2 كورنتۆس 7:1 - ئنجیلا پیرۆز

¹ ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

2 كورنتۆس 7:1 ပူးပေါင်းရင်းမြစ်များ

مزگینیا مەتتای 12:33

دار ژ بەرهەمێ وێ دهێتە نیاسین، ئەڤجا خۆ ئێك دل بكەن: یان دار یا باشە و بەرهەمێ وێ یێ باشە، یان ژی دار یا خرابە و بەرهەمێ وێ یێ خرابە!

مزگینیا مەتتای 5:48

ئەڤجا د بێكێماسی بن هەروەكو بابێ هەوە یێ ئەسمانی یێ بێكێماسیە.

مزگینیا مەتتای 5:8

خوزیكێن دلپاقژان، چنكو ئەو دێ خودێ بینن.

كارێن هنارتیان 9:31

پشتی هنگی جڤاكا باوەرداران ل سەرانسەری یەهودیایێ و جەلیلێ و سامەریایێ د ئاشتیێ دا بوو و ئاڤا دبوو و د ترسا خودانی دا پێشڤە دچوو و ب پشتەڤانیا گیانێ پیرۆز زێدە دبوو.

رۆما 5:20

لێ دەستوور پەیدا بوو دا گونە‍‌ھ زێدە ببیت، لێ ل وی جهێ گونە‍‌ھ زێدە بووی، كەرەم هێشتا پتر زێدە بوو،

1 كورنتۆس 6:20

چنكو هوین ب بهایەكێ گران یێن هاتینە كڕین. ژ بەر ڤێ چەندێ وە بكەن كو ب لەشێ هەوە مەزناهیا خودێ دیار ببیت.

2 كورنتۆس 1:20

چنكو ب وی هەمی سۆزێن خودێ «بەلێ»نە، لەوما ئەم ب رێكا وی دبێژین «ئامین» بۆ مەزناهیا خودێ.

ئەفەسۆس 2:3

دەمەكی مە هەمیان ژی د ناڤ وان دا ب ئارەزوویێن لەشێ خۆ دكر و حەزێن لەش و هزرێن خۆ ب ج‍‌ھ دئینان. ئەم ژی وەكو یێن دی، ب سرۆشتێ خۆ د هەژی تۆڕەبوونا خودێ بووین.

1 سالونیكی 3:13

دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

1 سالونیكی 4:7

چنكو خودێ ئەم بۆ پویچاتیێ گازی نەكرینە، لێ بۆ پیرۆزیێ.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

عیبرانی 12:23

نك جڤاكا نەخریێن تۆماركری د ئەسمانان دا، نك خودێ، دادوەرێ هەمیان، نك گیانێ راستدارێن هاتینە كاملكرن،

عیبرانی 12:28

لەوما، ژ بەر كو ئەم پاشایەتیەكا ناهێتە هەژاندن وەردگرین، بلا ئەم سوپاسیا خودێ بكەین و وەسا وی بپەرێسین، ب شێوازەكی كو جهێ رەزامەندیا وی بیت، ئەو شێواز یێ ب خودێترسی و سەهمگرتن بیت.

عیبرانی 4:1

لەوما بلا ئەم بترسین، نەكو سەرەڕای دەرفەتا سۆزا ب ژۆركەفتنا د ناڤ بێهنڤەدانا وی دا هێشتا یا مای، ئێك ژ هەوە ب وێ سۆزێ را نەگەهیت.

عیبرانی 6:9

هەر چەندە ئەم ب ڤی ئاوایی دئاخڤین، لێ دەربارەی هەوە، گەلی خۆشتڤیان، ئەم ژ بەرهەمێن باش یێن هەوە د پشتڕاستین، بەرهەمێن كو ب قورتالبوونێ ڤە د گرێداینە.

یەعقوب 4:8

خۆ نێزیكی خودێ بكەن، ئەو ژی دێ خۆ نێزیكی هەوە كەت. دەستێن خۆ پاقژ بكەن، گەلی گونەهكاران. دلێ خۆ پاك بكەن، گەلی دوودلان.

1 پەترۆس 1:15

لێ كا چەوا خودێ، ئەوێ گازی هەوە كری، یێ پیرۆزە، هوین ژی د هەمی رەفتارێن خۆ دا د پیرۆز بن.

1 پەترۆس 1:17

ئەگەر هوین دبێژنە وی ‹باب›، یێ ل دویڤ كارێ هەر كەسەكی، بێی لایەنگری حوكمی ددەت، دەمێ خۆ یێ كۆچبەریێ د ترسا وی دا دەرباز بكەن.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.

1 پەترۆس 2:11

گەلی خۆشتڤیان، ئەز هیڤی ژ هەوە دكەم، هوین وەكو بیانی و رێڤنگ ل ڤێ جیهانێ، خۆ ژ ئارەزوویێن لەشی یێن دژی دەروونی شەڕی دكەن، دویر بئێخن.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

1 یوحەننا 1:9

ئەگەر ئەم دانپێدانێ ب گونەهێن خۆ بكەین، ئەو یێ دلسۆز و راستدارە، لەوما دێ ل گونەهێن مە بوریت و مە ژ هەمی خرابیان پاقژ كەت.

1 یوحەننا 3:3

هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.