2 كورنتۆس 5:9 - ئنجیلا پیرۆز

⁹ لەوما ئەم ل نك خودانی د ئاكنجی بین یان ژی ل دویر بین، ئارمانجا مە ئەوە كو جهێ رازیبوونا وی بین.

2 كورنتۆس 5:9 ပူးပေါင်းရင်းမြစ်များ

مزگینیا یوحەننای 6:27

ژ بۆ وێ خوارنا درزیت كار نەكەن، لێ ژ بۆ وێ خوارنێ كار بكەن، ئەوا بۆ ژیانا هەروهەر دمینیت، ئەو خوارنا كوڕێ مرۆڤ دێ دەتە هەوە، چنكو خودایێ باب ئەو یێ موهر كری.»

كارێن هنارتیان 10:35

لێ د ناڤ هەر مللەتەكی دا، یێ ژ خودێ ترس بیت و راستداریێ بكەت، ئەو ل نك خودێ یێ قەبیلكریە.

رۆما 14:18

ئەوێ هۆسا خزمەتا مەسیحی بكەت، جهێ رازیبوونا خودێیە و ژ لایێ خەلكی ڤە یێ پەسەندكریە.

رۆما 14:8

ئەگەر ئەم بژین، بۆ خودانی دژین و ئەگەر ئەم بمرین، بۆ خودانی دمرین. ئەڤجا ئەم بژین یان ئەم بمرین، ئەم یێن خودانینە.

رۆما 15:20

ئارمانجا من ئەوە كو ئەز مزگینیێ ل وان جهان بدەم یێن ناڤێ مەسیحی لێ نەهاتیە بهیستن، دا ل سەر بنیاتێ كەسەكێ دی دانای ئاڤا نەكەم.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

2 كورنتۆس 5:6

لەوما هەرگاڤ د پشتڕاستین و دزانین كو هندی ئەم د لەشی دا د ئاكنجی بین، ئەم ژ خودانی د دویرین.

2 كورنتۆس 5:8

بەلێ، ئەم د پشتڕاستین و ب باشتر دزانین كو ژ لەشی د دویر بین و ل نك خودانی د ئاكنجی بین.

ئەفەسۆس 1:6

ژ بۆ پەسنكرنا مەزناهیا كەرەما وی، ئەوا ب رێیا خۆشتڤیێ خۆ بۆ مە كریە خەلات.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

كۆلۆسی 1:29

ژ بۆ ڤێ چەندێ، ئەز رەنجێ دكێشم، ل دویڤ هێزا وی یا د من دا بهێز كار دكەت، بزاڤێ دكەم.

1 سالونیكی 4:1

ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،

1 سالونیكی 4:11

بزاڤێ بكەن كو ب ئارامی بژین و مژویلی كاروبارێن خۆ بن و ب دەستێن خۆ كار بكەن، هەروەكو مە هوین راسپاردین،

1 تیمۆتاوس 4:10

ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.

عیبرانی 12:28

لەوما، ژ بەر كو ئەم پاشایەتیەكا ناهێتە هەژاندن وەردگرین، بلا ئەم سوپاسیا خودێ بكەین و وەسا وی بپەرێسین، ب شێوازەكی كو جهێ رەزامەندیا وی بیت، ئەو شێواز یێ ب خودێترسی و سەهمگرتن بیت.

عیبرانی 4:11

لەوما بلا ئەم بزاڤێ بكەین كو ب ژۆر بكەڤینە د وێ بێهنڤەدانێ دا، دا كەس ژ ئەنجامدانا هەمان نموونەیا نەگوهداریێ ژ ناڤ نەچیت.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.