2 كورنتۆس 4:7 - ئنجیلا پیرۆز

⁷ لێ ئەو گەنجینەیا مە هەی، یا د ئامانێن گلی دا، دا دیار ببیت كو هێزا هەری زێدە ژ خودێیە، نە ژ مەیە.

2 كورنتۆس 4:7 ပူးပေါင်းရင်းမြစ်များ

مزگینیا مەتتای 13:44

«پاشایەتیا ئەسمانان وەكو گەنجینەیەكا ڤەشارتی یا د ناڤ زەڤیەكێ دایە، ئەوا مرۆڤەكی دیتی و ڤەشارتیەڤە، ئینا ژ كەیفان دا چوو هەمی تشتێن هەین فرۆتن و ئەو زەڤی كڕی.

مزگینیا مەتتای 13:52

پاشی گۆتە وان: «ئەڤجا هەر مامۆستایەكێ دەستووری یێ ل سەر پاشایەتیا ئەسمانان هاتیە پەروەردەكرن، وەكو خودان ملكەكیە، ئەوێ ژ گەنجینەیا خۆ، تشتێن نوی و یێن كەڤن دەردئێخیت.»

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

1 كورنتۆس 1:28

وی ئەو تشت یێن جیهان دبینیت نزم و یێن بێ رێز، تا یێن نەیی ژی هەلبژارتن، دا تشتێن هەیی پویچ بكەت.

2 كورنتۆس 10:10

چنكو هندەك دبێژن: «نامەیێن وی ب سەنگ و ب هێزن، لێ دەمێ ئەو ئامادە دبیت، كەسایەتیا وی یا لاوازە و ئاخفتنێن وی نە د كاریگەرن.»

2 كورنتۆس 13:4

راستە ئەو ژ لاوازی هاتە خاچدان، لێ ئەو ب هێزا خودێ یێ زیندیە. ئەم ژی د ئێكبوونا ل گەل وی دا د لاوازین، لێ ب هێزا خودێ ئەم د سەرەدەریا خۆ دا ل گەل هەوە دێ ل گەل وی زیندی بین.

2 كورنتۆس 4:1

لەوما، ژ بەر كو خودێ دلۆڤانی ل گەل مە كریە كو مە ئەڤ خزمەتە هەیە، ئەم بێ ئومێد نابین.

2 كورنتۆس 5:1

چنكو ئەم دزانین ئەگەر خیڤەتا مە هەڕفت، كو جهێ ئاكنجیبوونا مە یا سەر ئەردیە، مە ئاڤاهیەك ژ نك خودێ هەیە، مالەكا ب دەستان نەهاتیە چێكرن، هەتا هەتایێ یا ل ئەسمانان.

2 كورنتۆس 6:10

وەك كۆڤاندار، لێ هەردەم د دلخۆشین. وەك هەژار، لێ گەلەكان دەولەمەند دكەین. وەك مە چ نەبیت، لێ ئەم خودانێن هەمی تشتاینە.

ئەفەسۆس 2:5

دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 2:12

ب تافیركرنێ هوین ل گەل وی هاتینە ڤەشارتن و هەر ب وێ هوین ل گەل وی هاتینە راكرن ژی، چنكو هەوە باوەری ب شیانا خودێ یێ ئەو ژ ناڤ مریان راكری، ئینا.

كۆلۆسی 2:3

ئەوێ د وی دا هەمی گەنجینەیێن ئاقلمەندی و زانینێ دڤەشارتینە.

1 سالونیكی 1:5

چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.

1 سالونیكی 4:4

بلا هەر ئێك ژ هەوە بزانیت كا دێ چەوا ل سەر لەشێ خۆ زاڵ بیت و د پیرۆزی و سەربلندیێ دا ژیت،

2 تیمۆتاوس 2:20

د مالەكا مەزن دا، نە ب تنێ ئامانێن زێڕی و زیڤی هەنە، لێ یێن داری و گلی ژی هەنە، هندەك بۆ تشتێن بڕێزن و هندەك بۆ تشتێن بێڕێزن.