2 كورنتۆس 5:11 - ئنجیلا پیرۆز

¹¹ ئەڤجا، ژ بەر كو ئەم دزانین ترسا ژ خودانی یا چەوایە، بزاڤێ دكەین مرۆڤان قاییل كەین. ئەم بۆ خودێ د ئاشكراینە و هیڤی دكەم د وژدانا هەوە ژی دا د ئاشكرا بین.

2 كورنتۆس 5:11 ပူးပေါင်းရင်းမြစ်များ

مزگینیا مەتتای 10:28

ژ وان نەترسن یێن لەشی دكوژن. ئەو نەشێن گیانی بكوژن. لێ ژ وی بترسن یێ دشێت گیان و لەشی پێكڤە د دۆزەخێ دا ژ ناڤ ببەت.

مزگینیا مەتتای 25:46

ئەڤجا ئەڤێن هەنێ دێ چنە سزایێ هەروهەر، لێ یێن راستدار دێ چنە ژیانا هەروهەر.»

مزگینیا لوقای 12:5

لێ ئەز دێ نیشا هەوە دەم ژ كێ بترسن: هوین ژ وی بترسن یێ دشێت پشتی كوشتنێ هەوە بهاڤێژیتە د دۆزەخێ دا. بەلێ، ئەز دبێژمە هەوە، هوین ژ وی بترسن.

مزگینیا لوقای 16:31

ئیبراهیمی گۆتێ: ‹ئەگەر ئەو گوهێ خۆ نەدەنە مووسای و پێغەمبەران، خۆ ئەگەر ئێك ژ ناڤ مریان ژی رابیت، ئەو باوەر ناكەن.›»

كارێن هنارتیان 13:43

پشتی كۆمبوون ب دویماهی هاتی، گەلەك ژ جوهی و ئەوێن هاتبوونە سەر باوەریا جوهیان ل دویڤ پاولۆسی و بارناباسی چوون. ئەو ژی بۆ وان ئاخفتن و هاندان كو د كەرەما خودێ دا بمینن.

كارێن هنارتیان 18:13

وان گۆت: «ئەڤ زەڵامە مرۆڤان قاییل دكەت، كو ب ئاوایەكی بەروڤاژی دەستووری خودێ بپەرێسن.»

كارێن هنارتیان 18:4

پاولۆسی هەمی شەمبیان ل كنیشتەیێ دانوستاندن دكر و بزاڤ دكر جوهی و یونانیان قاییل بكەت.

كارێن هنارتیان 19:26

هەوە دیت ژی و گو‍‌ھ لێ بوو، كو ڤی پاولۆسی، نە ب تنێ ل ئەفەسۆسێ، لێ ل هەمی هەرێما ئاسیا، ژمارەیەكا مەزن ژ خەلكی قاییل كرینە و ژ رێ دەرئێخستینە. ئەو دبێژیت كو ئەو تشتێن ب دەستی هاتینە چێكرن نە خودێنە.

كارێن هنارتیان 26:26

پاشا ڤان تشتان دزانیت، لەوما ئەز سەربەست ل گەل وی دئاخڤم. ئەز باوەر ناكەم تشتەك ژ ڤان ل وی هاتبیتە ڤەشارتن، چنكو ئەڤێ چەندێ ل قولاچكەكێ نەرویدایە!

كارێن هنارتیان 28:23

رۆژەك بۆ وی دەستنیشان كر، ئینا گەلەك كەس هاتنە جهێ ئاكنجیبوونا وی. ئەوی ژی هەر ژ سپێدێ تا ئێڤاری وەكو شاهدەك پاشایەتیا خودێ بۆ وان شڕۆڤە دكر. ئەوی بزاڤ دكر ب رێكا دەستوورێ مووسای و نڤیسارێن پێغەمبەران، وان قاییل بكەت كو عیسا ب خۆ مەسیحە.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 5:20

ئەڤجا ئەم بالیۆزێن مەسیحینە، هەروەكو خودێ ب رێكا مە داخوازێ دكەت. ئەم وەكو نوینەرێن مەسیحی هیڤی دكەین: ل گەل خودێ ئاشت ببن.

2 كورنتۆس 6:1

ئەم وەك یێن كو ل گەل خودێ كار دكەین، هیڤی ژ هەوە دكەین كو وەرگرتنا كەرەما وی ژ لایێ هەوە ڤە یا ژ قەستا نەبیت.

گالاتیا 1:10

ما هوین هزر دكەن ئەز نوكە ل رازیبوونا مرۆڤان دگەڕیێم، یان یا خودێ؟ ما ئەز بزاڤێ دكەم دا دلێ مرۆڤان خۆش بكەم؟ نەخێر! ئەگەر من هەر ڤیابا دلێ مرۆڤان خۆش كەم، ئەز بەنیێ مەسیحی نەدبووم.

ئەفەسۆس 5:21

ژ بەر ترسا خۆ ژ مەسیحی ملكەچی ئێكودوو بن.

عیبرانی 10:31

تشتەكێ ب ترسە كو مرۆڤ بكەڤیتە دەستێ خودایێ زیندی.

عیبرانی 12:29

چنكو «خودایێ مە ئاگرەكێ خۆرەكە.»

یەهودا 1:23

هندەكێن دی ژ ئاگری بڕەڤینن و قورتال بكەن، دلۆڤانیێ ب یێن ماین ببەن، لێ ب هشیاری و بلا كەربێن هەوە خۆ ژ وان جلكان ژی ڤەببن یێن ب لەشێ ڤان هەڕمین.

ئاشكراكرن 20:15

هەر كەسێ ناڤێ وی تۆماركری د پەرتووكا ژیانێ دا نەهاتە دیتن، ئەو بۆ دەریاكا ئاگری هاتە هاڤێتن.