2 كورنتۆس 13:5 - ئنجیلا پیرۆز

⁵ نە من، لێ خۆ بپشكنن، دا بزانن كا هوین د باوەریێ دانە یان نە. نە من، لێ خۆ تاقی بكەن. یان هوین تێناگەهن كو عیسایێ مەسیح د ناخێ هەوە دایە؟ ژبلی ئەگەر هوین د پشكنینێ دا سەرنەكەڤن.

2 كورنتۆس 13:5 ပူးပေါင်းရင်းမြစ်များ

مزگینیا یوحەننای 14:23

عیسای بەرسڤ دا: «هەر كەسێ حەز ژ من بكەت، دێ پەیڤا من ب ج‍‌ھ ئینیت و بابێ من ژی دێ حەز ژ وی كەت، دێ هێینە نك وی كەسی و ل نك وی ئاكنجی بین.

مزگینیا یوحەننای 15:4

د ناڤ من دا بنەج‍‌ھ ببن و ئەز د ناڤ هەوە دا. كا چەوا چەق ب خۆ نەشێت بەرهەمی بدەت ئەگەر د مێوێ دا یا بنەج‍‌ھ نەبیت، هوین ژی هەروەسا نەشێن ئەگەر د ناڤ من دا د بنەج‍‌ھ نەبن.

مزگینیا یوحەننای 17:23

ئەز یێ د ناڤ وان دا و تۆ یێ د ناڤ من دا، داكو ئێكبوونا وان یا تەمام بیت، دا جیهان بزانیت كو تە ئەز یێ هنارتیم و تە حەز ژ وان كر هەروەكو تە حەز ژ من كری.

مزگینیا یوحەننای 17:26

من ناڤێ تە بۆ وان دا نیاسین و دێ بۆ وان دەمە نیاسین، داكو ئەو حەزژێكرنا تە پێ حەز ژ من كری، د ناڤ وان دا بیت و ئەز ژی د ناڤ وان دا بم.»

مزگینیا یوحەننای 6:56

هەر كەسێ لەشێ من بخۆت و خوینا من ڤەخۆت، ئەو د ناڤ من دا یێ بنەجهە و ئەز د ناڤ وی دا.

مزگینیا یوحەننای 6:6

وی ئەڤە گۆت، دا فیلیپۆسی تاقی بكەت، چنكو عیسای دزانی دێ چ كەت.

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

رۆما 8:10

لێ ئەگەر مەسیح د هەوە دایە، لەشێ هەوە ژ بەر گونەهێ یێ مریە، لێ گیانێ خودێ ژیانێ ددەتە هەوە، ژ بەر كو هوین هاتنە بێگونەهكرن.

1 كورنتۆس 11:28

ئەڤجا بلا مرۆڤ خۆ تاقی بكەت، پاشی ژ نانی بخۆت و ژ پەرداغێ ڤەخۆت.

1 كورنتۆس 11:31

لێ ئەگەر مە دادوەری ل سەر خۆ كربا، ئەم نەدهاتینە دادكرن.

1 كورنتۆس 3:16

ما هوین نزانن، كو هوین پەرستگەها خودێنە و گیانێ خودێ د هەوە دا یێ ئاكنجیە؟

1 كورنتۆس 6:15

ما هوین نزانن، كو لەشێن هەوە ئەندامێن لەشێ مەسیحینە؟ ما ئەز ئەندامێن مەسیحی ببەم و بكەمە ئەندامێن لەشفرۆشەكێ؟ حاشا!

1 كورنتۆس 6:19

یان ژی ما هوین نزانن كو لەشێ هەوە پەرستگەها گیانێ پیرۆزە، ئەوێ كو د ناڤ هەوە دایە، ئەوێ هەوە ژ خودێ وەرگرتی؟ هوین نە یێن خۆنە،

1 كورنتۆس 6:2

ما هوین نزانن كو پیرۆزكری دێ دادكرنا جیهانێ كەن؟ ئەڤجا ئەگەر جیهان ب دەستێ هەوە بهێتە دادكرن، ما هوین بكێر ناهێن دادكرنێ ل سەر تشتێن بچویك ژی بكەن؟

1 كورنتۆس 9:24

ما هوین نزانن ئەوێن ل یاریگەهێ غاردانێ دكەن، هەمی دكەنە غار، لێ ب تنێ ئێك خەلاتی وەردگریت؟ هوین ژی هۆسا بكەنە غار، دا خەلاتی وەربگرن.

1 كورنتۆس 9:27

ئەز دژواریێ ل لەشێ خۆ دكەم و وی دكەمە بەنی، دا پشتی من ئامۆژگاری ل هندەكێن دی كری، ئەز ب خۆ ژ یاریێ نەهێمە دەرئێخستن.

