2 كورنتۆس 13:7 - ئنجیلا پیرۆز

⁷ زێدەباری هندێ ئەم ژ خودێ دخوازین كو هوین چ خرابیان نەكەن، مەبەستا مە نە ئەوە كو ئەم د تاقیكرنێ دا سەركەفتی دیار ببین، لێ مەبەست ئەوە كو هوین باشیێ بكەن، خۆ ئەگەر ئەم وەكو سەرنەكەفتی ژی دیار ببین.

2 كورنتۆس 13:7 ပူးပေါင်းရင်းမြစ်များ

مزگینیا مەتتای 6:13

مە نەئێخە د تاقیكرنێ دا، لێ مە ژ خرابكاری قورتال بكە، چنكو پاشایەتی و هێز و مەزناهی هەروهەر یێن تەنە. ئامین.

مزگینیا یوحەننای 17:15

ئەز داخوازێ ناكەم كو تۆ وان ژ جیهانێ ببەی، لێ تۆ وان ژ خرابكاری بپارێزی.

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

رۆما 12:17

خرابیێ ل وی ڤەنەگەڕینن یێ خرابیێ ل هەوە دكەت، لێ گرنگیێ ب وان تشتان بدەن یێن ب دیتنا هەمی مرۆڤان د باش.

رۆما 13:13

بلا رەفتارێن مە د بەڕێز بن، هەروەكو رۆژ بیت: نە ب ئاهەنگێن بێتۆرەیێ و سەرخۆشیێ، نە ب دەهمەنپیسیێ و بێدەلنگیێ، نە ب هەڤڕكیێ و چاڤپێنەڕابوونێ.

رۆما 16:10

سڵاڤان ل ئەپەلیسی بكەن، ئەوێ باوەریا خۆ ب مەسیحی سەلماندی. سڵاڤان ل خەلكێ مالا ئەریستوپولۆسی بكەن.

1 كورنتۆس 11:19

بێگۆمان دڤێت د ناڤ هەوە دا دووبەرەكی هەبن، دا دیار ببیت كا د ناڤ هەوە دا كینە ژ لایێ خودێ ڤە د پەسەندن.

2 كورنتۆس 10:10

چنكو هندەك دبێژن: «نامەیێن وی ب سەنگ و ب هێزن، لێ دەمێ ئەو ئامادە دبیت، كەسایەتیا وی یا لاوازە و ئاخفتنێن وی نە د كاریگەرن.»

2 كورنتۆس 10:18

چنكو یێ خودان وی پەسەند دكەت، ئەو دهێتە قەبیلكرن، نە یێ ئەو خۆ پەسەند دكەت.

2 كورنتۆس 13:6

ئەز هیڤیدارم هوین تێبگەهن كو ئەم د سەرنەكەفتی نینین.

2 كورنتۆس 13:8

چنكو ئەم نەشێین تشتەكی ل دژی راستیێ بكەین، لێ ب تنێ دشێین خزمەتا راستیێ بكەین.

2 كورنتۆس 13:9

ئەم دلخۆش دبین، دەمێ ئەم لاواز دبین و هوین بهێز بن. ئەوا ئەم ژ خودێ دخوازین: راستڤەكرنا هەوەیە.

2 كورنتۆس 6:4

لێ د هەمی تشتان دا، ئەم خۆ وەكو خزمەتكارێن خودێ پەسەند دكەین: د گەلەك خۆڕاگرتنێ دا، د تەنگاڤیان دا، د بن فشاران ڤە، د دژواریان دا،

2 كورنتۆس 8:21

چنكو نیازا مە ئەوە ئەم وی تشتی بكەین یێ راست، نە ب تنێ د چاڤێن خودانی دا، لێ د چاڤێن مرۆڤان ژی دا.

فیلیپی 4:8

ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ بیت، هزرێ تێدا بكەن.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

1 تیمۆتاوس 2:2

بۆ پاشایان و هەمی دەستهەلاتداران ژی، دا ئەم ژیانەكا تەنا و ئارام، ب هەمی خودێترسی و رێز، بڕێڤە ببەین.

2 تیمۆتاوس 2:15

هەمی بزاڤان بكە كو تۆ وەكو پالەیەكێ جهێ رازیبوونێ، خۆ بۆ خودێ پێشكێش بكەی، پالەیەكێ جهێ شەرمێ د كارێ وی دا نینە، ئەو پەیڤا راستیێ دروست شڕۆڤە دكەت.

2 تیمۆتاوس 4:18

خودان دێ من ژ هەمی كریارێن خراب رزگار كەت و ب سلامەتی گەهینیتە پاشایەتیا خۆ یا ئەسمانی. هەتا هەتایێ مەزناهی بۆ وی بیت. ئامین.

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.