2 كورنتۆس 6:1 - ئنجیلا پیرۆز

¹ ئەم وەك یێن كو ل گەل خودێ كار دكەین، هیڤی ژ هەوە دكەین كو وەرگرتنا كەرەما وی ژ لایێ هەوە ڤە یا ژ قەستا نەبیت.

2 كورنتۆس 6:1 ပူးပေါင်းရင်းမြစ်များ

مزگینیا مەتتای 23:37

ئورشەلیم، ئورشەلیم، هەی كوژەكا پێغەمبەران و بەربارانكەرا ئەوێن بۆ تە هاتینە هنارتن، چەند جاران من حەز دكر زاڕۆكێن تە خڕڤە بكەم، كا چەوا مریشك چیچەلۆكێن خۆ د بن چەنگێن خۆ ڤە خڕڤە دكەت، لێ هەوە نەڤیا!

كارێن هنارتیان 11:23

دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.

كارێن هنارتیان 14:3

لەوما ئەو بۆ دەمەكێ درێژ مانە ل وێرێ و بێ ترس مزگینی دەربارەی خودانی ددا، خودانی ژی ب نیشان و مەندەهۆشیێن ل سەر دەستێ وان كرین، پەیڤا كەرەما خۆ دسەلماند.

رۆما 12:1

ئەڤجا ئەز هیڤیێ ژ هەوە دكەم، گەلی خویشك و برایان، كو هوین ژ بەر دلۆڤانیا خودێ لەشێ خۆ وەك قوربانەكێ زیندی یێ پیرۆز و جهێ رازیبوونا خودێ پێشكێش بكەن. ئەڤەیە پەرستنا هەوە یا راستەقینە.

1 كورنتۆس 3:9

چنكو ئەم پێكڤە بۆ خودێ كار دكەین، هوین ژی زەڤیا خودێنە و ئاڤاهیێ خودێنە.

2 كورنتۆس 10:1

ئەز، پاولۆس، ئەوێ دهێتە گۆتن كو یێ دەروونبچویكم د روی ب روی بوونا هەوە دا و یێ وێرەكم دەمێ ژ هەوە دویر، ئەز ب نەرمی و نازكیا مەسیحی داخوازێ ژ هەوە دكەم.

گالاتیا 2:21

ئەز پشتا خۆ نادەمە كەرەما خودێ، چنكو ئەگەر راستداری ب رێكا دەستووری با، دا مرنا مەسیحی یا ژ قەستا بیت.

گالاتیا 3:4

ئایا ئەو هەمی ئازار هەوە ژ قەستا كێشان؟ ئەگەر ب راستی ژ قەستا بن!

1 سالونیكی 3:5

لەوما دەمێ من نەشیای خۆ پتر بگرم ژی، من ئەو هنارت دا رەوشا باوەریا هەوە بزانم، نەكو تاقیكەری هوین تاقی كربن و رەنجا مە ب ئاڤێ دا چوو بیت.

تیتۆس 2:11

چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.

عیبرانی 12:15

هەوە های ژێ هەبیت نەكو كەسەك ب كەرەما خودێ را نەگەهیت و رەهەكا تەحل د ناخێ هەوە دا وەرارێ نەكەت، كو ببیتە ئەگەرێ ئارێشەیێ و ب رێكا وێ رەهێ گەلەك كەس بهەڕمن،

عیبرانی 12:25

هشیار بن ئەوێ دئاخڤیت رەت نەكەن. چنكو مادەم ئەو قورتال نەبوون یێن ئەو رەتكری یێ كو ئاگەهداری ل سەر ئەردی داینە وان، ئەڤجا چەند مسۆگەرترە كو ئەم رزگار نابین، ئەگەر ئەم پشتا خۆ بدەینە وی یێ ژ ئەسمانی مە ئاگەهدار دكەت؟

عیبرانی 4:1

لەوما بلا ئەم بترسین، نەكو سەرەڕای دەرفەتا سۆزا ب ژۆركەفتنا د ناڤ بێهنڤەدانا وی دا هێشتا یا مای، ئێك ژ هەوە ب وێ سۆزێ را نەگەهیت.

1 پەترۆس 4:10

هەر ئێك ژ هەوە، ل دویڤ وێ بەهرەیا روحانی یا وی وەرگرتی، خزمەتا ئێكودوو پێ بكەن، وەكو بریكارێن چاك ل سەر كەرەمێن خودێ یێن جۆراوجۆر.