2 كورنتۆس 6:16

ما چ رێككەفتن د ناڤبەرا پەرستگەها خودێ و پووتان دا هەیە؟ چنكو ئەم پەرستگەها خودایێ زیندینە، هەروەكو خودێ گۆتی: «ئەز دێ د ناڤ وان دا ئاكنجی بم و د ناڤبەرا وان دا گەڕیێم. ئەز دێ خودایێ وان بم و ئەو دێ گەلێ من بن.»

گالاتیا 2:20

ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری.

گالاتیا 4:19

گەلی زاڕۆكێن من، یێن ئەز ب وان جارەكا دی ژانێن زاڕۆكبوونێ دكێشم، تاكو وێنەیێ مەسیحی د هەوە دا ئاڤا ببیت.

گالاتیا 6:4

بلا هەر ئێك كارێ خۆ تاقی بكەت، وی دەمی ئەو دێ ب كارێ خۆ ب تنێ، نە ب كارێ كەسێن دی، شانازیێ بەت.

ئەفەسۆس 3:17

ب رێكا باوەریێ مەسیح د دلێ هەوە دا ئاكنجی ببیت و هوین د حەزژێكرنێ دا ب رە‍‌ھ و ب بنیات بن،

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 2:19

و خۆ ب سەری ڤە نەگرتیە. ژ وی سەری، هەمی لەش ب رێكا گە‍‌ھ و رەهان، دهێتە پشتەڤانیكرن و پێكڤە دهێتە گرێدان، وەسا لەش وەرارێ دكەت، وەراركرنەكا ژ لایێ خودێ ڤە.

كۆلۆسی 2:7

ب وی ڤە رە‍‌ھ داهێلای و د ئاڤاكری بن و د باوەریێ دا د موكم بن هەروەكو هوین هاتینە فێركرن و بلا هوین ژ سوپاسیكرنێ د سەر دا بڕژن.

1 تیمۆتاوس 2:15

لێ ب زاڕۆكئینانێ دێ قورتال بیت، ئەگەر ئەو ب خۆڕاگری د باوەری و حەزژێكرن و پیرۆزی دا بمینن.

2 تیمۆتاوس 3:8

كا چەوا یانیسی و یامبریسی بەرهنگاریا مووسای كر، ئەڤە ژی وەسا بەرهنگاریا راستیێ دكەن. ئەو كەسێن مێشك گەنینە و وەكو باوەردار هاتینە رەتكرن.

تیتۆس 1:13

ئەڤە شاهدەییەكا راستە. ژ بەر ڤێ ئەگەرێ، وان ب توندی پاشڤە ببە، دا د باوەریێ دا د ساخلەم بن

تیتۆس 1:16

ئەو دبێژن كو ئەو خودێ دنیاسن، لێ ب كریارێن خۆ وی ماندەل دكەن. ئەو جهێ دلڕەشیێنە، نەگوهدارن، ب كێر هیچ كارەكێ باش ناهێن.

تیتۆس 2:2

بلا پیرەمێر ل سەر خۆ د زاڵ بن، خودان رێز بن، خودان رەفتارەكا ئاقلانە بن، د باوەریێ و حەزژێكرنێ و خۆڕاگریێ دا د ساخلەم بن.

عیبرانی 12:15

هەوە های ژێ هەبیت نەكو كەسەك ب كەرەما خودێ را نەگەهیت و رەهەكا تەحل د ناخێ هەوە دا وەرارێ نەكەت، كو ببیتە ئەگەرێ ئارێشەیێ و ب رێكا وێ رەهێ گەلەك كەس بهەڕمن،

عیبرانی 4:1

لەوما بلا ئەم بترسین، نەكو سەرەڕای دەرفەتا سۆزا ب ژۆركەفتنا د ناڤ بێهنڤەدانا وی دا هێشتا یا مای، ئێك ژ هەوە ب وێ سۆزێ را نەگەهیت.

عیبرانی 6:8

لێ ئەگەر ستری و قیڤار دان، ئەو یێ بكێرنەهاتیە و نێزیكە نفرین لێ ببارن، كو دویماهیا وی سۆتنە.

یەعقوب 4:4

گەلی دەهمەنپیسان! ما هوین نزانن هەڤالینی ل گەل جیهانێ، دوژمناتیە ل گەل خودێ؟ لەوما یێ دڤێت ببیتە هەڤالێ جیهانێ، ئەو خۆ دكەتە دوژمنێ خودێ.

1 پەترۆس 5:9

موكم د باوەریێ دا بەرهنگاریا وی بكەن، چنكو هوین دزانن كو خویشك و برایێن هەوە ل سەرانسەری جیهانێ هەمان ئەڤێ ئازارێ دكێشن.

ئاشكراكرن 2:5

ئەڤجا بینە بیرا خۆ كا تۆ ژ كیرێ كەفتی! ل خۆ بزڤڕە و كریارێن دەستپێكێ بكە. ئەگەر نە، ئەز دێ هێمە تە و چرادانكا تە ژ جهێ وێ راكەم، ژبلی ئەگەر تۆ ل خۆ بزڤڕی.