2 كورنتۆس 6:4 - ئنجیلا پیرۆز

⁴ لێ د هەمی تشتان دا، ئەم خۆ وەكو خزمەتكارێن خودێ پەسەند دكەین: د گەلەك خۆڕاگرتنێ دا، د تەنگاڤیان دا، د بن فشاران ڤە، د دژواریان دا،

2 كورنتۆس 6:4 ပူးပေါင်းရင်းမြစ်များ

مزگینیا لوقای 21:19

ب خۆڕاگرتنا خۆ هوین دێ ژیانا خۆ ب دەست ڤە ئینن.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

كارێن هنارتیان 2:22

گەلی ئیسرائیلیان، گوهێ خۆ بدەنە ڤێ ئاخفتنێ: عیسایێ ناسیرەیی مرۆڤەكە ژ لایێ خودێ ڤە بۆ هەوە هاتیە پەسەندكرن. هەروەكو هوین دزانن، خودێ ل سەر دەستێ وی گەلەك حنێر و مەندەهۆشی و نیشان د ناڤ هەوە دا یێن كرین.

كارێن هنارتیان 20:34

هوین ب خۆ دزانن كو من ب ڤان دەستان كار كریە و پێدڤیێن من و یێن د گەل من دا دابین كرینە،

كارێن هنارتیان 9:16

ئەز دێ نیشا دەم، كا فەرە ژ بەر ناڤێ من چەند ئازارێ بكێشیت!»

رۆما 14:18

ئەوێ هۆسا خزمەتا مەسیحی بكەت، جهێ رازیبوونا خودێیە و ژ لایێ خەلكی ڤە یێ پەسەندكریە.

رۆما 16:10

سڵاڤان ل ئەپەلیسی بكەن، ئەوێ باوەریا خۆ ب مەسیحی سەلماندی. سڵاڤان ل خەلكێ مالا ئەریستوپولۆسی بكەن.

رۆما 3:5

لێ ئەگەر نەڕاستیا مە راستداریا خودێ دیار دكەت، ئەم چ بێژین؟ ل ڤێرێ ئەز وەكو مرۆڤەكێ سادە دپرسم: ما خودێ یێ ستەمكارە دەمێ ئەو تۆڕەییا خۆ دبارینیت؟

رۆما 5:8

لێ خودێ حەزژێكرنا خۆ بۆ مە هۆسا دیار كر: هێشتا ئەم د گونەهكار بووین، مەسیح ژ بۆ مە مر.

1 كورنتۆس 3:5

ئەڤجا ئەپولۆس كیە؟ پاولۆس كیە؟ ئەو خزمەتكارن، هەوە ل سەر دەستێ وان باوەری ئینایە، هەروەكو خودانی ئەڤ ئەركە دایە هەر ئێك ژ وان.

1 كورنتۆس 4:1

بلا مرۆڤ مە ب ڤی شێوەی ببینن كو ئەم خزمەتكارێن مەسیحی و بریكارێن نهێنیێن خودێینە.

1 كورنتۆس 9:11

ئەگەر مە تشتێن روحانی د هەوە دا چاندبن، ما تشتەكێ مەزنە كو ئەم تشتێن ماددی ژ هەوە بدروین؟

2 كورنتۆس 11:23

ئەگەر ئەو خزمەتكارێن مەسیحینە، (ئەز وەكو ئێكێ دین دبێژم) ئەز ژ وان باشترم: من زێدەتر رەنجا بری، پتر یێ هاتیمە زیندانكرن، پتر لێدان ب من كەفتیە، گەلەك جاران روی ب روی مرنێ بوویمە.

2 كورنتۆس 11:27

من رەنج و وەستیان كێشان، ئەز گەلەك مایمە بێ خەو، برسی و تێهنی بوویمە، گەلەك مایمە بێ خوارن، سەرما و رویساتی ب سەرێ من هاتینە.

2 كورنتۆس 11:9

و دەمێ ئەز د ناڤ هەوە دا و ئەز هەوجە بوویم، من بارێ كەسێ ژ هەوە گران نەكر، چنكو ئەو برایێن ژ مەقدۆنیایێ هاتین هەوجەییا من قەتاند. وەسا من د هەر تشتەكی دا خۆ راگرت كو بۆ هەوە نەبمە بارگرانی و دێ خۆ راگرم ژی.

2 كورنتۆس 12:10

لەوما ئەز ب لاوازیان، كرێتكرنان، نەخۆشیان، تەپەسەركرنان و تەنگاڤیان ژ پێخەمەت مەسیحی كەیفخۆش دبم، چنكو دەمێ ئەز یێ لاواز، هنگی ئەز یێ ب هێزم.

