودوو پێ بكەن، وەكو بریكارێن چاك ل سەر كەرەمێن خودێ یێن جۆراوجۆر.