2 كورنتۆس 3:5 - ئنجیلا پیرۆز

⁵ نەكو شیانێن مە ب خۆ تێرا دكەن كو ئەم هزر بكەین تشتەكە ژ مە ب خۆیە، لێ ئەو شیانا ل نك مە هەی ژ خودێیە.

2 كورنتۆس 3:5 ပူးပေါင်းရင်းမြစ်များ

مزگینیا لوقای 21:15

چنكو ئەز دێ دەڤ و ئاقلمەندیەكێ دەمە هەوە، هەمی بەرهنگارێن هەوە نەشێن بەرگریێ بكەن یان بەرسڤا ئاخفتنێن هەوە بدەن.

مزگینیا لوقای 24:49

ئەڤە ئەز دێ سۆزا بابێ خۆ بۆ هەوە هنێرم. ل باژێڕی بمینن تاكو هوین ژ بلنداهیێ ب هێزێ دهێنە راپێچان.»

مزگینیا یوحەننای 15:5

ئەزم مێو و هوین چەقن. ئەوێ د ناڤ من دا یێ بنەج‍‌ھ بیت و ئەز د ناڤ وی دا، ئەو دێ بەرهەمەكێ زۆر دەت، چنكو بێی من هوین نەشێن تشتەكی بكەن.

رۆما 15:18

چنكو ئەز نەوێرم ل سەر تشتەكی بئاخڤم، ژبلی ئەوێن مەسیحی ب رێیا من ئەنجام داین، ژ بۆ بدەستڤەئینانا گوهداریا نەجوهیان بۆ خودێ، ب گۆتن و كریار،

1 كورنتۆس 15:10

لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.

1 كورنتۆس 3:10

ل دویڤ وێ كەرەمێ یا خودێ دایە من، وەكو هۆستایەكێ شارەزا من بنیاتەك دانا و ئێكێ دی ل سەر ئاڤا دكەت. ئەڤجا بلا هەر ئێك یێ هشیار بیت، كا چەوا ل سەر ئاڤا دكەت،

1 كورنتۆس 3:6

من چاند و ئەپولۆسی ئاڤدا؛ لێ خودێ وەرار دایێ.

2 كورنتۆس 12:9

لێ وی گۆتە من: «كەرەما من تێرا تە هەیە. چنكو هێزا من د لاوازیا مرۆڤی دا ب كاملی كار دكەت.» ئەڤجا ب هەمی دلخۆشی ئەز دێ شانازیێ ب لاوازیێن خۆ بەم، دا هێزا مەسیحی د من دا ئاكنجی ببیت.

2 كورنتۆس 2:16

بۆ یێن ژ ناڤ دچن، ئەم بێهنا مرنێینە، كو وان بەرەڤ مرنێ ڤە دبەت و بۆ یێن قورتال دبن ژی، بێهنا ژیانێینە، كو وان بەرەڤ ژیانێ ڤە دبەت. ما شیانێن كێ تێرا ڤان تشتان هەنە؟

2 كورنتۆس 4:7

لێ ئەو گەنجینەیا مە هەی، یا د ئامانێن گلی دا، دا دیار ببیت كو هێزا هەری زێدە ژ خودێیە، نە ژ مەیە.

فیلیپی 2:13

چنكو خودێیە ئەوێ د دلێ هەوە دا كار دكەت، حەز و هێزێ ددەتە هەوە كو وێ بكەن یا ئەو پێ رازی دبیت.

فیلیپی 4:13

ئەز دشێم هەمی تشتان بكەم، ب رێكا وی یێ من بهێز دئێخیت.

2 تیمۆتاوس 2:2

و ئەو تشتێن ب ئامادەبوونا گەلەك شاهدان تە ژ من بهیستین، ب كەسێن دلسۆز راسپێرە، كو بشێن هندەكێن دی ژی فێر بكەن.

یەعقوب 1:17

هەر دانەكا باش و هەر دیاریەكا بێكێماسی ژ سڵالە، ژ نك بابێ رۆناهیان خوار دكەڤیت، ئەوێ ناهێتە گوهۆڕین، خۆ بچویكترین سیبەرا گوهۆڕینێ ژی نینە.