2 كورنتۆس 4:4 - ئنجیلا پیرۆز

⁴ چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

2 كورنتۆس 4:4 ပူးပေါင်းရင်းမြစ်များ

مزگینیا مەتتای 13:22

ئەو تۆڤێ ل ناڤ ستریان هاتیە چاندن، ئەو كەسن یێن پەیڤێ دبهیسن، لێ خەمێن ڤێ جیهانێ و خاپاندنا دەولەمەندیێ پەیڤێ دفەتسینن و پەیڤ بێ بەرهەم دبیت.

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 12:31

نوكە دەمێ دادكرنێیە ل سەر ڤێ جیهانێ، نوكە سەرۆكێ ڤێ جیهانێ دێ بۆ ژ دەرڤە هێتە دەرئێخستن.

مزگینیا یوحەننای 12:35

عیسای گۆتە وان: «رۆناهی بۆ دەمەكێ دی ژی یێ كورت دێ ل گەل هەوە مینیت. ئەڤجا هندی رۆناهی ل گەل هەوەیە بڕێڤە هەڕن، نەكو تاری ب سەر هەوە دا بهێت. ئەوێ ل تاریاتیێ بڕێڤە دچیت، ئەو نزانیت كیڤە دچیت.

مزگینیا یوحەننای 12:40

«وی چاڤێن وان كۆرە كرینە و مەژیێ وان هشك كریە، دا ب چاڤێن خۆ نەبینن و ب مەژیێ خۆ تێنەگەهن و بۆ من ڤەنەگەڕن، دا ئەز وان ساخ بكەم.»

مزگینیا یوحەننای 12:45

و هەر كەسێ من دبینیت، وی دبینیت یێ ئەز هنارتیم.

مزگینیا یوحەننای 14:30

ئێدی ئەز ل گەل هەوە گەلەك نائاخڤم، چنكو سەرۆكێ ڤێ جیهانێ یێ دهێت. ئەوی چ ل سەر من نینە.

مزگینیا یوحەننای 15:24

ئەگەر من ئەو كار د ناڤبەرا وان دا نەكربان، یێن ژبلی من كەسێ نەكرین، دا د بێگونە‍‌ھ بن، لێ نوكە وان دیتن و كەرب ژ من و ژ بابێ من ژی ڤەبوون.

مزگینیا یوحەننای 16:11

دەربارەی دادكرنێ، چنكو سەرۆكێ ڤێ جیهانێ هاتە گونەهباركرن.

مزگینیا یوحەننای 8:12

عیسا جارەكا دی ل گەل وان ئاخفت و گۆت: «ئەزم رۆناهیا جیهانێ. یێ ل دویڤ من بهێت، د تاریاتیێ دا ناچیت، لێ دێ رۆناهیا ژیانێ بۆ وی بیت.»

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

كارێن هنارتیان 26:23

پێدڤیە مەسیح بئێشیت و ئێكەمین كەس بیت ژ ناڤ مریان راببیت و رۆناهیێ بۆ مللەتێ مە و بۆ مللەتێن نەجوهی ژی رابگەهینیت.»

1 كورنتۆس 10:20

نەخێر! لێ مەبەستا من ئەوە كو تشتێن پووتپەرێس پێشكێش دكەن، ئەو بۆ ئەجنەیان پێشكێش دكەن، نەكو بۆ خودێ. من ژی نەڤێت هوین ل گەل ئەجنەیان د پشكدار بن.

2 كورنتۆس 2:11

دا ئبلیس كەیسێ خۆ د مە را نەبینیت، چنكو ئەم ژ پیلانێن وی د بێ ئاگە‍‌ھ نینین.

2 كورنتۆس 2:12

دەمێ ئەز هاتیمە ترویاسێ دا مزگینیا مەسیحی رابگەهینم، دەرگەهەك بۆ من ژ لایێ خودانی ڤە هاتە ڤەكرن،

2 كورنتۆس 3:11

ئەگەر تشتێ كو بەرەڤ نەمانێ دچوو ب رەونەق ڤە هاتبیت، ئەڤجا چەند پتر تشتێ دمینیت دێ رەونەق هەبیت!

2 كورنتۆس 3:14

لێ زێهنێ وان هاتە گرتن، تا ئەڤرۆ ژی ل دەمێ پەیمانا كەڤن دهێتە خواندن، هەمان ئەو پێچە یا مای نەهاتیە راكرن، چنكو ئەو ب تنێ ب مەسیحی دهێتە ژناڤبرن.

2 كورنتۆس 3:18

ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

2 كورنتۆس 4:6

چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

ئەفەسۆس 6:12

چنكو جەنگا مە نە دژی مرۆڤانە، لێ دژی سەروەرانە، دژی دەستهەلاتدارانە، دژی حوكمدارێن تاریاتیێیە كو د ڤی سەردەمی دا حوكمی ل جیهانێ دكەن، دژی لەشكەرێن روحانی یێن خرابیێیە ل جهێن ئەسمانی.

فیلیپی 2:6

عیسایێ مەسیح د بنیاتێ خۆ دا، خودێ بوو، وی نەڤیا یەكسانیا خۆ ل گەل خودێ بۆ بەرژەوەندیا خۆ ب كار بینیت،

كۆلۆسی 1:15

ئەو وێنەیێ وی خودێیە یێ كو ناهێتە دیتن، نەخریە، سەرۆكێ هەمی تشتێن ئافراندیە.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

1 تیمۆتاوس 1:11

فێركرنا ساخلەم ئەوە یا گونجای ل گەل وێ مزگینیێ یا بۆ من هاتیە سپاردن، مزگینیا ب روومەت یا خودایێ پیرۆز.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 6:4

چنكو ئەوێن جارەكێ رۆناهیا راستیا خودێ دیتی و تام كریە دیاریا ئەسمانی و بووینە هەڤپشك د گیانێ پیرۆز دا

2 پەترۆس 1:19

پەیاما پێغەمبەران ژی ل نك مە پتر هاتە سەلماندن. هوین باش دكەن ئەگەر بەرێ خۆ بدەنێ، وەكو هوین بەرێ خۆ ددەنە چرایەكێ د جهەكێ تاری دا رۆناهیێ ددەت، تاكو ئەلند دیار دبیت و ستێرا سپێدێ د دلێ هەوە دا دهەلێت.

1 یوحەننا 2:11

لێ یێ كەربێن وی ژ خویشكا وی یان برایێ وی ڤەدبن، ئەو یێ د تاریاتیێ دا و د تاریاتیێ دا دژیت و نزانیت كیڤە دچیت، چنكو تاریاتیێ چاڤێن وی یێن كۆرە كرین.

1 یوحەننا 2:8

سەرەڕای هندێ ژی، ئەز فەرمانەكا نوی بۆ هەوە دنڤیسم، كو راستیا وێ د وی دا و د هەوە ژی دا هەیە، چنكو تاریاتی بەرەڤ نەمانێ دچیت و رۆناهیا راستەقینە نوكە شەوقێ ددەت.

1 یوحەننا 5:19

ئەم دزانین كو ئەم ژ خودێینە و هەمی جیهان ل بن دەستهەلاتا خرابكاریە.