2 كورنتۆس 7:11 - ئنجیلا پیرۆز

¹¹ بەرێ خۆ بدەنێ، هەر وێ خەمباریا ل دویڤ حەزا خودێ د هەوە دا چەند بەرهەم ئینایە: چەند خەمخۆری، چەند حەز كو هوین خۆ روی سپی دەرئێخن، چەند تۆڕەبوون ژ بەر نەڕاستیێ، چەند سەهم، چەند بیریكرن، چەند دلگەرمی، چەند بجهئینانا دادپەروەریێ! د هەمی تشتان دا هەوە سەلماند كو هوین د ڤێ بابەتی دا د بێگونەهن.

2 كورنتۆس 7:11 ပူးပေါင်းရင်းမြစ်များ

مزگینیا مەرقۆسی 3:5

عیسا ب تۆڕەبوون ڤە ل وان زڤڕی و ژ سەرهشكیا وان خەمگین بوو، گۆتە وی مرۆڤی: «دەستێ خۆ درێژ كە!» وی ژی دەستێ خۆ درێژ كر و دەستێ وی ساخ بووڤە.

مزگینیا یوحەننای 2:17

هاتە بیرا شاگردێن وی كو یا نڤیسیە: «ئیرەیی ل سەر مالا تە دێ من خۆت.»

كارێن هنارتیان 17:16

دەمێ پاولۆسی ل ئەسینا چاڤەڕێیا وان دكر، گەلەك دلتەنگ بوو، چنكو وی دیت باژێڕ ژ پووتان یێ پڕە.

رۆما 11:20

راستە، ئەو ژ بەر بێباوەریێ هاتنە بڕین و تۆ ب باوەریێ جهگیر بووی. ئەڤجا خۆ دفنبلند نەكە، لێ بترسە.

رۆما 14:18

ئەوێ هۆسا خزمەتا مەسیحی بكەت، جهێ رازیبوونا خودێیە و ژ لایێ خەلكی ڤە یێ پەسەندكریە.

رۆما 3:5

لێ ئەگەر نەڕاستیا مە راستداریا خودێ دیار دكەت، ئەم چ بێژین؟ ل ڤێرێ ئەز وەكو مرۆڤەكێ سادە دپرسم: ما خودێ یێ ستەمكارە دەمێ ئەو تۆڕەییا خۆ دبارینیت؟

1 كورنتۆس 12:25

دا دووبەرەكی د لەشی دا نەبیت، لێ ئەندام هەمان پویتەی ب ئێكودوو بدەن.

1 كورنتۆس 5:13

دادكرنا یێن ژ دەرڤە، خودێ دێ كەت. «مرۆڤێ خراب ژ ناڤ خۆ دەربئێخن.»

1 كورنتۆس 5:2

ئەڤجا هوین دفنبلند بووینە! ما نە یا فەر بوو هەوە شینی دانابا؟ بلا ئەوێ ئەڤ كریارە كری ژ ناڤ هەوە بهێتە دەرئێخستن.

2 كورنتۆس 13:7

زێدەباری هندێ ئەم ژ خودێ دخوازین كو هوین چ خرابیان نەكەن، مەبەستا مە نە ئەوە كو ئەم د تاقیكرنێ دا سەركەفتی دیار ببین، لێ مەبەست ئەوە كو هوین باشیێ بكەن، خۆ ئەگەر ئەم وەكو سەرنەكەفتی ژی دیار ببین.

2 كورنتۆس 2:6

ئەو سزایێ ژ لایێ پڕانیا هەوە ڤە هاتیە دان، تێرا كەسەكێ هۆسا هەیە.

2 كورنتۆس 6:4

لێ د هەمی تشتان دا، ئەم خۆ وەكو خزمەتكارێن خودێ پەسەند دكەین: د گەلەك خۆڕاگرتنێ دا، د تەنگاڤیان دا، د بن فشاران ڤە، د دژواریان دا،

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

2 كورنتۆس 7:7

نە ب تنێ ب هاتنا وی، لێ ب وێ هاندانێ ژی یا وی ژ هەوە وەرگرتی. وی گۆتە مە كا چەوا هوین بیریا من دكەن و چەند كۆڤاندارن و بۆ من چەند دلگەرمن، ئەڤجا ئەز زێدەتر دلخۆش بووم.

