2 كورنتۆس 7:2 - ئنجیلا پیرۆز

² جهێ مە د دلێ خۆ دا بكەن. مە زێدەگاڤی ل سەر مافێ كەسێ نەكریە. مە زیان ل كەسێ نەكریە. مە كەیسێ خۆ ل كەسێ نەكریە.

2 كورنتۆس 7:2 ပူးပေါင်းရင်းမြစ်များ

مزگینیا مەتتای 10:14

ئەگەر كەسەكی ل مالەكێ یان باژێڕەكی هوین قەبیل نەكرن و گوهێ خۆ نەدا ئاخفتنا هەوە، دەمێ ژ وێرێ دەردكەڤن، تۆزێ ژ پێیێن خۆ داقوتن.

مزگینیا مەتتای 10:40

ئەوێ هەوە قەبیل بكەت، ئەز قەبیل كرم و یێ من قەبیل بكەت، ئەوی ئەو قەبیل كر یێ ئەز هنارتیم.

مزگینیا لوقای 10:8

هەر باژێڕەكێ هوین بچنێ و هەوە وەربگریت، ژ وێ خوارنێ بخۆن ئەوا بۆ هەوە دهێتە پێشكێش كرن.

كارێن هنارتیان 20:33

من دلێ خۆ نەبریە زیڤ، یان زێڕ، یان جلكێ كەسەكی.

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 11:16

ئەز دیسان دبێژم: بلا كەس من بێئاقل نەهژمێریت. لێ ئەگەر هوین من وەسا بدانن ژی، من وەكو بێئاقل قەبیل بكەن، دا ئەز ژی پیچەكێ شانازیێ ببەم.

2 كورنتۆس 11:9

و دەمێ ئەز د ناڤ هەوە دا و ئەز هەوجە بوویم، من بارێ كەسێ ژ هەوە گران نەكر، چنكو ئەو برایێن ژ مەقدۆنیایێ هاتین هەوجەییا من قەتاند. وەسا من د هەر تشتەكی دا خۆ راگرت كو بۆ هەوە نەبمە بارگرانی و دێ خۆ راگرم ژی.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

فیلیپی 2:29

ئەڤجا ژ بەر خاترا خودانی وی ب شادیەكا مەزن قەبیل بكەن. رێزێ ژی ل یێن وەكو وی بگرن،

كۆلۆسی 4:10

ئەرستارخۆس، ئەوێ ل گەل من د زیندانێ دا سڵاڤان ل هەوە دكەت، هەروەسا مەرقۆسێ پسمامێ بارناباسی ژی، ئەوێ دەربارەی وی هەوە راسپاردە وەرگرتی كو ئەگەر هاتە نك هەوە، وی قەبیل بكەن.

1 سالونیكی 2:10

هوین شاهدن و خودێ ژی شاهدە، كا سەرەدەریا مە ل گەل هەوەیێن باوەردار چەند یا پاك و راست و بێ گازندە بوو.

فلیمون 1:12

ئەز وی، ئانكو جەگەرا خۆ، بۆ تە دهنێرمەڤە.

فلیمون 1:17

ئەڤجا ئەگەر تۆ من ب هەڤپشكێ خۆ ددانی، وی قەبیل بكە هەروەكو تۆ من قەبیل دكەی.

2 یوحەننا 1:10

ئەگەر ئێك بهێتە نك هەوە و وێ فێركرنێ نەئینیت، د مالێن خۆ دا نەحەوینن و سڵاڤ نەكەنێ،