2 كورنتۆس 3:18 - ئنجیلا پیرۆز

¹⁸ ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

2 كورنتۆس 3:18 ပူးပေါင်းရင်းမြစ်များ

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 12:41

ئیشایای ئەڤ چەندە گۆت، چنكو مەزناهیا مەسیحی دیت و بەحسێ وی كر.

مزگینیا یوحەننای 17:22

ئەو مەزناهیا تە دایە من، من ژی دا وان، دا ئەو ببنە ئێك هەروەكو ئەز و تۆ ئێكین.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

رۆما 12:2

هوین وەكو خەلكێ ڤێ جیهانێ نەبن، لێ ب نویكرنا زێهنێ خۆ وەرنە گوهۆڕین، دا هوین بزانن كا حەزا خودێ یا باش و جهێ رازیبوونێ و بێكێماسی چیە.

رۆما 13:14

لێ خۆ ب خودان عیسایێ مەسیح راپێچن و چ هزرێ بۆ تێركرنا داخوازێن سرۆشتێ خۆ یێ لەشكانی نەكەن.

رۆما 8:29

چنكو ئەوێن خودێ ئەو پێشوەخت هەلبژارتین، وی ئەو پێشوەخت ژی دەستنیشان كرن، دا وەكو وێنەیێ كوڕێ وی لێ بهێن، دا كوڕ د ناڤ گەلەك خویشك و برایێن خۆ دا یێ نەخری بیت.

رۆما 8:4

داكو رێسایێن دادپەروەرانە یێن دەستووری د مە دا بهێنە بجهئینان، ئەم یێن كو ل دویڤ لەشی ناژین، لێ ل دویڤ گیانێ پیرۆز دژین.

رۆما 8:7

ژ بەر كو ئەو زێهنێ گرنگیێ ب لەشی ددەت، دوژمناتیا خودێ دكەت، ئەو خۆ ملكەچی دەستوورێ خودێ ناكەت و نەشێت ژی خۆ ملكەچ بكەت.

1 كورنتۆس 13:12

ئەڤجا نوكە د خۆدیكێ را، ئەم شێلی دبینین، لێ وی دەمی ئەم دێ روی ب روی بینین. نوكە زانینا من نە یا كاملە، لێ وی دەمی ئەز دێ ب كاملی نیاسم، هەروەكو ئەز ب كاملی هاتیمە نیاسین.

1 كورنتۆس 15:49

كا چەوا وێنەیێ مرۆڤێ ژ ئاخێ ل بەر مە بوو، وێنەیێ مرۆڤێ ئەسمانی ژی دێ ل بەر مە بیت.

2 كورنتۆس 3:17

خودان گیان ب خۆیە و گیانێ خودانی ل كیرێ بیت، ل وێرێ ئازادی هەیە.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

2 كورنتۆس 4:6

چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

2 كورنتۆس 5:17

ئەڤجا ئەگەر كەسەك د ئێكبوونا ل گەل مەسیحی دا بیت، ئەو ئافرندەیەكێ نویە: تشتێن كەڤن بورین و نەمان، ئەڤە یێن نوی چێبوون.

گالاتیا 6:15

چنكو سونەتبوونێ و سونەتنەبوونێ ژی مفا بۆ مرۆڤی نینە، ب تنێ یا مفای دگەهینیتە وی ئەوە كو ببیتە ئافرندەیەكێ نوی.

كۆلۆسی 3:10

و مرۆڤێ نوی كریە بەر خۆ، ئەوێ دهێتە نویكرن ل گۆر وێنەیێ ئافرێندەرێ خۆ، دا ب دروستی ئافرێندەری بنیاسیت.

1 تیمۆتاوس 1:11

فێركرنا ساخلەم ئەوە یا گونجای ل گەل وێ مزگینیێ یا بۆ من هاتیە سپاردن، مزگینیا ب روومەت یا خودایێ پیرۆز.

تیتۆس 3:5

وی ئەم قورتال كرین. نە ژ بەر كارێن راستداریێ یێن مە كرین، لێ وی ئەڤ چەندە ل دویڤ دلۆڤانیا خۆ كر، ب شویشتنا ژدایكبوونا دوویێ و نویكرنێ ب گیانێ پیرۆز،

یەعقوب 1:23

ئەگەر كەسەك پەیڤێ ببهیسیت و ب ج‍‌ھ نەئینیت، ئەو وەكو وی كەسیە یێ د خۆدیكێ را ل سەروچاڤێن خۆ دنێڕیت،

1 یوحەننا 3:2

گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.