2 كورنتۆس 7:9

نوكە ئەز یێ دلخۆشم، نە چنكو هوین خەمبار بوون، لێ چنكو خەمباریا هەوە بەرێ هەوە دا لخۆزڤڕینێ. هوین ل دویڤ حەزا خودێ خەمبار بوون و هۆسا هەوە چ زیان ژ مە نەدیت.

2 كورنتۆس 9:2

چنكو ئەز حەزا دلێ هەوە بۆ هاریكاریكرنێ دزانم، ل نك مەقدۆنیان ئەز شانازیێ پێ دبەم و دبێژمە وان كو هەرێما ئەخایایێ ژ پار وەرە یا ئامادەیە. دلگەرمیا هەوە گەلەك ژ وان بۆ هاریكاریكرنێ هاندان.

ئەفەسۆس 4:26

«تۆڕە ببن، لێ گونەهێ نەكەن». نەهێلن رۆژ ل سەر تۆڕەییا هەوە ئاڤا ببیت،

ئەفەسۆس 5:11

پشكداریێ د كارێن تاریاتیێ یێن بێبەرهەم دا نەكەن، لێ وان بەرچاڤ بكەن.

فیلیپی 2:12

ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

1 سالونیكی 4:6

د ڤێ چەندێ دا بلا كەس زێدەگاڤیێ یان سەرپێچیێ ل سەر نامویسا خویشكا خۆ یان برایێ خۆ نەكەت، چنكو خودان تۆلڤەكەرێ ئەڤان هەمی تشتانە، هەروەكو مە بەری نوكە گۆتیە هەوە و مە هوین ب رژدی تەمبی كرین.

1 تیمۆتاوس 5:20

ئەوێن ل سەر گونەهكرنێ ماین، ل بەر چاڤێن هەمیان پاشڤە ببە، دا یێن دی ژی بترسن.

2 تیمۆتاوس 2:15

هەمی بزاڤان بكە كو تۆ وەكو پالەیەكێ جهێ رازیبوونێ، خۆ بۆ خودێ پێشكێش بكەی، پالەیەكێ جهێ شەرمێ د كارێ وی دا نینە، ئەو پەیڤا راستیێ دروست شڕۆڤە دكەت.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

عیبرانی 4:1

لەوما بلا ئەم بترسین، نەكو سەرەڕای دەرفەتا سۆزا ب ژۆركەفتنا د ناڤ بێهنڤەدانا وی دا هێشتا یا مای، ئێك ژ هەوە ب وێ سۆزێ را نەگەهیت.

یەعقوب 3:17

لێ ئەو ئاقلمەندیا ژ سڵال، ئەو بەری هەر تشتی یا پاكە، پاشی یا ئاشتیخوازە، دلنەرمە، سەرنەرمە، پڕی دلۆڤانی و بەرهەمێ چاكە، لایەنگر نینە و بێ دووڕویاتیە.

1 پەترۆس 1:17

ئەگەر هوین دبێژنە وی ‹باب›، یێ ل دویڤ كارێ هەر كەسەكی، بێی لایەنگری حوكمی ددەت، دەمێ خۆ یێ كۆچبەریێ د ترسا وی دا دەرباز بكەن.

1 پەترۆس 2:2

مادەم هەوە تام كریە كو خودان یێ باشە، ئێدی وەكو زاڕۆكێن ساڤا، دلێ خۆ ببەنە شیرێ روحانی یێ بێسەختە، دا بۆ قورتالبوونێ وەرارێ پێ بكەن.

یەهودا 1:23

هندەكێن دی ژ ئاگری بڕەڤینن و قورتال بكەن، دلۆڤانیێ ب یێن ماین ببەن، لێ ب هشیاری و بلا كەربێن هەوە خۆ ژ وان جلكان ژی ڤەببن یێن ب لەشێ ڤان هەڕمین.

ئاشكراكرن 3:19

هەر ئێكێ ئەز حەز ژێ دكەم ئەز وی پاشڤە دبەم و تەمبی دكەم، لەوما یێ دلگەرم بە و ل خۆ بزڤڕە.