2 كورنتۆس 7:14 - ئنجیلا پیرۆز

¹⁴ من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

2 كورنتۆس 7:14 ပူးပေါင်းရင်းမြစ်များ

مزگینیا یوحەننای 17:19

ژ پێخەمەت وان ئەز خۆ پیرۆز دكەم، دا ئەو ژی ب راستیێ بهێنە پیرۆز كرن.

2 كورنتۆس 10:8

چنكو ئەگەر ئەز پیچەكێ زێدە شانازیێ ب وێ دەستهەلاتا مە بكەم ژی، ئەوا خودانی دایە مە بۆ ئاڤاكرنا هەوە، نە بۆ هەڕفاندنا هەوە، ئەز ب شەرم نابینم.

2 كورنتۆس 12:6

ئەگەر من بڤێت شانازیێ ببەم ژی، ئەز یێ بێئاقل نابم، چنكو ئەز راستیێ دبێژم. لێ ئەز خۆ ددەمە پاش دا كەس چ هزرێن باشتر بۆ من نەكەت، پتر ژ ئەو تشتێ وی ژ من دیتی یان ژ من بهیستی.

2 كورنتۆس 2:13

لێ ژ بەر كو من برایێ خۆ تیتۆس نەدیت، دلێ من تەنا نەبوو. لەوما من خاترخواستن ژ وان كر و ئەز چوومە مەقدۆنیایێ.

2 كورنتۆس 7:13

لەوما ئەم هاتینە هاندان. د سەر ڤێ هاندانێ را، ئەم ژ بەر دلخۆشیا تیتۆسی گەلەك پتر دلخۆش بووین، چنكو دلێ وی ژ لایێ هەوە هەمیان ڤە هاتە تەناكرن.

2 كورنتۆس 7:4

ئەز گەلەك ژ هەوە یێ پشتڕاستم و گەلەك شانازیێ ب هەوە دبەم. سەرەڕای هەمی تەنگاڤیێن مە، ئەز ژ هاندانێ یێ پڕ بوویم و ژ دلخۆشیێ د سەر دا دچم.

2 كورنتۆس 7:6

لێ خودێ، ئەوێ دلشكەستیان هان ددەت، ب هاتنا تیتۆسی ئەم هان داین.

2 كورنتۆس 8:24

ئەڤجا ل پێش چاڤێن جڤاكێن باوەرداران بەلگەیێ حەزژێكرنا خۆ و هۆكارێ شانازیا مە ب هەوە نیشا وان بدەن.

فیلیپی 1:26

داكو دەمێ ئەز جارەكا دی دهێمە نك هەوە، هەوە ب من پتر ئەگەرێن شانازیبرنێ ب مەسیح عیسای هەبن.

2 سالونیكی 1:4

لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.