2 كورنتۆس 5:1 - ئنجیلا پیرۆز

¹ چنكو ئەم دزانین ئەگەر خیڤەتا مە هەڕفت، كو جهێ ئاكنجیبوونا مە یا سەر ئەردیە، مە ئاڤاهیەك ژ نك خودێ هەیە، مالەكا ب دەستان نەهاتیە چێكرن، هەتا هەتایێ یا ل ئەسمانان.

2 كورنتۆس 5:1 ပူးပေါင်းရင်းမြစ်များ

مزگینیا مەرقۆسی 14:58

«مە یێ گو‍‌ھ لێ بووی دبێژیت: ئەز دێ ڤێ پەرستگەهێ هەڕفینم، ئەوا دەستان ئاڤا كری و دێ د سێ رۆژان دا ئێكا دی ئاڤا كەم كو ب دەستان نە هاتبیتە ئاڤاكرن.»

كارێن هنارتیان 7:48

هەر چەندە ئەوێ هەری بلند ل خانیێن دەستێن مرۆڤان ئاڤاكری ئاكنجی نابیت، هەروەكو پێغەمبەری گۆتی:

1 كورنتۆس 3:9

چنكو ئەم پێكڤە بۆ خودێ كار دكەین، هوین ژی زەڤیا خودێنە و ئاڤاهیێ خودێنە.

2 كورنتۆس 4:7

لێ ئەو گەنجینەیا مە هەی، یا د ئامانێن گلی دا، دا دیار ببیت كو هێزا هەری زێدە ژ خودێیە، نە ژ مەیە.

2 كورنتۆس 5:4

هندی ئەم د بن ڤێ خیڤەتێ ڤە بین، دێ ژ بارگرانی نالینین. نەكو مە دڤێت ئەم ژ بەر خۆ بكەین، لێ مە دڤێت د سەر دا ل بەر مە بیت، دا تشتێ مربار ژ لایێ ژیانێ ڤە بهێتە داعویران.

كۆلۆسی 2:11

هەروەسا د ئێكبوونا ل گەل وی دا هوین هاتینە سونەتكرن، سونەتكرنا نە ب دەستێ مرۆڤان، لێ ب ژێڤەكرنا حەزێن لەشی بۆ گونەهێ، ئەڤەیە سونەتكرن ژ لایێ مەسیحی ڤە.

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.

عیبرانی 11:10

چنكو ئەو چاڤەڕێی وی باژێڕی بوو یێ بنیاتەكێ قاییم هەی، كو ئەندازیار و ئاڤاكەرێ وی خودێیە.

عیبرانی 9:11

لێ نوكە مەسیح یێ هاتی وەكو سەرۆككاهنێ تشتێن باش یێن پاشەڕۆژێ. ئەو چوو د خیڤەتا مەزنتر و كاملتر ڤە، ئەوا نە ب دەستان هاتیە چێكرن، ئانكو ئەوا نە ژ ڤێ جیهانێ.

عیبرانی 9:24

چنكو مەسیح نەچوویە پیرۆزگەها دەستكرد كو ل بەر یا رەسەن هاتیە چێكرن، لێ چوویە د ئەسمانی ب خۆ دا، دا نوكە ژ پێخەمەت مە ل بەرامبەری خودێ ئامادە بیت.

1 پەترۆس 1:4

و میراتەكێ پویچ نابیت و ناهەڕمیت و ناچرمسیت هەیە. ئەو بۆ هەوە ل ئەسمانان هاتیە هەلگرتن.

2 پەترۆس 3:11

ئەڤجا، مادەم ئەڤ تشتە هەمی دێ ب ڤی شێوەی حەلیێن، ئێدی پێدڤیە هوین چ جۆرە مرۆڤ بن؟ ل ڤی دەمێ كو هوین ل چاڤەڕێیا رۆژا خودێنە و لەزێ ل هاتنا وێ دكەن، پێدڤیە هوین ب پیرۆزی و خودێترسی بژین. د وێ رۆژێ دا ئەسمان دێ ب ئاگری ژ ناڤ چن و توخم دێ ب سۆتنێ حەلیێن.

1 یوحەننا 3:14

ئەم دزانین كو ئەم ژ مرنێ دەرباز بووینە ژیانێ، چنكو ئەم حەز ژ خویشك و برایان دكەین. ئەوێ حەزژێكرنێ نەكەت، ئەو د مرنێ دا بنەج‍‌ھ دبیت.

1 یوحەننا 3:19

ب ڤێ چەندێ ئەم دێ زانین كو ئەم ژ راستیێینە و دێ دلێ خۆ ل بەرامبەری خودێ ئارام كەین

1 یوحەننا 3:2

گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.