2 كورنتۆس 5:18 - ئنجیلا پیرۆز

¹⁸ ئەڤە هەمی ژ خودێیە، ئەوێ ئەم ب رێكا مەسیحی ل گەل خۆ ئاشت كرین و خزمەتا ئاشتكرنێ دایە مە.

2 كورنتۆس 5:18 ပူးပေါင်းရင်းမြစ်များ

مزگینیا لوقای 10:5

هەر مالا هوین بچنێ ل پێشیێ بێژن: ‹ئاشتی ل سەر ڤێ مالێ بیت.›

مزگینیا لوقای 24:47

و ب ناڤێ وی مزگینیا لخۆزڤڕینێ بۆ لێبورینا گونەهان بهێتە دان، هەر ژ ئورشەلیمێ بگرە تا هەمی مللەتان.

مزگینیا یوحەننای 3:16

خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

مزگینیا یوحەننای 3:27

یوحەننای بەرسڤ دا و گۆت: «كەس نەشێت تشتەكی وەرگریت، ئەگەر بۆ وی ژ ئەسمانی نەهاتبیتە دان.

كارێن هنارتیان 10:36

هوین پەیاما وی دزانن ئەوا بۆ مللەتێ ئیسرائیلێ هنارتی. ئەو مزگینیدانا ئاشتیێیە ژ دەولەتسەرێ عیسایێ مەسیح، ئەوێ كو خودانێ هەمیانە.

رۆما 11:36

چنكو هەمی تشت ژ وینە و ب وینە و ژ بۆ وینە، مەزناهی هەروهەر بۆ وی بیت. ئامین.

رۆما 5:1

ئەڤجا ژ بەر كو ئەم ب باوەریێ بێگونە‍‌ھ هاتینە دەرئێخستن، ئەم ل گەل خودێ كەفتینە ئاشتیێ، ژ دەولەتسەرێ خودانێ خۆ عیسایێ مەسیح.

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

1 كورنتۆس 11:12

چنكو كا چەوا ژن ژ زەڵامی چێبوو، زەڵام ژی وەسا ب ژنێ ژ دایك دبیت، لێ هەمی تشت ژ خودێنە.

1 كورنتۆس 12:6

جۆرێن كاران هەنە، لێ هەمان خودێیە، ئەوێ وان هەمی كاران د هەمیان دا ئەنجام ددەت.

1 كورنتۆس 3:5

ئەڤجا ئەپولۆس كیە؟ پاولۆس كیە؟ ئەو خزمەتكارن، هەوە ل سەر دەستێ وان باوەری ئینایە، هەروەكو خودانی ئەڤ ئەركە دایە هەر ئێك ژ وان.

1 كورنتۆس 8:6

لێ ژ بۆ مە ب تنێ خودێیەك هەیە: باب، سەرەكانیا هەمی تشتانە و ئەم ژی بۆ وی یێن هەین. مە ب تنێ خودانەك ژی هەیە: عیسایێ مەسیح، ئەوێ هەمی تشت ب وی پەیدا بووینە و ئەم ژی ب وی یێن هەین.

كۆلۆسی 1:22

لێ نوكە خودێ ب لەشێ مەسیحی یێ مرۆڤكانی، ب رێكا مرنا وی هوین ل گەل خۆ ئاشت كرن، دا هەوە پیرۆز و بێكێماسی و بێگازندە ل نك خۆ ئامادە بكەت،

عیبرانی 2:17

لەوما پێدڤی بوو ئەو د هەمی تشتان دا وەكو برایێن خۆ لێ بهێت، دا د خزمەتكرنا خودێ دا سەرۆككاهنەكێ دلۆڤان و دلسۆز بیت و هۆسا بشێت كەفارەتا گونەهێن گەلی بدەت.

یەعقوب 1:17

هەر دانەكا باش و هەر دیاریەكا بێكێماسی ژ سڵالە، ژ نك بابێ رۆناهیان خوار دكەڤیت، ئەوێ ناهێتە گوهۆڕین، خۆ بچویكترین سیبەرا گوهۆڕینێ ژی نینە.

1 یوحەننا 2:2

ئەوە كەفارەت بۆ گونەهێن مە، نە ب تنێ بۆ گونەهێن مە، لێ بۆ گونەهێن هەمی جیهانێ ژی.

1 یوحەننا 4:10

حەزژێكرن ئەڤەیە: نە كو مە حەز ژ خودێ كریە، لێ وی حەز ژ مە كر و كوڕێ خۆ هنارت دا ببیتە كەفارەتا گونەهێن مە.