12 ئەڤجا مرن د مە دا كار دكەت، لێ ژیان د هەوە دا.
لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.
ئەم ژ بەر مەسیحی د بێئاقلین، لێ هوین د ئێكبوونا ل گەل مەسیحی دا د ئاقلمەندن. ئەم د بێهێزین، لێ هوین بهێزن. هوین د بەڕێزن، لێ ئەم د بێڕێزین.
ئەز دێ ب هەمی دلخۆشی مالێ خۆ و گیانێ خۆ ژی بۆ هەوە مەزێخم. ئەگەر ئەز زێدەتر حەز ژ هەوە بكەم، ما هوین دێ كێمتر حەز ژ من كەن؟
ئەم دلخۆش دبین، دەمێ ئەم لاواز دبین و هوین بهێز بن. ئەوا ئەم ژ خودێ دخوازین: راستڤەكرنا هەوەیە.
ئەم، ئەوێن زیندی، سەخمەراتی عیسای، هەردەم رادەستی مرنێ دهێینە كرن دا ژیانا عیسای د لەشێ مە یێ مربار دا بهێتە دیاركرن.
هەروەكو هاتیە نڤیسین: «من باوەری هەبوو، لەوما ئەز ئاخفتم،» مە هەمان گیانێ باوەریێ هەیە، ئەڤجا ئەم ژی باوەر دكەین، لەوما ئەم ژی دئاخڤین.
لێ ئەگەر وەكو پێشكێشیێ رژاندنێ ل سەر قوربانی و خزمەتا باوەریا هەوە بهێمە رشتن ژی، ئەز دلخۆش دبم و ل گەل هەوە هەمیان كەیفخۆش دبم.
چنكو ئەو ژ بەر كارێ مەسیحی هاتە بەر مرنێ، وی ژیانا خۆ ئێخستە د مەترسیێ دا، داكو ئەو خزمەتا هوین نەشیاین بۆ من بكەن، ئەو ل جهێ هەوە بكەت.
ئەم ب ڤێ چەندێ حەزژێكرنێ دزانین: عیسای ژیانا خۆ ژ پێخەمەت مە دانا. ئەڤجا پێدڤیە ئەم ژی ژیانا خۆ ژ پێخەمەت خویشك و برایان بدانین.