2 كورنتۆس 12:12

نیشانێن هنارتیەكێ راستەقینە، نیشان و مەندەهۆشی و حنێر ب هەمی خۆڕاگرتن د ناڤ هەوە دا هاتنە ئەنجامدان.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 3:6

ئەوێ شیان دایە مە، دا تێرا هندێ بكەین كو ببینە خزمەتكارێن پەیمانا نوی، نە پەیمانا پیتێ، لێ پەیمانا گیانێ پیرۆز. چنكو پیت دكوژیت، لێ گیان ژیانێ ددەت.

2 كورنتۆس 4:17

چنكو تەنگاڤیێن مە یێن سڤك و دەمكی، مەزناهیەكا گران یا هەتا هەتایی بۆ مە ئامادە دكەن، كو ل گەل چ تشتان ناهێتە هەڤبەركرن.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

2 كورنتۆس 4:8

ئەم ژ هەمی لایان ڤە تەنگاڤ دبین، لێ ناهەڕشین. ئەم ئالۆز دبین، لێ بێ ئومێد نابین.

2 كورنتۆس 7:11

بەرێ خۆ بدەنێ، هەر وێ خەمباریا ل دویڤ حەزا خودێ د هەوە دا چەند بەرهەم ئینایە: چەند خەمخۆری، چەند حەز كو هوین خۆ روی سپی دەرئێخن، چەند تۆڕەبوون ژ بەر نەڕاستیێ، چەند سەهم، چەند بیریكرن، چەند دلگەرمی، چەند بجهئینانا دادپەروەریێ! د هەمی تشتان دا هەوە سەلماند كو هوین د ڤێ بابەتی دا د بێگونەهن.

كۆلۆسی 1:11

ب هەمی هێزا د شیانا مەزناهیا وی دا هەی، بهێز بكەڤن، دا هوین د هەمی تشتان دا د بێهنفرە‍‌ھ و خۆڕاگر بن و ب دلخۆشی سوپاسیا بابی بكەن، ئەوێ هوین هەژی كرین كو هەوە پشك هەبیت د وی میراتی دا یێ كەسێن پیرۆزكری د پاشایەتیا رۆناهیێ دا هەی.

كۆلۆسی 1:24

نوكە ئەز دلخۆش دبم ب ئازارێن ئەز ژ پێخەمەت هەوە دكێشم و د لەشێ خۆ دا وان تەنگاڤیێن مەسیحی یێن ماین، ژ پێخەمەت لەشێ وی كو جڤاكا باوەردارانە، تەمام دكەم.

1 سالونیكی 3:7

لەوما گەلی خویشك و برایان، سەرەڕای هەمی نەخۆشی و تەنگاڤیێن مە، ب رێكا باوەریا هەوە، دلێ مە دەربارەی هەوە ئارام بوو.

1 سالونیكی 5:14

ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرە‍‌ھ بن.

1 تیمۆتاوس 2:15

لێ ب زاڕۆكئینانێ دێ قورتال بیت، ئەگەر ئەو ب خۆڕاگری د باوەری و حەزژێكرن و پیرۆزی دا بمینن.

1 تیمۆتاوس 4:6

ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.

1 تیمۆتاوس 6:11

لێ تۆ، هەی مرۆڤێ خودێ، ژ ڤان تشتان بڕەڤە و بكەڤە دویڤ راستداریێ، خودێترسیێ، دلسۆزیێ، حەزژێكرنێ، خۆڕاگریێ و دلنەرمیێ.

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

2 تیمۆتاوس 2:24

دڤێت بەنیێ خودانی شەڕی نەكەت، لێ ل گەل هەمیان یێ دلنەرم بیت، بۆ فێركرنێ یێ شارەزا بیت و یێ بێهنفرە‍‌ھ بیت

2 تیمۆتاوس 4:5

لێ تۆ د هەمی تشتان دا یێ هشیار بە، خۆ ل بەر ئازاران بگرە، ب كارێ مزگینیدەری راببە، خزمەتا خۆ تەمام بكە.

عیبرانی 12:1

لەوما، مادەم ئەم ب جەماوەرەكێ هۆسا مەزن یێ شاهدان د دەور داینە، دا هەر بارەكی و گونەهێن ب ساناهی د مە دئالیێن، بهاڤێژین و د وێ غاردانێ دا یا ل بەر مە هاتیە دانان، ب خۆڕاگری بكەینە غار.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.