2 كورنتۆس 4:6 - ئنجیلا پیرۆز

⁶ چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

2 كورنتۆس 4:6 ပူးပေါင်းရင်းမြစ်များ

مزگینیا لوقای 10:22

«هەمی تشت ژ لایێ بابێ من ڤە بۆ من یێن هاتینە دان. كەس نزانیت كوڕ كیە ژبلی بابی، هەروەسا كەس نزانیت باب كیە ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.»

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 11:40

عیسای گۆتێ: «ما من نەگۆتە تە: ئەگەر تۆ باوەریێ بینی، دێ مەزناهیا خودێ بینی؟»

مزگینیا یوحەننای 12:41

ئیشایای ئەڤ چەندە گۆت، چنكو مەزناهیا مەسیحی دیت و بەحسێ وی كر.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

1 كورنتۆس 12:8

ئەڤجا بۆ ئێكی ب رێكا گیانی پەیاما ئاقلمەندیێ دهێتە دان و بۆ ئێكێ دی ب رێكا هەمان گیانی پەیاما زانینێ،

2 كورنتۆس 2:10

ئەوێ هوین د تشتەكی دا لێ ببورن، ئەز ژی لێ دبورم. ئەو تشتێ ئەز لێ بوریم، ئەگەر ئەز ل تشتەكی بوریبم، ئەز ژ پێخەمەت هەوە ل بەرامبەر مەسیحی لێ بوریم،

2 كورنتۆس 3:18

ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

ئەفەسۆس 1:17

و داخواز دكەم كو خودایێ خودانێ مە عیسایێ مەسیح، بابێ مەزناهیێ، گیانێ ئاقلمەندیێ و تێگەهشتنا ئاشكراكرنا خودێ بدەتە هەوە، دا هوین وی هێشتا باشتر بنیاسن.

ئەفەسۆس 1:18

بلا چاڤێن زێهنێ هەوە ڤەكەت، دا بزانن كا ئەو هیڤیا هوین بۆ وێ هاتینە گازیكرن چ تشتە و كا میراتێ وی چەند یێ مەزن و دەولەمەندە بۆ پیرۆزكریان

ئەفەسۆس 5:8

چنكو دەمەكی هوین تاری بوون، لێ نوكە هوین ب ئێكبوونا ل گەل خودانی رۆناهینە. ئەڤجا وەكو زاڕۆكێن رۆناهیێ بژین

فیلیپی 2:6

عیسایێ مەسیح د بنیاتێ خۆ دا، خودێ بوو، وی نەڤیا یەكسانیا خۆ ل گەل خودێ بۆ بەرژەوەندیا خۆ ب كار بینیت،

كۆلۆسی 1:15

ئەو وێنەیێ وی خودێیە یێ كو ناهێتە دیتن، نەخریە، سەرۆكێ هەمی تشتێن ئافراندیە.

1 سالونیكی 2:12

مە هوین هاندان و ل بەر دلێ هەوە دا و ل سەر ژیانا هەوە راوەستیاین، كو ب شێوەیەكی بیت یا هەژی وی خودای بیت، ئەوێ هوین بۆ پاشایەتی و مەزناهیا خۆ گازی كرین.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 6:4

چنكو ئەوێن جارەكێ رۆناهیا راستیا خودێ دیتی و تام كریە دیاریا ئەسمانی و بووینە هەڤپشك د گیانێ پیرۆز دا

1 پەترۆس 1:12

بۆ وان هاتە دیاركرن، كو وان نە بۆ خۆ، لێ بۆ هەوە خزمەت دكر، دەمێ بەحسێ وان تشتان دكر یێن نوكە بۆ هەوە هاتینە راگەهاندن، ب رێكا وان یێن ب هێزا گیانێ پیرۆز، ئەوێ ژ ئەسمانی هاتیە هنارتن، مزگینی دایە هەوە. فریشتە ژی گەلەك حەز دكەن ل وان تشتان بنێڕن.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

2 پەترۆس 1:19

پەیاما پێغەمبەران ژی ل نك مە پتر هاتە سەلماندن. هوین باش دكەن ئەگەر بەرێ خۆ بدەنێ، وەكو هوین بەرێ خۆ ددەنە چرایەكێ د جهەكێ تاری دا رۆناهیێ ددەت، تاكو ئەلند دیار دبیت و ستێرا سپێدێ د دلێ هەوە دا دهەلێت.