2 كورنتۆس 5:10 - ئنجیلا پیرۆز

¹⁰ چنكو دڤێت ئەم هەمی ل بەر كورسیكا مەسیحی یا دادوەریێ راوەستین، دا هەر كەس ل دویڤ تشتێن وی كرین، دەمێ ئەو د لەشی دا، چ د باش بن یان ژی د خراب، وەرگریت.

2 كورنتۆس 5:10 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

كارێن هنارتیان 10:42

وی فەرمان ل مە كر، ئەم خەلكی ئاگەهدار بكەین و شاهدەییێ بدەین، كو ئەڤە ئەوە یێ خودێ وەكو دادوەر بۆ مریان و زیندیان دەستنیشان كری.

كارێن هنارتیان 17:31

چنكو وی رۆژەكا دانای كو هەمی جیهانێ دادپەروەرانە داد بكەت ل سەر دەستێ زەڵامەكێ وی دەستنیشانكری. خودێ بەلگە ژی دایە هەمیان، دەمێ ئەو ژ ناڤ مریان راكری.»

رۆما 2:16

ل دویڤ مزگینیا ئەز ددەم، ئەڤە هەمی دێ ل وێ رۆژێ چێبن دەمێ خودێ دادكرنا نهێنیێن مرۆڤان ب مەسیح عیسای دكەت.

رۆما 6:19

من نموونەیا بەنیاتیێ وەكو هێما ب كار ئینا، دا هاری هەوە بكەم هوین د ڤان تشتان بگەهن، چنكو شیانێن هەوە وەكو مرۆڤ د سنووردارن. كا چەوا هەوە ئەندامێن لەشێ خۆ وەك بەنی پێشكێشی پویچاتیێ و خرابیێ دكرن كو ئەنجامێ وێ خرابی بوو، هۆسا ژی نوكە ئەندامێن لەشێ خۆ وەك بەنی پێشكێشی راستداریێ بكەن كو ئەنجامێ وێ پیرۆزیە.

1 كورنتۆس 4:5

لەوما پێشوەخت دادكرنێ ل سەر تشتەكی نەكەن، تاكو خودان بهێت، ئەوێ دێ تشتێن د تاریاتیێ دا ڤەشارتی ئێخیتە بەر رۆناهی و نیازێن دلان ئاشكرا كەت. هنگی پەسنكرنا هەر كەسەكی دێ ژ لایێ خودێ ڤە بیت.

2 كورنتۆس 7:3

ئەز ڤێ نابێژم دا هەوە گونەهبار بكەم، چنكو من بەری نوكە یێ گۆتی كو هوین یێ د دلێ مە دا، دا ئەم پێكڤە بمرین و پێكڤە بژین.

ئەفەسۆس 6:8

چنكو هوین دزانن هەر كەسێ، بەنی بیت یان ئازاد، چ باشیێ بكەت، دێ هەمان تشت ژ خودانی وەرگریت.

عیبرانی 9:27

كا چەوا بۆ مرۆڤان هاتیە دانان كو ب تنێ جارەكێ بمرن و پشتی هنگی دادكرنە،

1 پەترۆس 4:5

لێ ئەو دێ حسابێ دەنە وی یێ كو ئامادەیە دادكرنا مری و زیندیان بكەت.

ئاشكراكرن 2:23

ئەز دێ ل زاڕۆكێن وێ ژی دەم و كوژم. ئەڤجا هەمی جڤاكێن باوەرداران دێ زانن كو ئەزم یێ زێهن و دلان دپشكنیت و ئەز دێ ل دویڤ كریارێن هەوە دەمە هەر ئێكی ژ هەوە.

ئاشكراكرن 22:12

«ئەڤە ئەز دێ زوی هێم. خەلاتێ من ل گەل منە، دا ل دویڤ كریارێن هەر ئێكی بدەمێ.