2 كورنتۆس 2:7 - ئنجیلا پیرۆز

⁷ ئەڤجا بەروڤاژی ڤێ چەندێ، دڤێت هوین ل وی ببورن و هانبدەن، دا ئەو ژ لایێ خەما زێدە ڤە نەهێتە داعویران.

2 كورنتۆس 2:7 ပူးပေါင်းရင်းမြစ်များ

1 كورنتۆس 15:54

دەمێ ئەڤێ درزیت رزینەبوونێ و ئەڤێ دمریت نەمریێ ل بەر خۆ بكەت، هنگی ئەڤ گۆتنا نڤیسارێ دێ ب ج‍‌ھ هێت: «مرن د سەركەفتنێ دا هاتیە داعویران.»

2 كورنتۆس 2:8

لەوما ئەز هیڤی ژ هەوە دكەم كو هوین حەزژێكرنا خۆ بۆ وی پەسەند بكەنەڤە.

2 كورنتۆس 5:4

هندی ئەم د بن ڤێ خیڤەتێ ڤە بین، دێ ژ بارگرانی نالینین. نەكو مە دڤێت ئەم ژ بەر خۆ بكەین، لێ مە دڤێت د سەر دا ل بەر مە بیت، دا تشتێ مربار ژ لایێ ژیانێ ڤە بهێتە داعویران.

2 كورنتۆس 7:10

چنكو خەمباریا ل دویڤ حەزا خودێ، لخۆزڤڕینەكێ بەرهەم دئینیت كو قورتالبوونەكا بێ پەشیمانی پێڤە بهێت. لێ خەمباریا ژ جیهانێ، مرنێ بەرهەم دئینیت.

ئەفەسۆس 4:32

ل گەل ئێكودوو د دلنازك و دلۆڤان بن، ل ئێكودوو ببورن، هەروەكو خودێ ژی ب رێیا مەسیحی ل هەوە بوری.

فیلیپی 2:27

ب راستی ئەو هند نەساخ بوو، هاتە بەر مرنێ، لێ خودێ دلۆڤانی پێ بر، نە ب تنێ ب وی بر، لێ ب من ژی بر، داكو بۆ من كۆڤانا ل سەر كۆڤانێ نەبیت.

كۆلۆسی 3:13

ل گەل ئێكودوو د بێهنفرە‍‌ھ بن، ئەگەر ئێكی گازندە ل سەر ئێكێ دی هەبن، ل ئێكودوو ببورن. هەروەكو خودان ل هەوە بوری، هوین ژی وەسا ل ئێكودوو ببورن.

1 سالونیكی 4:13

مە نەڤێت هوین دەربارەی نڤستیان د بێ ئاگە‍‌ھ بن، گەلی خویشك و برایان، دا خۆ خەمگین نەكەن وەكو یێن دی یێن كو چ هیڤی نینن.

2 سالونیكی 3:6

ئەڤجا گەلی خویشك و برایان، ئەم ب ناڤێ خودانێ خۆ عیسایێ مەسیح فەرمانێ ل هەوە دكەین، كو هوین خۆ دویر بئێخن ژ هەمی برایێن ب تەمبەلی دژین و ل دویڤ وێ فێركرنێ ناژین یا وان ژ مە وەرگرتی.