2 كورنتۆس 7:4 - ئنجیلا پیرۆز

⁴ ئەز گەلەك ژ هەوە یێ پشتڕاستم و گەلەك شانازیێ ب هەوە دبەم. سەرەڕای هەمی تەنگاڤیێن مە، ئەز ژ هاندانێ یێ پڕ بوویم و ژ دلخۆشیێ د سەر دا دچم.

2 كورنتۆس 7:4 ပူးပေါင်းရင်းမြစ်များ

كارێن هنارتیان 5:41

ئەڤجا هنارتی ب دلخۆشی ژ جڤاتێ دەركەفتن، چنكو ئەو ل وێ باوەریێ بوون، كو بۆ وان شانازیە ژ بەر ناڤێ عیسای بهێنە بێڕێزكرن.

رۆما 5:3

نە ب تنێ ب ڤێ، لێ ئەم شانازیێ ب تەنگاڤیێن خۆ ژی دبەین، چنكو ئەم دزانین تەنگاڤی خۆڕاگرتنێ پەیدا دكەت،

1 كورنتۆس 1:4

ئەز دەربارەی هەوە هەردەم سوپاسیا خودایێ خۆ دكەم، ژ بەر كەرەما خودێ یا ب مەسیح عیسای بۆ هەوە هاتیە دان،

2 كورنتۆس 1:4

ئەوێ مە د هەمی تەنگاڤیێن مە دا هانددەت، دا بشێین ب وێ هاندانێ یا ئەم ب خۆ ژ لایێ خودێ ڤە پێ دهێینە هاندان، وان كەسان هانبدەین یێن د هەر تەنگاڤیەكێ دا.

2 كورنتۆس 10:8

چنكو ئەگەر ئەز پیچەكێ زێدە شانازیێ ب وێ دەستهەلاتا مە بكەم ژی، ئەوا خودانی دایە مە بۆ ئاڤاكرنا هەوە، نە بۆ هەڕفاندنا هەوە، ئەز ب شەرم نابینم.

2 كورنتۆس 11:21

ئەز ب شەرمی ڤە دانپێدانێ دكەم كو بۆ كرنا ڤان تشتان ئەم د لاواز بووین! لێ ئەگەر ئێك بوێریت د تشتەكی دا شانازیێ ب خۆ ببەت (ئەز ب بێئاقلی دبێژم): ئەز ژی دوێرم شانازیێ ب خۆ ببەم.

2 كورنتۆس 2:14

لێ سوپاس بۆ خودێ، ئەوێ هەردەم د نمایشا سەركەفتنا خۆ دا ب مەسیحی مە پێشڤە دبەت، ب رێكا مە بێهنا خۆش یا نیاسینا خۆ ل هەمی جهان بەڵاڤ دكەت.

2 كورنتۆس 3:12

ئەڤجا مادەم مە هیڤیەكا هۆسا هەیە، ئەم ب وێرەكیەكا مەزن رەفتارێ دكەین،

2 كورنتۆس 7:14

من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

2 كورنتۆس 8:24

ئەڤجا ل پێش چاڤێن جڤاكێن باوەرداران بەلگەیێ حەزژێكرنا خۆ و هۆكارێ شانازیا مە ب هەوە نیشا وان بدەن.

فیلیپی 1:14

گرتنا من باوەریا پڕانیا برایان ب خودانی قاییم كر، ئەڤجا ئەو نوكە گەلەك زێدەتر دوێرن پەیڤێ بێ ترس رابگەهینن.

فیلیپی 1:20

هیڤی و چاڤەڕێیا من ئەوە كو ئەز د چ تشتی دا نەهێمە شەرمزاركرن، لێ ب هەمی وێرەكی، نوكە ژی وەكو هەر جار، مەزناهیا مەسیحی ب رێكا لەشێ من دیار ببیت، چ ب ژیانا من بیت یان ژی ب مرنا من.

فیلیپی 1:26

داكو دەمێ ئەز جارەكا دی دهێمە نك هەوە، هەوە ب من پتر ئەگەرێن شانازیبرنێ ب مەسیح عیسای هەبن.

فیلیپی 2:17

لێ ئەگەر وەكو پێشكێشیێ رژاندنێ ل سەر قوربانی و خزمەتا باوەریا هەوە بهێمە رشتن ژی، ئەز دلخۆش دبم و ل گەل هەوە هەمیان كەیفخۆش دبم.

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

1 سالونیكی 2:19

چنكو ما هیڤی، یان دلخۆشی، یان تانجا مە یا شانازیێ ل پێشیا خودانێ مە عیسای د رۆژا هاتنا وی دا چیە؟ ما نە هوینن؟

1 سالونیكی 2:2

لێ هەروەكو هوین دزانن، ل پێشیێ ل فیلیپی ئەم هاتینە ئازاردان و كرێتكرن، سەرەڕای هندێ مە ب خودایێ خۆ وێرەكی هەبوو كو د ناڤ بەرهنگاریەكا دژوار دا، مزگینیا خودێ بۆ هەوە رابگەهینین.

2 سالونیكی 1:4

لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.

فلیمون 1:7

ئەز ژ بەر حەزژێكرنا تە گەلەك دلخۆش بووم و هاتمە هاندان، چنكو دلێ پیرۆزكریان ب تە، هەی برا، گەش بوویە.

یەعقوب 1:2

خویشك و برایێن من، دەمێ هوین دكەڤنە د تاقیكرنێن جۆراوجۆر دا، وێ چەندێ ب تەمامی وەكو دلخۆشی بهژمێرن،