2 كورنتۆس 4:2 - ئنجیلا پیرۆز

² مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

2 كورنتۆس 4:2 ပူးပေါင်းရင်းမြစ်များ

رۆما 1:16

ئەز مزگینیێ ب شەرم نابینم، ژ بەر كو ئەو هێزا خودێیە بۆ قورتالبوونێ ژ بۆ هەر كەسێ باوەریێ پێ دئینیت، ل بەراهیێ ژ بۆ یێ جوهی و پاشی ژ بۆ یێ نەجوهی.

رۆما 6:21

ئەڤجا وی دەمی هەوە چ بەرهەم ژ وان تشتێن هوین نوكە شەرم ژێ دكەن ب دەست خۆ ڤە ئینا؟ كو ئەنجامێ وان تشتان مرنە.

1 كورنتۆس 4:5

لەوما پێشوەخت دادكرنێ ل سەر تشتەكی نەكەن، تاكو خودان بهێت، ئەوێ دێ تشتێن د تاریاتیێ دا ڤەشارتی ئێخیتە بەر رۆناهی و نیازێن دلان ئاشكرا كەت. هنگی پەسنكرنا هەر كەسەكی دێ ژ لایێ خودێ ڤە بیت.

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 11:3

لێ ئەز دترسم، كا چەوا ماری ب فێلبازیا خۆ حەوا خاپاند، وەسا زێهنێ هەوە ژ دلسۆزیا زەڵال و پاك یا هەوە بۆ مەسیحی هەی بهێتە خڕاندن.

2 كورنتۆس 11:6

ئەگەر د ئاخفتنێ دا ئەز نە یێ شارەزا بم، د زانینێ دا ئەز یێ شارەزامە. ب راستی ژی ئەڤ چەندە مە بۆ هەوە ژ هەمی لایان ڤە و د هەمی تشتان دا ئاشكرا كر.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 5:11

ئەڤجا، ژ بەر كو ئەم دزانین ترسا ژ خودانی یا چەوایە، بزاڤێ دكەین مرۆڤان قاییل كەین. ئەم بۆ خودێ د ئاشكراینە و هیڤی دكەم د وژدانا هەوە ژی دا د ئاشكرا بین.

2 كورنتۆس 6:8

ب رێزگرتنێ و بێڕێزكرنێ، ب ناڤودەنگەكێ باش یان یێ خراب. ئەم وەك خاپینۆك دهێینە هژمارتن، لێ ئەم د راستین.

2 كورنتۆس 7:14

من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

ئەفەسۆس 5:12

چنكو كارێن ئەو ب نهێنی دكەن، شەرمە كو بهێنە بەحسكرن ژی.