2 كورنتۆس 3:3 - ئنجیلا پیرۆز

³ دیارە كو هوین نامەیەكا مەسیحینە، ئەوا ب دەستێ مە هاتیە ئامادەكرن، نە ب حبری، لێ ب گیانێ خودایێ زیندی هاتیە نڤیسین، نە ل سەر تەختەبەران، لێ ل سەر تەختێ دلێ مرۆڤان.

2 كورنتۆس 3:3 ပူးပေါင်းရင်းမြစ်များ

مزگینیا مەتتای 16:16

ئینا شەمعون پەترۆسی بەرسڤا وی دا و گۆت: «تۆ مەسیحی، كوڕێ خودایێ زیندی.»

1 كورنتۆس 3:5

ئەڤجا ئەپولۆس كیە؟ پاولۆس كیە؟ ئەو خزمەتكارن، هەوە ل سەر دەستێ وان باوەری ئینایە، هەروەكو خودانی ئەڤ ئەركە دایە هەر ئێك ژ وان.

2 كورنتۆس 3:6

ئەوێ شیان دایە مە، دا تێرا هندێ بكەین كو ببینە خزمەتكارێن پەیمانا نوی، نە پەیمانا پیتێ، لێ پەیمانا گیانێ پیرۆز. چنكو پیت دكوژیت، لێ گیان ژیانێ ددەت.

2 كورنتۆس 3:7

ئەڤجا ئەگەر ئەو خزمەتا مرن ئینای، ئەوا ب پیتان ل سەر تەختەبەران هاتیە نكراندن، هند ب رەونەق ڤە هاتبیت كو ئیسرائیلی نەشیان رك و رك بەرێ خۆ بدەنە دێمێ مووسای، ژ بەر رەونەقیا دێمێ وی یا بەرەڤ نەمانێ دچوو،

2 كورنتۆس 6:16

ما چ رێككەفتن د ناڤبەرا پەرستگەها خودێ و پووتان دا هەیە؟ چنكو ئەم پەرستگەها خودایێ زیندینە، هەروەكو خودێ گۆتی: «ئەز دێ د ناڤ وان دا ئاكنجی بم و د ناڤبەرا وان دا گەڕیێم. ئەز دێ خودایێ وان بم و ئەو دێ گەلێ من بن.»

1 سالونیكی 1:9

چنكو خەلكێ وان دەڤەران بەحس دكەن، كا سەرەدانا مە بۆ هەوە چ كارتێكرن هەبوو و كا چەوا هوین ژ پووتان بۆ خودێ ڤەگەڕیان، دا خودایێ زیندی یێ راستەقینە بپەرێسن

عیبرانی 10:16

«ئەڤەیە ئەو پەیمانا ئەز دێ پشتی وان رۆژان ل گەل وان گرێ دەم، خودان دبێژیت، ئەز دێ دەستوورێ خۆ كەمە د دلێ وان دا و دێ ل سەر زێهنێ وان نڤیسم.»

عیبرانی 8:10

لێ ئەو پەیمانا ئەز دێ پشتی وان رۆژان ل گەل بنەمالا ئیسرائیلی گرێ دەم ئەڤەیە، خودان دبێژیت، ئەز دێ دەستوورێ خۆ كەمە د زێهنێ وان دا و دێ ل سەر دلێ وان نڤیسم، ئەز دێ بمە خودایێ وان و ئەو دێ بنە گەلێ من.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

ئاشكراكرن 2:1

«بۆ فریشتەیێ جڤاكا باوەرداران ل ئەفەسۆسێ بنڤیسە: ‹ئەوێ حەفت ستێران د دەستێ خۆ یێ راستێ دا دگریت و د ناڤەڕاستا حەفت چرادانكێن زێڕین دا بڕێڤە دچیت، ڤان تشتان دبێژیت:

ئاشكراكرن 2:12

«بۆ فریشتەیێ جڤاكا باوەرداران ل پەرگامایێ بنڤیسە: ‹ئەوێ شیرێ تیژ یێ دوودەڤ هەی، ڤان تشتان دبێژیت:

ئاشكراكرن 2:18

«بۆ فریشتەیێ جڤاكا باوەرداران ل تیاتیرایێ بنڤیسە: ‹كوڕێ خودێ، ئەوێ چاڤێن وی وەكو گوڕیا ئاگری و پێیێن وی وەكو برۆنزێ تەیساندی، ڤان تشتان دبێژیت:

ئاشكراكرن 2:8

«بۆ فریشتەیێ جڤاكا باوەرداران ل سمیرنایێ بنڤیسە: ‹ئەوێ ئێكێ و دویماهیێ، ئەوێ مری و زیندی بووی، ڤان تشتان دبێژیت:

ئاشكراكرن 3:1

«بۆ فریشتەیێ جڤاكا باوەرداران ل ساردیسێ بنڤیسە: ‹ئەوێ حەفت گیانێن خودێ و حەفت ستێر هەین، ڤان تشتان دبێژیت: من های ژ كریارێن تە هەیە، تۆ ب ناڤی یێ زیندی، لێ تۆ یێ مری.

ئاشكراكرن 3:14

«بۆ فریشتەیێ جڤاكا باوەرداران ل لاودیكیایێ بنڤیسە: ‹ئەوێ ب "ئامین" هاتیە بناڤكرن، شاهدێ دلسۆز و راست، سەرەكانیا ئافراندیێن خودێ، ڤان تشتان دبێژیت:

ئاشكراكرن 3:22

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت.›»

ئاشكراكرن 3:7

«بۆ فریشتەیێ جڤاكا باوەرداران ل فیلادەلفیایێ بنڤیسە: ‹یێ پیرۆز، یێ راست، ئەوێ كلیلا داوودی هەی، ئەوێ ڤەدكەت و كەس ناگریت، ئەوێ دگریت و كەس ڤەناكەت، ڤان تشتان دبێژیت: