2 كورنتۆس 3:7 - ئنجیلا پیرۆز

⁷ ئەڤجا ئەگەر ئەو خزمەتا مرن ئینای، ئەوا ب پیتان ل سەر تەختەبەران هاتیە نكراندن، هند ب رەونەق ڤە هاتبیت كو ئیسرائیلی نەشیان رك و رك بەرێ خۆ بدەنە دێمێ مووسای، ژ بەر رەونەقیا دێمێ وی یا بەرەڤ نەمانێ دچوو،

2 كورنتۆس 3:7 ပူးပေါင်းရင်းမြစ်များ

كارێن هنارتیان 6:15

دەمێ ئەوێن ل جڤاتێ روینشتی بەرێ خۆ دایە دێمێ وی، دیتن هەروەكو دێمێ فریشتەیانە.

رۆما 10:4

چنكو ب مەسیحی ئارمانجا دەستووری ب ج‍‌ھ هات، داكو هەر كەسێ باوەریێ بینیت، راستداریێ وەرگریت.

رۆما 4:15

چنكو دەستوور تۆڕەبوونێ پەیدا دكەت. جهێ دەستوور لێ نەبیت، زێدەگاڤی ژی لێ نینە.

رۆما 5:20

لێ دەستوور پەیدا بوو دا گونە‍‌ھ زێدە ببیت، لێ ل وی جهێ گونە‍‌ھ زێدە بووی، كەرەم هێشتا پتر زێدە بوو،

رۆما 7:10

من دیت كو ئەو فەرمانا پێدڤی بوو ژیانێ بدەت، ئەنجامێ وێ بۆ من مرن بوو.

رۆما 7:22

چنكو د ناخێ خۆ دا، ئەز ب دەستوورێ خودێ دلشاد دبم،

رۆما 7:5

چنكو دەمێ ئەم ل دویڤ لەشی دژیاین، حەزێن گونەهێ یێن كو دەستووری ئازراندین، د ئەندامێن لەشێ مە دا كار دكر، دا ژ بۆ مرنێ بەرهەمی بدەین.

1 كورنتۆس 13:10

لێ دەمێ تشتێ كامل بهێت، ئەوێ نەكامل دێ ژ كار كەڤیت.

2 كورنتۆس 3:3

دیارە كو هوین نامەیەكا مەسیحینە، ئەوا ب دەستێ مە هاتیە ئامادەكرن، نە ب حبری، لێ ب گیانێ خودایێ زیندی هاتیە نڤیسین، نە ل سەر تەختەبەران، لێ ل سەر تەختێ دلێ مرۆڤان.

2 كورنتۆس 3:6

ئەوێ شیان دایە مە، دا تێرا هندێ بكەین كو ببینە خزمەتكارێن پەیمانا نوی، نە پەیمانا پیتێ، لێ پەیمانا گیانێ پیرۆز. چنكو پیت دكوژیت، لێ گیان ژیانێ ددەت.

2 كورنتۆس 3:8

ئێدی ما خزمەتا گیانێ پیرۆز پتر یا ب رەونەق نابیت؟

گالاتیا 3:10

هەمی ئەوێن پشتا خۆ ب كارێن دەستووری گەرم دكەن، د نفرین لێكرینە، چنكو یا هاتیە نڤیسین: «نفرین لێ كریە یێ بێكێماسی هەمی تشتێن د پەرتووكا دەستووری دا هاتینە نڤیسین ب ج‍‌ھ نەئینیت و كار پێ نەكەت.»

گالاتیا 3:21

پا دەستوور دژی سۆزێن خودێیە؟ حاشا! چنكو ئەگەر دەستوورەك هاتبا دانان كو بشێت ژیانێ بدەت، دا ب دروستی راستداری ل دویڤ دەستووری بیت.

عیبرانی 12:18

هوین نەهاتنە نك چیایەكی كو هوین دشێن دەست بكەنێ، ئاگرەكێ ب گوڕی، تاریاتیێ، مژ و موورانێ، باڕۆڤەیێ،

عیبرانی 3:3

لێ عیسا ژ هەژی مەزناهیەكا پترە ژ یا مووسای، كا چەوا ئاڤاكەرێ خانی رێزگرتنەكا پتر هەیە ژ خانی ب خۆ.

عیبرانی 9:4

قوربانگەها زێڕین یا بخویرێ و سندوقا پەیمانێ، كو ژ هەمی لایان ڤە ب زێڕی یا داپووشی بوو هەبوون، د وێ سندوقێ دا ئامانێ زێڕی، ئەوێ مەننا تێدا هەبوو، ل گەل گۆپالێ هارونی كو بشكۆژ دابوون، هەروەسا تەختەبەرێن پەیمانێ.